شعر وشفيك ..؟؟

[الاسهم السعودية]

الضيقة اللي من ثـلاث سنين في صدري تفـوح
,,,,,,,,,,,,,,, جارت على صدري , وفاضت عن مدى مساحته


تلعب بصدري , وان بغيت ابوح ماادري كيف ابوح
,,,,,,,,,,,,,,, والرجل ,, بعض احيان , موته , ناتج لصراحته


وانت السبب ياللي مليت القلب طعنات وجـروح
,,,,,,,,,,,,,,, ترتاح لامن شفت جـرحك , ماخـذن بي راحته


يعني انت ,, لا ودك تواصلني ,, ولا ودك تروح
,,,,,,,,,,,,,,, ودك ,, تسويـبي حكـاية ,, آدم ,, وتفاحـته


اشتاق , تبـعد , ابتـعد , تشتاق , اعاتب تنوح
,,,,,,,,,,,,,,, لامحرمٍ وصلي , ولا اصدرت ,, حكـم اباحتـه


هبّلت فيني ,, ماتخـاف الله , يالوجه السموح
,,,,,,,,,,,,,,, اللي ثـلاث سنين عايش ,, في رجا سماحتـه


علمتني وشلون طعم الياس , من بعد الطموح
,,,,,,,,,,,,,,, والياس , من يصبر عليه , ويحتمل وقاحتـه ؟


وشفيك ؟ كنّك ناويٍ قتلي , وكن لي الف روح
,,,,,,,,,,,,,,, وشفيك ؟؟ جاوب ضاع عقلي وافتقد رجاحتـه


ولاّ , خطاي , احب غامض مايحب من الوضوح
,,,,,,,,,,,,,,, الاّ وضوحي ,, لجل يجرح ,, بالكلام ,, براحته ؟!



راقت لي ,,