الله من عينٍ جفت لذة النوم ..( مصافحـه ثانيه )

[ماجد المقاطي]

السلام عليكم ورحمة الله وبركاتــه



مصافحــه ثانيه ..,


بعد غياب بسيط ...

أتمنى أن تلقى صدى في ذائقتكم ..,





الله من عين(ن)جفت لذة النوم=وعزاه ياقلب(ن) غدا اليوم خايف

مما طرالي من هواجيس وهموم=شي(ن) يهوّل راقيات النوايف

شي(ن) غدا في داخل القلب مرسوم=ثم ضمته عوج الضلوع النحايف

أنا اشهد اني بالشقى صرت محكوم=حكم(ن) مثل حد السيوف الرهايف

كني سجين الفرس وألا هل الروم=من عقب ماشفت العنا والكلايف

وألا كما منهو عقيد(ن)على قوم=خلوه ربعه للمعادين عايف

راضي بحظي اللي من سنين مقسوم=ومالي جدا ياكود جر الحسايف

من عقب فرقاها انا صرت محروم=ماعاد جوّي من غثى البعد كايف

من يوم فرقاها الى يومنا اليوم=من يوم ماودعت زين الوصايف

وانا بوقت(ن) فيه مبلي ومظيوم=وقت(ن) يأملني على شي زايف

وينك يا ( سـلمى) يا مُنا كل شغموم=حالي ترى عقبك مثل ما أنت شايف

خليني في حضنك أبسهر وأبا أنوم=وأذوق من سكر هذيك الشفايف

وأبوس خد(ن) أبيض(ن)مثل الغيوم=وأشــم شــعــر(ن)لك تــعدا الـردايف

ريحه كما عود(ن)خلط فيه مشموم=ماكـــنه ألا مـجــدلات السفـــايف
وأصبح بحلم(ن) وسط غبّـاته اّعوم=مع من ملكني مع حبيب الولايف

وأنسى همومي وكفها في يدي دوم=وأكتب ( احـبــك ) فوق بيض الصحايف


دمتم بود ..,

[نياف العتيبي]

لي عوده

للاستمتاع والتعليق

الناااااااايف

[محمد السليس]

اهلا وسهلا

ومن طول الغيبات جااب الغناايم


صح لساانك مدد بلا عدد ولاهنت

[أمل عبدالعزيز]

.
.
ماجد

وعودة مملوة بكل وجد ومحبة وشوق

وأصبح بحلم(ن) وسط غبّاته اّعـوم
مع من ملكني مع حبيـب الولايـف

وأنسى همومي وكفها في يـدي دوم
وأكتب ( احبك ) فوق بيض الصحايف


قلبك هنا منسكب بكل معانيه

والكلمة فقط

هي من يكتبنا حينما تصبح عمقاً يحيا فينا...

كل التقدير لك ولعودتك الرائعة...........

[فهد بن عبدان]

.


.


الله الله

رائع هذا النص

صح الله لسانك

ولاهنت




أخوك

فهد بن عبدان


.

.

[علي محمد العجمي]

ماجد المقاطي انت مبدع وتستحق التصفيق الحار مني ولك خالص التحيات


وصح لسانك اخوك علي العجمي

[صالح الروقي]

أنا اشهد اني بالشقى صرت محكـوم
حكم(ن) مثل حد السيـوف الرهايـف



وانا اشهد انك مبدع يالمقاااااااااااااطي

صح لسااااااااااااانك مليووووووووووووون ولا يكفوووووووووووووون

كن بخير

[شداد العتيبي]

ماجد المقاطي



صح لساااااانك وسلمت يمينك





مع وافر إحترامي دائما"

[أبوعبدالرحمن]

ماجد المقاطي



هالقصيدة بنمسح بها زعلنا على غيابك



لانك جيت لنا بدرة ودرس من دروس الشعر


صح قلبك وكلك يالجزل


وفي انتظار جديدك

[ناصر العبدالله]

أخي الغالي

ماجد المقاطي

أسعد الله جميع أوقاتك بكل خير و مسرة

قصيدة بها الكثير من المعاني الجميل

و المفردات الجزلة

أبدعت في صياغتها

لا حرمنا الله تواصلك

سلمت

" صح لسانك و قلبك و لا هنت "

و في رعاية الله دمت ،،،

[حمدان الشمري]

الله من عين(ن)جفت لذة النوم=وعزاه ياقلب(ن) غدا اليوم خايف

مما طرالي من هواجيس وهموم=شي(ن) يهوّل راقيات النوايف

شي(ن) غدا في داخل القلب مرسوم=ثم ضمته عوج الضلوع النحايف

أنا اشهد اني بالشقى صرت محكوم=حكم(ن) مثل حد السيوف الرهايف

كني سجين الفرس وألا هل الروم=من عقب ماشفت العنا والكلايف

وألا كما منهو عقيد(ن)على قوم=خلوه ربعه للمعادين عايف

راضي بحظي اللي من سنين مقسوم=ومالي جدا ياكود جر الحسايف

من عقب فرقاها انا صرت محروم=ماعاد جوّي من غثى البعد كايف

من يوم فرقاها الى يومنا اليوم=من يوم ماودعت زين الوصايف

وانا بوقت(ن) فيه مبلي ومظيوم=وقت(ن) يأملني على شي زايف

وينك يا ( سـلمى) يا مُنا كل شغموم=حالي ترى عقبك مثل ما أنت شايف

خليني في حضنك أبسهر وأبا أنوم=وأذوق من سكر هذيك الشفايف

وأبوس خد(ن) أبيض(ن)مثل الغيوم=وأشــم شــعــر(ن)لك تــعدا الـردايف

ريحه كما عود(ن)خلط فيه مشموم=ماكـــنه ألا مـجــدلات السفـــايف
وأصبح بحلم(ن) وسط غبّـاته اّعوم=مع من ملكني مع حبيب الولايف

وأنسى همومي وكفها في يدي دوم=وأكتب ( احـبــك ) فوق بيض الصحايف






المقاطي أنت مـــــــــد هــــــــــش


صح الله لسانك مليووووووووون ولا يكفون


سجل إعجابي


أخوك

[نياف العتيبي]

ماجد المقاطي


صح لسانك مدد بلا عدد


قصيدة جزله من شاعر جزل


ولا يستغرب منك الجزاله والابداع


لله درك ودمت بخير


تحياتي لك

النااااااااايف

[ماجد المقاطي]

نياف العتيبي ..,

صح بدنك ..


لك جزيل الشكر يالغالي ..,

الله لايهينك ياذيبان على تعقيبك الرائع

تحيـــــاتي

[ماجد المقاطي]

اخوي محمد السليس ..,


ألف شكر يالغالي على تواجدك الكريم وتعطيرك صفحتي


وصح بدنك ولاهنت يالذيب ..

[ماجد المقاطي]

اختي امل عبدالعزيز ( الرهيبه )

أنتي فعلا رهيبه بردودك الرائعه

وكلماتك الأنيقه ..


صح بدنك وشاكر لك مرورك

[ماجد المقاطي]

اخوي فهد بن عبدان ..

صح بدنك

ولا هنت ياشوق البنت ..,


ومنكم نستفيد


تحياتي

[ماجد المقاطي]

اخي العزيز

الشاعر علي بن محمد العجمي


صح بدنك وبنانك


ولاهنت فديتك على مرورك الكريم


تقبل تحياتي

[ماجد المقاطي]

وانا اشهد انك ذيب ياولد مرجحين الموازين


لاهنت يالروقي على تواجدك الكريم


تحيـــــاتي يالغالي

[ماجد المقاطي]

شداد العتيبي
.
.
.
.

صح بدنك ولاهنت يالغالي


شاكر لك مرورك الكريم


تحياتي

[ماجد المقاطي]

أبو عبدالرحمن

طلتك علينا في المنتدى بحد ذاتها قصيده شعريه وابداع منظووم

لاهنت يالغالي

وشاكر لك مرورك الكريم

تحياتي

[ماجد المقاطي]

اخوي ناصر العبدالله

الأبداع منك وفيك يالغالي

دمت ودام نبض حرفك


تحياتي

[ماجد المقاطي]

اخوي حمدان الشمري ..


صح بدنك ولاهنت يالغالي


اعجابك وسام شرف على صدري يالغالي


تحياتي