ليزر مستشفى العرف

[حواء غرابيل]

مسائكم ورد وجوري وعنبر

انا بقولكم قصتي انا ماخليت خلطة بالنت بالعطار بالجمعيه من الحريم ماحطيته بوجهي يعني لعبت ببشرتي وانا بشرتي

من النوع الحساس وقامت تطلع لي حبوب صوب الذقن والزلوف صوب اللحيه واثار بنيه ولما احف يقب وجهي احمر وعقبها

قعدت اتكتك وافكر فقلت انا ليش قاعده ازرع بارض غيرًصالح للزراعه خووووش مثل فقررررررت بدال مااقط فلوسي

عالخراييط والخلطات اللي فيها كورتيزون صج. تفيدج بالبياض الباهر بس وقفيها تلعنين اليوم الليً استخدمتيً فيها

الخلطة ولاكريمات الصيدليه اللي يعطونج كريمات بدوون فحص

فحسمت المووقف وسميت وتوكلت علي الله ورحت لمستشفى العرف بالجهرا عند دكتور طارق وفتحت. ملف عنده ب 20 دينار


وكان صج رجال محترم وذوووق. وراقي في التعامل فقلت له القصه من طأ طأ للسلام عليكم فقلت له بسوي لي ليزر لوجهي

ولمنطقة البكيني فشاف الشعر طبعا الوجه ب 50 دينار والبكيني ب 50 طبعا بس شاف منطقة الوجه وقالي انتي تحتاجين

6 جلسات وراح تشوفين النتيجه فقلت توكل على الله وراح فحص بشرة وجهي فقال اي كريمات ماراح تنفعج راح اصرف

لج حبوب رواكتين بس قالي لازم تسويين فخص. الدهون وانزيمات الكبد قبل لااصرفها لج


فقالي روحي لغرفة الليزر فراحت السستر وحلقتني بالمووس وحطت لي كريم بنج علي وجهي لمدة نص ساعه وعلي منطقة البكيني لمدة

ساعه وجا الدتور بعد نص ساعه ولبسوني قطن عل عيوني وامسحت السستر البنج وحطت لي جل وهوا بارد والدكتور

مسك الجهاز ويلسع فيني هو يعور عواار خفيف بس عادي كل شي في سبيل الجمال نصبر. :eh_s(4):


وطلع الدكتور من الغرفه وعاد مسكتني الممرضه وسوت لي ليزر لمنطقة البكيني بغيت امووت من العوار فقلت لها خففي لي ا


اياه خففت وعادي ماحسيت الا بالم خفيف وعقبها حطولي كريم Fucort وعقبت ماخلصت رحت للدكتور فقالي لاتطلعين

بالشمس ولاتغسلين وجهج ولا منطقه البكيني الا بالماي فقط ولا تحطين مكياج ولاعطر علي مكان الليزر وحطي خمس

مرات باليوم وقالي سويلي تحاليل وطلعت لي النتيجه انه عندي دهون لانه انا اعشق الكاكاوات والحلويات

امووووووووت فيها وراجعته وقاليً لازم. تنظمين اكلج وتنزلين وزنج وتبتعدين عن الحلويات والمقالي والاكل الدسم طبعا

انا صرت جذي :eh_s(14):

فقلت امري لله وبعيني. دمعه لانه راح يحرمني من الكاكاو. ووصف لي الحبوب الرواكتين ومرطب للوجه والشفايف وقالي

ممنوع العدسات وماتستخدميين اي خلطات تبييض والحين بحاول اني اتاقلم مع الوضع الجديد وقالي كل شهر لازم تسويين تحليل عشان نشوف الهون وانزيمات الكبد لاتؤثر. عليها الحبوب وانا الحين باقي خمس جلسات لليزر

وراح اقولكم النتيجه وادعولي وانا مارحت له الا لما سمعت مدح من البنات للدكتور طارق لانه رفيجتي مسوية ليزر من اربع سنوات. ولا طلع للحيين

واي استفسار حاااضررررً.