المساعد الشخصي الرقمي

مشاهدة النسخة كاملة : مطــــلوب ياسعود عبدالله


الرويحـــي
24-03-2005, 12:10 AM
:biggrin:
مساك الله بالخير أخ سعود
ودي اللعب معك أذا ماعندك مشكله ويشرفني ويسعدني اللعب معك

أستلم لاهنت


ياسلام الله سلام ٍ كنه البرايه=يبري أحوالٍ من ظروف الزمن مبريه

ياولد بيني وبينك من يشيل الرايه=وانت من جملة رجالٍ قافهم قطيه
:biggrin:
سعودعبدالله
24-03-2005, 01:47 AM
الله يمسك بالخير يا الرويحي

وما عندي مشكله ويشرفني لعب معك

وستلم


مرحبا ترحيب اقوى من هبوب الحايه= يقلع بيوتن على غير السنع مبنيه

انت مالك يا الرويحي بالرجال درايه= مار ليتك تفرق البرحي من البرحيه
الرويحـــي
24-03-2005, 09:12 PM
مابنيت البيت غير مشيد ٍ مبنايه=مير خلك ياعميلي منسدح في فيه

العلوم موكده وانته تقول دعايه=لاتظيقني واجيب علومك المخفيه
محمد السليس
25-03-2005, 02:17 AM
ههههههههههههههههههههههههه ههههههههههههههههههههههههه ههههههههه


هذا والله الليل

وحياكم الله ياسعود ويا الرويحي


وانا في صفك يالرويحي

وعلا سعود ومعونتن بالله ان شاء الله
سعودعبدالله
25-03-2005, 03:13 AM
استلم يا الروحي لاهنت


ماحتزم بالسيف لين اعرّف قدر عدايه= وانت خلك تعترض في الدرب للطرقيه

انتبه للرايحه واحسب حساب الجايه= ما تلبسنا الثياب الضافيه عاريه
سعودعبدالله
25-03-2005, 03:15 AM
حي الله مشرفنا المحترم

ولاهنت على مرورك يا الذيب
طرقي هوى
25-03-2005, 07:09 PM
محاوره غير بين سعود والرويحي

شد حزامك يالرويحي ترى خصمك مهو اي خصم

سعود نعنبو قلبك انت كم تلاعب 000000بسم الله علاك من العين
ههههههههههههه
الرويحـــي
25-03-2005, 09:40 PM
حياك الله أخ محمد
يشرفني تواجدك طال عمرك

تحياتي
الرويحـــي
25-03-2005, 09:41 PM
اخوي طرقي هوى
يعطيك العافيه على مرورك الكريم

والله أني داري أن خصمي مهوب هين مير الله يعين
ويبالله ينصرني
الرويحـــي
25-03-2005, 09:45 PM
والله أنك لو تحيزم ماتجيب أقصايه=القلوب الميته وش جابها للحيه

توها زانت وجات أليه على مشهايه=بقلع أنياب الحنش وأقطع رويس الحيه
سعودعبدالله
27-03-2005, 12:45 AM
الرويحي استلم لا هنت



كان مالك عن مقادير الزمان حمايه=يا الرويحي في جبينك جالها ماريه

لا تقوله وانت في حاجه عنا وعنايه=واسترح واعمل بنفس راضيه مرضيه
سعودعبدالله
27-03-2005, 12:48 AM
هلااااااااااااااا مرحباااااااااا

يابو شرار


ولاهنت يا القرم على المرور المشرف

وتحياتي لك ووووواجد
أبوعبدالرحمن
28-03-2005, 01:01 AM
كباار كباار

صحت قلوبكم

ومتابعين لكم


شد حيلك يالرويحي وانا بصفك
الرويحـــي
28-03-2005, 01:57 AM
احمد الله ياسعود بجيشك الرمايه=عززوك بقوة ٍ برية ٍ جويه

لو بعيد أتجنبه حطيتك أبمخبايه=وأعتزلت من الحروب وجيتك بجنبيه
الرويحـــي
28-03-2005, 01:58 AM
هلا ابو عبدالرحمن

والله لي الشرف أنك بصفي لاعدمتك

يعطيك العافيه
سعودعبدالله
29-03-2005, 02:25 AM
الله الله الله

طيب طيب

استلم يالرويحي لاهنت


انت تدري ان التحيل ما يحقق غايه=عزتي بالله ثم ذراعي نهار الهيه

لو بعيد اطاوعه كان ارتكبت جنايه=يوم اعامل حضرتك بالرفق والماويه
سعودعبدالله
29-03-2005, 02:33 AM
هلااااااا ومرحباااااا


يابو عبد الرحمن حضورك مكسب


لاهنت وصفي وصف الرويحي واحد

وتحياتي لك وااااااااااااااجد

صديقك
الراســـي
29-03-2005, 08:11 AM
انت تدري ان التحيل ما يحقق غايه
عزتي بالله ثم ذراعي نهـار الهيـه

لو بعيد اطاوعه كان ارتكبت جنايه
يوم اعامل حضرتك بالرفق والماويه


الله الله يابوعبدالله
متابع معاكم من أول شي
في صفقك
ومن اليوم تراني صديقك

تحياتي لكم
متابعين معاكم
الرويحـــي
29-03-2005, 07:22 PM
صح اللساااانك يابو عبدالله
والله اللعب معك شرررف
بيض الله وجهك وماقصرت
ومبروك عليك الاشراااف وتستاهله

تحياااتي