االزعيم الهلالي
24-01-2012, 05:12 AM
في البداية الف الف مبروك الفوز مستوى ونتيجة وآداء
وكل شئ صراحة
.الهلال اليوم ابدع وأمتع وطقطق وبرد
قلوبنا وطمأنا على المستوى مع أني ما اعتبر النصر اختبار
حقيقي يخليك تحكم على فريقك .لدرجة أني حاولت اتوتر قبل
المباراة بس ما قدرت ض1.
لكن اللي قدمه الزعيم اليوم شئ يخليك
تفتخر ان هذا فريقك.
،،،،،،،،،،،،،،،،
صراحة المستوى اللي قدمه يو بيونغ سو ق1ق1 خلاني افرح
بزياااااادة لان ذا اللاعب واضح ان عنده إمكانات لكن مو
محظوظ ابد.
واليوم ماقصر سجل قول وساهم ب قول
ويعيبه انه اذا انفرد بالباب مايرفع راسه عشان كذا
نشوفه يضيع فرص كثير لكن والله انه لاعب كبير واراهن
عليه حتى أني كنت خايف ان الادارة تبيع عقده لأني
أشوفه هو المهاجم اللي يصلح للهلال وخطأ انك تفرط فيه
والهلال يحتاج لعيبة مثل سو ويوسف ما يعرفون الا الباب
ومانبي لعيبة حقين كعبات وگباريات مانستفيد منهم شئ
,,,,,,,,,,,,,,,,,,,,
توماس دول حُمِّل اكثر من ما يحتمل بشهادة ابو مساعد لان عندنا اعلام
فيه من الغباء الشئ الكثير ينتقدون المدرب بإمور ما تخصه
يعني على سبيل المثال اللي حصل بينه وبين إيمانا. يكتبون ان دول
ما وظف إيمانا بالشكل المطلوب !!الكلام ذا ممكن يكون صحيح في حالة وحدة
اذا كان اللاعب المعني مو متعجرف زي إيمانا لكن كيف تبي المدرب يوظف لاعب
مايستمع للتعليمات ومشاكله كثيرة!, يعني باختصار المدرب ينتقد من اجل النقد فقط!
زي مثلاً صالح الحمادي لما ينتقد اي شخص تعرف انه ينتقد لمجرد النقد
بالتوفيق لمدربنا السابق في اي فريق يروح له
،،،،،،،،،،،،
صراحة المستوى اللي يقدمه سلمان الفرج مع انه مو في مركزه يشكر عليه
يقدم مستوى افضل من الزوري وبمراحل.
الزوري كل مباراة يلعبها أتأكد انه لاعب عادي جداً وما ادري وش سر
تمسك المدربين فيه . اذا الظهير ما يعرف يلعب أوفر واحد صح وش ابي فيه؟!
،،،،،،،،،،،،،،
محمد نور يستدعونه شرطة جدة ويتهمون الهلال ؟! وش ذا النفوذ العظيم اللي عند الهلال ؟! ض1ض1
اليوم الدويش وعاصم يلمحون ان الهلال له دور بالموضوع ، والله اللي يصير
فيهم شئ مو طبيعي ! على اي مشكلة خلوا الهلال سببها !
،،،،،،،،،،،،،،
بتال القوس هو الإعلامي الوحيد اللي يخليني ارتاح من سماجة
البرامج الرياضية .يقدم برنامج مدته 50 دقيقة يريحك من برامج
الساعة ونص اللي كللها سوالف !!
لكن قضيته الاخيرة مع إيمانا ما توفق فيها ابداً، كان يبحث عن
إثارة فقط !
عموما كل اللي صار ما راح يخللينا نشك بموهبة بتال كمذيع ؛
،،،،،،،،،،،،،،
أخيرا الموضوع هذا كان بعد انقطاع طويل قداً قداً تارةً بسبب الاختبارات
وتارةً اخرى لتخبيط اللاب توب المتكرر!!!!
وكتبت اليوم من الايفون تبع اخوي بعد محاولات ومحاولات
اعتذر عن الأخطاء ان وجدت ؛؛ آسف على الإطالة
عمر العنزي@
وكل شئ صراحة
.الهلال اليوم ابدع وأمتع وطقطق وبرد
قلوبنا وطمأنا على المستوى مع أني ما اعتبر النصر اختبار
حقيقي يخليك تحكم على فريقك .لدرجة أني حاولت اتوتر قبل
المباراة بس ما قدرت ض1.
لكن اللي قدمه الزعيم اليوم شئ يخليك
تفتخر ان هذا فريقك.
،،،،،،،،،،،،،،،،
صراحة المستوى اللي قدمه يو بيونغ سو ق1ق1 خلاني افرح
بزياااااادة لان ذا اللاعب واضح ان عنده إمكانات لكن مو
محظوظ ابد.
واليوم ماقصر سجل قول وساهم ب قول
ويعيبه انه اذا انفرد بالباب مايرفع راسه عشان كذا
نشوفه يضيع فرص كثير لكن والله انه لاعب كبير واراهن
عليه حتى أني كنت خايف ان الادارة تبيع عقده لأني
أشوفه هو المهاجم اللي يصلح للهلال وخطأ انك تفرط فيه
والهلال يحتاج لعيبة مثل سو ويوسف ما يعرفون الا الباب
ومانبي لعيبة حقين كعبات وگباريات مانستفيد منهم شئ
,,,,,,,,,,,,,,,,,,,,
توماس دول حُمِّل اكثر من ما يحتمل بشهادة ابو مساعد لان عندنا اعلام
فيه من الغباء الشئ الكثير ينتقدون المدرب بإمور ما تخصه
يعني على سبيل المثال اللي حصل بينه وبين إيمانا. يكتبون ان دول
ما وظف إيمانا بالشكل المطلوب !!الكلام ذا ممكن يكون صحيح في حالة وحدة
اذا كان اللاعب المعني مو متعجرف زي إيمانا لكن كيف تبي المدرب يوظف لاعب
مايستمع للتعليمات ومشاكله كثيرة!, يعني باختصار المدرب ينتقد من اجل النقد فقط!
زي مثلاً صالح الحمادي لما ينتقد اي شخص تعرف انه ينتقد لمجرد النقد
بالتوفيق لمدربنا السابق في اي فريق يروح له
،،،،،،،،،،،،
صراحة المستوى اللي يقدمه سلمان الفرج مع انه مو في مركزه يشكر عليه
يقدم مستوى افضل من الزوري وبمراحل.
الزوري كل مباراة يلعبها أتأكد انه لاعب عادي جداً وما ادري وش سر
تمسك المدربين فيه . اذا الظهير ما يعرف يلعب أوفر واحد صح وش ابي فيه؟!
،،،،،،،،،،،،،،
محمد نور يستدعونه شرطة جدة ويتهمون الهلال ؟! وش ذا النفوذ العظيم اللي عند الهلال ؟! ض1ض1
اليوم الدويش وعاصم يلمحون ان الهلال له دور بالموضوع ، والله اللي يصير
فيهم شئ مو طبيعي ! على اي مشكلة خلوا الهلال سببها !
،،،،،،،،،،،،،،
بتال القوس هو الإعلامي الوحيد اللي يخليني ارتاح من سماجة
البرامج الرياضية .يقدم برنامج مدته 50 دقيقة يريحك من برامج
الساعة ونص اللي كللها سوالف !!
لكن قضيته الاخيرة مع إيمانا ما توفق فيها ابداً، كان يبحث عن
إثارة فقط !
عموما كل اللي صار ما راح يخللينا نشك بموهبة بتال كمذيع ؛
،،،،،،،،،،،،،،
أخيرا الموضوع هذا كان بعد انقطاع طويل قداً قداً تارةً بسبب الاختبارات
وتارةً اخرى لتخبيط اللاب توب المتكرر!!!!
وكتبت اليوم من الايفون تبع اخوي بعد محاولات ومحاولات
اعتذر عن الأخطاء ان وجدت ؛؛ آسف على الإطالة
عمر العنزي@