والله اني خايف

[عميد اتحادي]

<div>السلام عليكم ورحمة الله وبركاته

موضعي يا جمهور النمور انو زي ما احنا ملاحظين الفتره الاخيره ابن داخل الله يديه الف عافيه وكتر الله خيرو شغال صح وتعاقدات وكدا بس بصراحه مو هادا الي كنا نبغاه احنا بصريح العباراه نبغا لعيبه من نادينا يطلعوا ويلعبوا في الفريق الاول.
نفكر بمنطق فين يروحوا شباب النادي حقنا اذا احنا جالسين نجيب لعيبه من برا وقسم بالله في النادي عندنا ناس تدق كفر ويلعبوا بس ما ينعطوا فرصه انا اخاف انو يتحسن الفريق لفتره معينه وبعدين نرجع لنفس المشكله ونقول اللعيبه كبار. هيا كان يبغالها قرار صارم يعني ع بلاطه:
حمد المنتشري، صالح الصقري ، مبروك زايد، رضا تكر ، ولايهون حبيبنا النمري وغيرهم الي ماجو ع بالي خلاص يمشوهم من النادي وخلاص يعني الين متى بيجلسوا يلعبوا. ،بدال هادولا اللعيبه نطلع كم لاعب من الاولومبي ونصبر عليهم وهادولا راح يكونوا مستقبل 10 سنين. لاكن نجيب لاعبين من برا واعمارهم ماتقل عن اعمار لعيبتنا اتوقع مو الحل " هوا حل بس لفتره معينه "


ابو نوران حاله خاصه


ابو نوران طبعا حاله خاصه وبادن الله انو يقوم بالسلامه ويجلس الين مالا نهايه..... والله لو مو الحرام كان نسويلك تمثال في النادي.

والسلام خير ختام