دول والعربي .. بالعربي الفصيح

[االزعيم الهلالي]

بسم الله الرحمن الرحيم

بعد ظهور خبر اقالة دول وخبر اعارة العربي لفنربخشه التركي باقول لكم عدة تقاط .

كثير من الجماهير مايبغون دول ومنغرين بجريتيس وايامه مع الهلال وليته يرجع ومن هالكلام .. اعزائي انا اقول لكم ان المدرب توماس دول من افضل المدربين اللي مروا على الهلال !! لانه بكل بساطه مدرب ذكي جدا بس اللعبين السعوديين والمحترفين ماساعدوه خاصه المحليين ..

لو تلاحظون ان دول في كل مباراه يلعب بالخطه اللي يحتاجها الهلال مره 4 4 2 مره 4 5 1 مره 4 3 3 اما جيريتس من يوم عرفته وهو يلعب 4 5 1 حتى لو قدامك فريق ضعيف او قوي فايزين او مهزومين ومعروفه تبديلاته من يطلع ومن يدخل ..

دول اول مدرب يطبق اللعب من الاطراف والعمق العاده مع جيريتس والمدربين السابقين دايما من العمق ..

دول لو تعطيه لعيبه يسمعووون تعليماته ماتوقع احد راح يفوز على الهلال مسكين دول انبح صوته وهو ينادي على الفريدي يرجع يغطي مع الدفاع والفريدي ساحب عليه ..

الفريدي أحلى خبر سمعته يوم قال انه يبي فريق ثاني قلت هذي مشكله وتخلصنا منها لانه الفريدي لاعب ابو عشر او اول ربع ساعه تلقاه حريقه وملتزم وبعدها تلقاه تايه بالملعب لا يغطي دفاع ولاهجوووم ولا وسط يضيع حتى مانسمع اسمه مع المعلق ..

جينا للعربي والله ثم والله انه لاعب نجم وراس حربه لو راح من الهلال ما راح نلقى مثله وامكانياته هداف بالراس والرجل وويتمركز ويهاجم ويدافع ويقطع كور ويصلح ما بقى الا يحرس جنب العتيبي ..

وصدقوني لو راح للاتحاد او الشباب والله ان يجيب فينا العيد ..

الموسم الماضي مع جيريتس الهلال اخذ الدوري مو بشطارة المدرب لكن اخذه لانه ما كان في منافس غير الاتحاد وبان معدن اللعب السعودي اما السنه هذي شوفو وينا الرابع ..


عموما انا اتمنى من كل قلبي ترك الفريدي برغباته يروح لاي نادي والزوري معاه ونجيب لعيبه نشيطين حقين اطراف .. ياعالم لعب الاطراف اقوى شي هذا هواللعب الحديث..

وشكرا .. اتقبل النقد بعيد عن التجريح وشكرا مره ثانيه