الدوري وكاس ولي العهد وكاس الملك ولو تبي آسيا بعد كلها تفدا راسك يا سمو الأمير

[االزعيم الهلالي]

بسم الله الرحمن الرحيم
اولا وقبل كل شي اقول تسلم يمينك يا بو فيصل على كل شي تقوم به تجاه هذا النادي العملاق
يمكن في قله قليله خرجت بعد مباراة التعاون وبعد مباراة الأهلي تهاجم وتعاتب الأداره وبعض الاعبين وقد التمس لهم بعض العذر في انتقادهم لبعض الاعبين بسبب بعض المستويات الهزيله التي قدمها بعض الاعبين الغير معهوده منهم
لكن وبكل صراحه الاداره قدمت للفريق والاعبين مالم تقدمه اي اداره لاي نادي آخر
لكن للأسف مشكلتنا نجحد بسرعه
سموالأمير عبد الرحمن بن مساعد ماقصر جاب اجانب على أعلى مستوى حاول وبحث وجاب مدرب يعتبر جيد جدا لكن في ضروف اكبر مننا حكمت علينا ومنها ارهاق الاعبين عدم الاستعداد الجيد مشاكل التحكيم و.....و...و..... المهم في الموضوع انه لازم نصبر التوفيق من الله سبحانه وتعالى كم فرحنا وكم انتصرنا بفضل الله سبحانه ثم بفضل جهود ابو فيصل
ليه الحين ننكر يمكن انا من تضايقوا وزعلوا بعد مباراة التعاون لكن والله مازعلت بعد مباراة الأهلي تدرون ليه لأنه بعد مباراة التعاون كان في امل لكن بعد مباراة الاهلي خلاص ماعاد لنا امل في الدوري فكرت ولقيت انه من الكفر با النعمه جحدها وحنا الحمدلله النعم الوان واشكال وغيرنا يتمنى
في الاخير حبيت اقول لابو فيصل سمحنا وأعذرنا الموسم هذا الكل ضغط عليك ولا فكرنا انه انت بشر ولايكلف الله نفسا الا وسعها وحنا حملناك فوق طاقتك
وآذا ماتوفقنا ها الموسم ببطوله لاحقين الموسم القادم ناخذ كل البطولات ولا يضيق صدرك يفداك الموسم بكل بطولاته
انت بطولتنا الحقيقيه