قصيدة الهلاك

[تاجر مواشي]

اغنام - ابل - دواجن - طيور

احب اشارك بقصيدة من اختياري وهي لشاعر/ محمد بن سالم العرجاني بعنوان (الهلاك) لعلها تاخذ نصيب من الاستحسان لأعضاء المنتدى وللقارئ الكريم وهذه القصيدة المعبرة بصدق المشاعر المجروحة ، من شاعر يملك فخامة المعنى الصريح للعلاقة الممتلأة بالعزة والأنفة الشامخة وعدم النزول لهلاك الروح في وادي الوهم الزائف ،،،لن أطيل الكلام واترككم مع القصيدة :

ياصاحبي ويش بك علي تخطي وانا اتجاهل خطاك
الاولة عديتها و الثانية مشيتها
وش غيرك ياصاحبي ويش جاك مني وش بلاك
زلة ورى زلة بلا سبة علي أركيتها
الاوله شفنا تقلب منك لاتبعد وراك
عطني يمينك بعد مايمناي لك مديتها
والثانية لمن تعرضت للمخاطر و الهلاك
فلا تقول اني لاجل غيرك قبل سويتها
و الثالثة لاقلت (أحبك) لا تلقيني قفاك
و تصد وتقفي وكانك دمعتي ما وحيتها
وان كان تبغي دمعتي تنزل لاجل تثبت غلاك
لا والله ابتبطي عظم لك دمعتي ماسخيتها
ياصاحبي ماني ضعيف لك ولانبغي رجاك
لاشك تشفع لك عيونك كلما لديتها
مادام هذي غايتك يا صاحبي بعشق سواك
سيوف الخيانة دون دمعة محجري سليتها
كنت اتغاضى عنك وادمح زلتك واطلب رضاك
واليوم لو شفتك تولع نار ماطفيتها
بزيدها نار وحطب حتى تواقد في حشاك
وانجت بترمد رجعت وبالحطب شبيتها