يعين الله يا دنيا تسوق ايامها الاحزان .. روايتي الاولى . .

[حواء غرابيل]

يعين الله يا دنيا تسوق ايامها الاحزان .. روايتي الاولى . .

السلام عليكم ..
اول ششي انا من متابعين هالقسم فتشجعت وحبيت اكتب روايه وابيكم تشجعوني ..

--

البارت الاول
بيت ابو عمر ..
خالد( 34 سنه ) رئيس قسم في شركه النفط ..
مرته سلمى ( 30 سنه ) تحب زوجها وتموت فيه بس مشكلتها متكبره ومغروره ششوي .. تشتغل مدرسه لغه عربيه في مدرسه متوسطه
عمر 12 سسنه ولد ششيطان او خلنا نقول صصايع ! يطلع ومايرد الا اخر الليل وجذي .. ومأذي امه وابوه
نوره 11 سنه بالصف السادس بمدرسه امها دلوعه ابوها
وليد 2 سنتين

...

بالقسم مال الابلات
سلمى : اوووووووف خلص الداوم وخالد ما ييا !!..
ساره : ليه انتي ماتسوقين ؟
سلمى : لا حبيبتي مااسوق ولا ابي اسوق لو ابي جان سقت بس اي شي ابيه ( وبغرور) ريلي ما يقصصر
ساره بقلبها خخخ اي خير ان شاء الله : اي الله يخليه لج
ساره : انا ماشيه تامرين على ششي ؟
دلال : ويت سارونه وصليني البيت بليز سيارتي خربانه بدز ريلي ييي ويشوف لها حل
ساره خلاص امشي
سلمى : لحظه لا تخلوني بروحي نطرو لين ييي ريلي ..
ساره : خلاص اوكي
وقعدو عندها

..
دلال ( 34 سنه متزوجه وعندها ولدين )
ساره ( 23 سنه ) مو متزوجه حبوبه ومزيونه و عكس صفات سلمى ..
..
نوره تدخل القسم
نوره : ماما متى ييي بابا ؟
سلمى : الحين حبيبتي تعالي اقعدي
جت نوره وقعدت عند امها وقعدت تسولفمع الحريم وكذا
..
خالد يدق تلفون : يلا سلمى انا عند باب المدرسه تعالي
سلمى : وليه طولت ؟
خالد : اسف حبيبتي بس زحمه
سلمى : يما منك اوكي يايه حبيبي جاااااااااو
خالد : مع السلامه
..
سلمى : يلا حبيبتي نوره بابا ياا .. عند اذنكم
ساره ودلال : واحنا بعد باي
ومشو
..
سلمى تركب السياره وتدف الباب حيل ..
خالد : افا افا ششفيج بس عشان تأخرت
سلمى : متى بتييب سايق
خالد : ماني ياييب سايق ماتفهمين انا رجال مااأممن
سلمى : وشفيها يعني اذا يبت سايق
خالد : خلاص سوسو صكري الموضوع
سلمى : زين مر على مطعم عصاير ريجي ناشف
وتلف على نوره : ششنو تشربين ؟
نوره : يما انا ابي عصير برتقال ..
سلمى : خلاص مره توت ومشمش وابي واحد عصير برتقال وواحد سنيكرز ..
خالد بزهق : خلاص اوكي
نزل خالد من السياره وراح يشتري عصير ..
سسلمى تدق على بيت امها : هلا يما شلونج وشلون وليد ؟
ام سلمى : والله بخير انا وولدج يا بنيتي متى تشترون خدامه ؟ او سايق م يصير جذي ؟
سلمى فهمت انه امها مو فاضيه للجهال بس شتسوي بعد تخليه بالبيت بروحه ؟ ما يصير ..
سلمى : يما سامحيني اليوم بفتح هالمووضوع مع وليد ..
ام سلمى : على خير
..
خالد : لو سمحت واحد اورنج جوز وواحد سنيكرز وواحد رد بول توت
الجرسون : اي شي ثاني ؟
خالد : لا سلامتك
راح واخذ فره على المطعم
( ملاحظه المطعم ماكان مصصكر ! مفتوح على الشارع عرفتو شلون )
لف ولقا مره لابسه عبايه ركضت وحذفت شي بقوه داخل الزباله وانحاشت
خالد مستغرب حدده راح ويشوف عند الزباله بنوته صيره ماتمت حتى اسبوع كسسرت خاطره وبسرعه حطها ولفها بدشداشته واخذ العصاير ودخل السياره
سلمى وهي تطالع دشداشته كلها دم
تقول : شسسسسسسسالفه وهذي منو وششكو ماخذه روح ردها مكان مااخذتها
خالد مارد عليها وبسرعه وداها على المستشفى ودخلو البنت العمليات لانه الحذفه الي حذفتها فيها امها قويه فصايره كلها دم
خالد وهو يحك شعره ومبين عليه ملامح التعب والارهاق : خلاص يا سلمى بسسج غرور بقول انها بنت رفيجي وهو توفا فقلت اربيها عنه وبسس
سلمى بس انا مو مستعده اربي يهال اكثر
خالد : سلمى اذا انتي ماتقدرين ترا بتزوج ثانيه يمكن تقدر
سلمى وهي رافعه حاجب ومعصببه : لا خلاص بس بششرط
خالد : ششنو ؟
سلمى تييب خدامه موحاله كل يوم اقط ولدي بيت امي ترا ملت !!
خالد : خلاص خلاص بييب لج خدامه اليوم ان ششاء الله ..
سلمى ابتسمت

انتهى البارت الاول وسامحوني اذا كان قصير ..