توضيح+اعتذار+القصة كاااملة+مهزلة صلة هنا و كفاية+السوق السواد تقول كلمتها+الخطة لمستقبلية للتذاكر..

[الاهلي الراقي]

بسم الله الرحم الرحيم..

الحمد لله و الصلاة و السلام على أشرف الأنباء و المرسلين سيدنا محمد و على آله و صحبه أجميعن..



أولا:

أحب أوضح نقطة البعض ما فهمها من موضوعي بخصوص التذاكر..

انا قلت اروح اشتري مو عندي التذاكر جاهزة..
يعني..(مثال)

صاحبي جاي من الطائف و انا اروح اشتري له تذكره على بال ما يجي..

هذي الفكرة كلها,, يعني خدمة فقط..
مو سوق سوداء و لاشي..
فيه ناس تتصل و تقول باي سعر و الي يقول انا هلالي و اعطيك اي سعر..
ولا فيه واحد اتصل يقول انا من جدهـ و احق بالتذكرة من الي برى جده..!
و أغلب الي كلموني يحسبوني فاتح سوق سوداء..


ثانياً:

اعتذر لكل الي و عدتهم بالتذاكر..

للاسف رحت و ما حصلت شي..


ثالثاً:


رحت انا و معايه مجموعة 29 شخص بالضبط..

وكانت الخطة كل شخص يحاول يأخذ 3 تذاكر..
و اذا م اعطوه يرجع يمسك سرا و يشيل تذكرتين زيادة..

اول ما وصلنا على الساعة 1 تقريبا

كانت البوابات كلها زحمة

و اتجهت الي بوابة رقم 3 الاقل بين البوابات..
و نطينا من فوق الباب الحديد


مسكنا سرا و انتظرنا لين فكوا و بدا يبيعون..

المشكلة ان فيه 10 شبابيك و الي يبيعون من صلة شخصين فقط..

و كل شوية يجون عند شباك يعني بالقطارة البيع..
و الناس زحمة و حر و مشاكل و مضاربات مع الي يسقطون..
و هذا كله من صلة لا احترمت الناس ولا حتى باعت زي الناس.

و فجأة على الساعة 2 و 45 دقيقة تقريبا طفوا الانوار الي عندهم جوه و طلعوا..!
يقولوا التذاكر خلصت..!!
كيييييييييف ما ادري ..

و الله الي اخذوا تذاكر.. يمكن ما يتعدون 400 شخص من بوابة رقم 3..

انتم احسبوها خلال 45 دقيقة كم تذكر راح تنباع من شخصين فقط..
لو نحسب كل 30 ثانية واحد يشتري تذكرة و هم شخصين الي يبيعوا..
راح تطلع معانا 180 شخص فقط..!

المهم..

انتظرنا قلنا يمكن يفتحون بعد شوية..

و المجموعة الي معايه بدات تقل شويه شويه

لين صفيت على 4 أشخاص انا منهم..

و صراحة ما الوم الي سحبوا عليا..

الوضع كان مزري

اغلبهم قلي لو فيه بيع مستعد امسك سرا لين الليل
ماهي مشكلة لكن كذا الوضع ما يخارج..

و على الساعة 4 مشينا من هناك قلنا خلاص..



نجي لصلة..

انا ما ادري الي متي الكلام هذا

لازم نتبهذل في مبارة كبيرة
انا حاجز تذاكر من اول في النت..
لكن الناس الي ما حجزوا ايش يسون..؟
وحسيت فيهم صراحة مع الوقفة في الطابور..
حتي لمن تكون بلاش
لازم فيها بزوطة..

معقولة 10 شبابيك وفي الاخير اثنين بس..
و الله حراااااااااااااااام

و الله الحركة هذا مسوينها بالقصد..

وقت المباريات العادية وما فيه زحمة تجي تحصل 10 اشخاص يبيعون

و وقت الزحمة اثنين بس..
و ازيدكم من الشعر بيت..
واحد من الي معايه اتصل على واحد مشرف في صلة ..

و قال له انه التذاكر المخصصة لنادي الاهلي خلصت
وباقي تذاكر المخصصة لنادي الهلال..!
هذا الاتصال كان وقت ما وقفوا البيع..

معقووولة الهلال يخصصون له تذاكر..
و يجون ياخذونها سلام سلام و احنا ناكل تبن..

ما اقول غير الله يحرقك يا صلة انتي و طارق ذياب..

لازم لادارة تشوووووووووووف لنا حل فيها
و يا ليت يكون الانفصال عن صلة..و يكون طبع التذاكر على النادي..
على الاقل نعرف انه ما راح يصير قلة احترام بعقولنا..


السوق السوداء شغااااااااالة ما شاء الله..


و الله الناس عاد تفكر غير في الفلوس..

و الله انا معايا تذاكر من يوم الاحد..

و الله و رحت و مسكت سراء عشان بس الاهلاوية الي من خارج جدهـ
لان عندي فكرة و هي..حب الاهلي يجمعنا..

و اتفاجا باهلاوية يبيعون في السوق السوداء..!


الخطة المستقبلية للتذاكر..

طبعا تووووووووبة اسوي الحركة هذي
مستقبلا اذا الله احيانا و كان فيه مباريات مهمة..
راح اقدم خدمة لمن خارج جده بـ
هم يحجزوا التذاكر عن طريق النت..
و يعطوني الحجز و انا اشتريها لهم..

وقفات..

اشكر كل شخص و عدته و اتصل عليا و فهم الوضع ..
و اشكر كل شخص و عدته و سبني.. لاني حاس فيه..

شكر لكل واحد جاء معايه من 29..

و شكر خاص جدا للثلاثة الي جلسوا معايه لين مشيت..

ملاحظة بالنسبة لجوالي..
و الله الجوال ما سكت لين خلصت البطارية..في العصر..
و انا كنت مواصل..و حالتي حالة
و خلصت لي كم شغلة و ما رجت البيت الا بعد صلاة العشاء..
و على طول نووووووم لين قبل شوية..



يا رب يفوز الاهلي اليوم..


مع التحية للجميع..