صالونة الدياي الهنديه بحليب جوز الهند

[حواء غرابيل]

مراحب الغاليات...

اليوم قلت لزم انزل لكم طريقة صالونة الدياي الهنديه ألي أسويها وأحلى بمليون مره من شغل المطاعم ... و خصوصا لمحبي الأكل الهندي ... مثلي !!!



الصالونه الهنديه بحليب جوز الهند

طبعا عارفه ديايه مقطعه 6 قطع و تشيلين الجلد و تغسلينه عدل من الزفره..
2 بطاطس متوسطة الحجم مسلوقه و مقطعه مربعات
2 كوسا مقطع شرايح سميكه
1 جزر مقطع شرايح
1 فلفل باردمقطع مكعبات
3 حبات بصل مفروم ناعم
4 حبات طماط مفروم
فلفل أخضر حبه وحده و على حسب ما تحبين مفروم
3 فص ثوم مدقوق و قطعه زنجبيل مدقوق ناعم
حزمة كزبره مفروم ناعم
5 ملاعق حليب جوز هند بودره ( مذوب بنص كوب ماي)
4 ملاعق معجون طماط
5 حبات ورق غار أخضر

البهارات:
ملح و فلفل أسود ... بهارات المساله... بهارات الكاري... كركم.. بزار عادي.. حبوب الخردل ...
البهارات الصحيحه: كم حبه فلفل أسود و هيل و جرفه و مسمار

الطريقه:
تحمرين البصل بقليل من الزيت لين يحمر و يذوب البصل تالي ضيفي عليه الطماط و خليه شوي يذبل شوي عقب ضيفي عليه الدياي و قلبيهم شوي لين ما تشوفين الدياي نضى شوي عقب ضيفي عليه طماط المعجونو الثوم و الزنجبيل و زيدي عليه شوية ماي و حركيهم شوي و حطيه عليه البهارات كلها و حركيهم و قلبيهم عدل و أذا شفتيه يحتاج ماي حطي عليه و تركي على نار هاديه شوي و غطي الجدر لمدة 3 دقايق ...
تالي حطي عليه حليب جوز الهند ألي ذوبتيه بالماي و حركيهم و ضيفي الخضره و الورق الغار و البهارات الصحيحه و الكزبره المفرومه ... و عاد بالنسبه للماي انتي تتحكمين شكثر تبينه تقدرين تضيفين الماي و خليه يفور على نار هاديه و غطيه الجدر لمدة 45 دقيقه تركي على نار هاديه كلش و كل شوي حركي الصالونه و انتي تتحكمين بالصالونه بس خليها شويه تكون يامده...

و عاد مري على محل الهنود و أخذي جباتي و غوصي عاد بالصالونه مع الجباتي ...... يا سلام ....
بتقطين صالونة المطاعم على طرف و بتحطين الصالونه ألي تسوينها جدامج... يكفي انها شغل أيدج... و نظيف..

أختكم
أم فارس