ولد اسمه سهيل ، حصان أبيض

[حواء غرابيل]

السلام عليكم


انا عندي حلمين واثنينهم اكون حالمة فيهم وقت الفجر وانش على الصلاة

الحلم الأول :

حلمت اني شايلة بين ايديني ولد صغير ماعرفت من ولده وكنت أسال اللي حواليني بس محد كان يدري والولد كان جميل جدا وحبيته وقلت لهم باني راح اخذه اربيه وبسميه "سهيل" قلت لهم كأن هذا الاسم يا مع هالولد يليق عليه وحسيت فيه صدق احساس غرييب اني صدق هالولد حبيته!

بعدها باسبوعين ونص حلمت هالحلم ..

الحلم الثاني :

حلمت ان انا واهلي كنا يالسين في الحوش ويارنا كان ولد خالتي اللي يكون اخ لاختي الكبيرة بالرضاعه ، وكان كأنه يوم عرسه ويحطون الزينة على بيتهم ونحن فرحانين له فقالوا انهم بيحطون شوي من الزينة على بيتنا ومسكناها انا واختي الصغيرة وانا يوم حطيتها قالت لي اختي : هني وايد تحت قالولنا ارفعوها 9 امتار .. عقب رفعناها ، عقبها انضم لنا ولد خالتي ويلس ويانا فالحوش عقب شفت من بعيد حصان ابيض يطير .. قلت لهم "هذا الحصان ايي حق كل معرس يديد" :p.. عقب هالحصان نزل على يدار بيتنا وقعد يركض يركض دار مدار البيت فوق اليدار بعدين ينزل ويرد يركب ونزل مرة وحدة جدامنا وكانه طلعت منه يد ولمست ولد خالتي وركض جدامي شوي وبيحوشني وانا اخترعت وارتبكت من الخرعه يلست ف حجر امي بس قالت لي قومي ماااقدر والكل كان طبيعي الا انا زايغه اخاف اييني ، عقب قلت لهم خل ندخل ودخلللت داخل .. ونشيت من الخرعه وكان وقتها الفير

انا مب متزوجة وملتزمة