تحذير تحذير تحذير من حبوب الرجيم المهلكه

[حواء غرابيل]

السلام عليكم ورحمة الله وبركاته











بنات يصدمني انكم ما تلتفتون للتحذيرات من حبوب الرجيم وانواع الجاي اللي يسد الشهيه
ويصدمني اكثر اللي تقول جربتهم ما سوولي شي ولا ضروني
الاضرار تبين مع الوقت والسنين مو بيوم وليله
اعتبرهم سم طويل المدى
كافي وقت استخدامهم ارق وكابه ونفسيه تعبانه
اي شي يسد الشهيه ياثر عل المخ واللي تقولج غير هالحجي ما تفهم شي للاسف
انا جربت وزين اني تداركت نفسي وتركتهم
واللي يثير الاستغراب وحده مكدسه الشحوم سنين تبي بشهر تضعف وتصير رشيقه
خلو عندكم اراده ونزلو ع الراحه وبالمقابل تكسبين صحتج وجسمج


ولايهمكم التاجرات مع احترامي لهم
التاجره همها تبيع وبس يمكن اغلبهم مو عارفين اضرار هالحبوب
مستغلين حاجه البنات للنزول السريع والرشاقه

اعرف وايد حالات تاثر الجبد عندهم والكلى سواء بالمنتدي او معرفه شخصيه والله على ما اقوله شهيد