حــــالـــي تـــردى و الـــســـبـــب

[تاجر مواشي]

اغنام - ابل - دواجن - طيور


السلام عليكم

عند ابيات ويهمني رايكم فيها




حالي تردى والسبب نفسي وجزلات الهموم.....تجمعت والنفس ما تامر بخير ومنفعه


ما أدري الوم النفس ولا الهم ولا ويش الوم.....ولاصحيب(ن)عافني يوم ان حصل مطمعه


ياكثر ما شفنا على وجه البسيطه من جروم.....بالهرج تتصدر وبالشدات فرت مهطعه


والي ما يحمي كلمته هذاك من روس الرخوم .....يهرج ولا يحسب حساب الهرج ربي يقلعه


عز االله اني يا ولد زيزوم واملك لي عزوم.....ما دامني عايش بعد ما راح نصف الاربعه


سدي وبيحته وانا فالامس صبار(ن)كتوم.....واليوم انا من علتي بأزعق بصوتي وارفعه


اليا ذكرت اللي رحل عيت عيوني لاتنوم.....تلقى على خدي دموع العين تنزل مسرعه


اللي لبس ثوب الوفى والطيب لبسه للهدوم.....الي بكته الدار والساقي وكل المزرعه


عز الله انه تفقده كل الحلاحيل القروم.....ولا هو ترى عيب(ن)على الرجال يذرف مدمعه


مير البكى ما يرجع اللي راح والعلم معلوم.....ولوه نفع لابكي بكى ليما تسيل المجمعه