تدري خذها كأش ..........

[سعد السبيل]

خذها كأش
على البلاطه


غالي ولا أغليت مثلك بالغلا غالي=يوم أنت تستاهله ياترف الأقدامي
ويوم إن نوك وطبعك شأن من تالي=أصدرت حكمك وأنا نفذت الإعدامي
ماحال دامت على أية حال في حالي=وإن طاب لي خاطر ٍ عزام جزامي
سلواك صعبه لكن لابد لي سالي=كم غالي ٍ قبلك أنستناه الأيامي
وكاد أبا أسلاك وإلا إنه يورى لي=ما أرجع ياكوده رجع للحكم صدامي
والله لترجم أقوالي بالأفعالي=خذ مني إقراري وتوقيع الأبهامي
قطعت رجواي في ترميم الأطلالي=واللي مضى عده من أثغاث الأحلامي
خلك بفالك وأنا أبا أروح في فالي=وأيضا لك الله تحاش تمرقدامي
مابيننا بيننامقطوع الإرسالي=ولابد ننسى الأسامي قبل الأرقامي



أبوسبّيل

[أمل عبدالعزيز]

0
0

شعر رقيق من شاعر المرجان والعقيق ...

سعد بن سبيل لاغرابة هنا...

فأنت صاحب الحرف العذب والجميل ....

وجدناك صاحب مشاعر تأتي بالكاش

فاقول لك: هيك المشاعر وإلا بلااااش....
-
-
-
ويوم إن نوك وطبعك شأن من تالي
أصدرت حكمك وأنا نفذت الإعدامي
ماحال دامت على أية حال في حالي
وإن طاب لي خاطر ٍ عزام جزامـي
سلواك صعبه لكن لابد لـي سالـي
كم غالي ٍ قبلـك أنستنـاه الأيامـي
وكاد أبا أسلاك وإلا إنه يورى لـي
ما أرجع ياكوده رجع للحكم صدامي
\
\
\


هناك الكثير من شاركك بنفس القلب والفكرة والتصوير كشاعرنا الرائع العذب ( عشق ليل)...
http://www.emiratesvoice.com/imagecenter/pic/remove.jpg





أببدع في القصيد اللي يكدّر راعي الفله=وأبكتب في القوافي اللي تزيح الهم عن صدري

وأبكسر حاجز ( الروتين ) وأنتي مثل خلق الله =محيتك من خفوقي قبل انا ما امحيك من فكري

أنا قلبٍ وقف نبضه وحزن وروح معتله =ولا عادت تناسبني عبارة (( يا بعد عمري ))

وأنا في الحب لي ملة ولك أنتي مية مله =ولك كذبك ولك غدرك ,, وأنا مالي سوى شعري

ترى بعض الغلا ينعاف لا من خالطه ذله =درست إني أعز النفس وأرقى فوق من صغري

أسوق الرجل للعليا ,, ودرب الذل ما أدله = وابيع أغلى محبيني ولكن ما نقص قدري

ترى ما كنت أحبك موت ابي تصفيقة الشله =ولا هوب الطموح إن الجميع بحبنا يدري

عرفت إني ( خوي الصمت ) لو زادت بي العله =سكوتي عن تفاهاتك حشيمة حبنا العذري

تمنيت الغلا بعضه وانا ما ابي الغلا كله =على لسانك تكسّر كل حلمٍ والجفا يطري

غموضك شئ ذابحني عجزت ايام عن حله =وإذا كنتي تلوميني على هالصمت ,, من عذري !!

وأنا دايم إلا مني بغيت الشئ اوصله =واشوفك كل ما قربت يمك زدتي في هجري

ما عاد ابغى دفا شمسك وقلبك ما ابي ظله =وما عاد ابغى تحبيني وحرفك يرفضه سطري

سمعت إن العرب قالوا (عدوك وش تبي خله) =وانا كلي ترى ضدك (خفوقي وحرفي وحبري)

وسمعت ( إن الخليل إليا تضايق راحته خله ) =وأنا عكس الخلايق يفرح الخلان في كسري

صبرت أيام ,, إلا شهور ,, ألمّ الجرح وأفلّه =ولو إن الصبر ينطق تعجّب من كثر صبري

حرام إني ما عاد اشتاق لك لو كنت متولّه=خذيتي قبل احساسي ,,, تعالي جربّي نذري

وأنا لو كنت أبنوي لك زعل وأدوّر الزله =لك الله كان فارقتك قبل أهواك من بدري

تحياتي لك يابن سبيل على جمال بوحك ورقة عبيرك وشذى تعبيرك ....

تبقى ذو حضور مختلف .....

أعذب تحية لك ......

[أبوعبدالرحمن]

والله لترجـم أقوالـي بالأفعـالـي
خذ مني إقراري وتوقيـع الأبهامـي


استاذ يابوسبيل

نهر من الشعر العذب


ماشاء الله عليك

تغرف من بحر وتنتقي لنا الدرر دائما


الغالية الرهيبة ..// شكرا لكِ واختيارك لقصيدتي شهادة ووسام على صدري



تحيتي

[مفرح بن مناحي]

صححححححح لسانك يا سعد

شاعر كبير وغير مستغرب منك هالإبداع


لله درك

دائماً ما تتحفنا بكل ما هو جميل

سعد السبيل

قصيدة كلها على بعضها جزلة

لك أطيب التحايا