ريلي يقولي حفي وانا مابي شنو اتطلق؟

[حواء غرابيل]

قوه بنات،،،،



انا توني يايه من الحج الحمدالله ، وصارلي فتره قصيره اشقر واكتشفت ان حرام حتي التشقير ، يعني شنو مايصير احف او اشقر ؟!!
وريلي ينأرف من شكل حواجبي وكله يعيب علي ويقولي تعال بو عنتر وروح بو حمود وانا حد الاحراج

بس الصراحه استغفره الله ماادري شقول يعني في البعض اسمع يقولون ان الحديث ظعيف والي يقول ان مقصد من هالحديث اهوه حلق الحاجب كله هالشي حرام ،

والله صرت مينونه خصوصا اني توني يايه من الحج ، يعني اذا هالشي حرام عشان تغير خلق ، فمعناته ان
1- قص الشعر حرام
20 قص القدله حرام
3- صبغ الشعر حرام
4- حف الوجه والشوارب ايضا حرام
5 - بالنسبه للرياييل حرام ان يشكلون باللحيه مثلا سكسوكه او التخفيف او ان يشيلها,
6- كريمات تبييض
هالاشياء الي ذكرتها فوق كلها اتغير شكل الوجه هل معناته حرام ، ؟!
وهم افكر ان سبحانه ما يحرم شي الا اذا في مضره للانسان ؟ فليش هالشي حرام معقوله عشان يغير الشكر ؟
وسبحانه الله الحلال يعم واكثر من الحرام ، فليش الحف منتشر بالصالونات ونسبه كبيره جدا يحفون ؟
عفيه ابي وحده اتفهمني مخي بنفجر من التفكير شنو اشقر ولا حرام ولا ما احف .
ابي احاديث ابي ايات قرانيه غير حديث واحد لان اللعنه او الحرام مستحيل ابحديث واحد ، وجراكم الله خير.
انا حطيت هالموضوع ابركن الفتاوي ومحد رد علي ..