محمد السليس
12-02-2005, 06:52 PM
نهديكم هالمتواضعه
وان شاء الله تنال الرضي
المره والعسكرى في مملكتنا = لا انتخاب ولا ترشح واستشاره
والبلا ياليت هاذي مشكلتنا = لا سفر ولا امتلاك ولا تجـاره
من غيورٍ للبلاد اللى ربتنا = عسكرىٍ راح عمرى فالخفاره
ومن ولا للقاده اللى قايدتنا = باذلٍ روحى لهم رهن الاشاره
جو بدين الله ولاه وبايعتنا = وارتضيناهم وهم اهل الاماره
ورثنا عهد الله لمن عاهدتنا = والعهد لله ولن نخلف شعاره
نورثه لعيالنا اللى وارثتنا = ومن يخون العهد يبشر بالخساره
بعدها من حقنا نقد انظمتنا = طوروها كان نطمح للحضاره
انظمتنا من قدمها فقرتنا = لين جا من خيرنا عزه وجاره
جو بلدنا من برزقه خاشرتنا = استغلو مسألة ضيفٍ بداره
جو لنا يوم البداوة معميتنا = نـــتلى البراق لاشفنا ادهاره
مانعرف الا الدبش لين ادبشتنا = والشجاعه واقتحامك يالمكاره
ومر عصر النفط والارزاق جتنا = مرنا مر الضيوف مع الخطاره
وجو طروش بحور للدار وخذتنا = ومافطنا غير قد فازو بخاره
ويوم حكام البلد جات ودعتنا = للتعلم والزمن نلحق مساره
علمتنا ثم بعده وظفتنا = وصار فينا العسكرى مثل المناره
وجا ثلاث عقود والناس حسدتنا = وجو مثقفة العرب باسم الاعاره
واكثر اللى جو حسادٍ بلتنا = كرهونا فى التعلم والاداره
ثم رحنا نحمى ارضٍ مأمنتنا = وخدمة الاوطان عزٍ مع نماره
ويوم جا جيلى وشفنا والتفنا = لين ورث اجدودنا اسم ونماره
مع بيارٍ ومع حزومٍ دهورتنا = وانصدمنا بالزمان وبأزدهاره
والتحقتنا بالحرس مع عولمتنا = ثم اخذنا الجامعه فن وشطاره
للرخا مع الوظايف فاييتنا = ثم قلنا الصبر عزه بأدخاره
ابتلينا في قراراتٍ كلتنا = ودها ظلم المواطن وانكسااره
واسطات ٍ للمصالح قاهرتنا = والعزيز بعزته يلقا افتقاره
وجت تكاليف الزمان وكلفتنا = والمعااش يروح مانجنى ثماره
والتجارة جت نظام وقيدتنا = عسكرى ماله مسار الا مساره
مالك الا بالتحاايل وابلشتنا = او عقار ونجد مانرخص عقاره
مصلحة امن البلد ليش اظلمتنا = انصفونا كان تبغون الحضااره
وان شاء الله تنال الرضي
المره والعسكرى في مملكتنا = لا انتخاب ولا ترشح واستشاره
والبلا ياليت هاذي مشكلتنا = لا سفر ولا امتلاك ولا تجـاره
من غيورٍ للبلاد اللى ربتنا = عسكرىٍ راح عمرى فالخفاره
ومن ولا للقاده اللى قايدتنا = باذلٍ روحى لهم رهن الاشاره
جو بدين الله ولاه وبايعتنا = وارتضيناهم وهم اهل الاماره
ورثنا عهد الله لمن عاهدتنا = والعهد لله ولن نخلف شعاره
نورثه لعيالنا اللى وارثتنا = ومن يخون العهد يبشر بالخساره
بعدها من حقنا نقد انظمتنا = طوروها كان نطمح للحضاره
انظمتنا من قدمها فقرتنا = لين جا من خيرنا عزه وجاره
جو بلدنا من برزقه خاشرتنا = استغلو مسألة ضيفٍ بداره
جو لنا يوم البداوة معميتنا = نـــتلى البراق لاشفنا ادهاره
مانعرف الا الدبش لين ادبشتنا = والشجاعه واقتحامك يالمكاره
ومر عصر النفط والارزاق جتنا = مرنا مر الضيوف مع الخطاره
وجو طروش بحور للدار وخذتنا = ومافطنا غير قد فازو بخاره
ويوم حكام البلد جات ودعتنا = للتعلم والزمن نلحق مساره
علمتنا ثم بعده وظفتنا = وصار فينا العسكرى مثل المناره
وجا ثلاث عقود والناس حسدتنا = وجو مثقفة العرب باسم الاعاره
واكثر اللى جو حسادٍ بلتنا = كرهونا فى التعلم والاداره
ثم رحنا نحمى ارضٍ مأمنتنا = وخدمة الاوطان عزٍ مع نماره
ويوم جا جيلى وشفنا والتفنا = لين ورث اجدودنا اسم ونماره
مع بيارٍ ومع حزومٍ دهورتنا = وانصدمنا بالزمان وبأزدهاره
والتحقتنا بالحرس مع عولمتنا = ثم اخذنا الجامعه فن وشطاره
للرخا مع الوظايف فاييتنا = ثم قلنا الصبر عزه بأدخاره
ابتلينا في قراراتٍ كلتنا = ودها ظلم المواطن وانكسااره
واسطات ٍ للمصالح قاهرتنا = والعزيز بعزته يلقا افتقاره
وجت تكاليف الزمان وكلفتنا = والمعااش يروح مانجنى ثماره
والتجارة جت نظام وقيدتنا = عسكرى ماله مسار الا مساره
مالك الا بالتحاايل وابلشتنا = او عقار ونجد مانرخص عقاره
مصلحة امن البلد ليش اظلمتنا = انصفونا كان تبغون الحضااره