لم يعد هناك شخص ممكن الوثوق فيه ،، هام جداً للهلاليين الغيورين

[االزعيم الهلالي]

بسم الله الرحمن الرحيم


هالمره الكتابه بتكون بالعاميه ، ومن قلبي إلى قلوبكم أنتم محبي الهلال ، محبي الكيان ، ياللي تغارون على الهلال ، خلاص جاء دورنا علشان لندافع عن نادينا وعن عشقنا ، ونقف معاه بالمره قبل الحلوه ،
كل اللي يكرهون الهلال طلعوا بالتلفزيونات والإذاعات وبدأوا يبثون سمومهم على هالكيان العظيم ، جاء الوقت أللي نوحد فيه صفوفنا لن سمومهم أخترقت حتى الجماهير وأنقسموا الجماهير ، وهذا أللي أنا خايف منه ،


تكفون يا جمهور الهلال ،
تكفون يا جمهور الهلال ،
تكفون يا جمهور الهلال ،


مره وحده اتفقوا على حب الهلال وبس مهو علشاني علشان الهلال إذا كنتوا فعلاً عشاق حقيقيين لهالنادي ،


اكتب هالكلام وأنا من داخل أحترق على حالنا ، أنسوا المدرب وأنسوا اللاعبين وفكروا بالكيان ، أنتم روح الهلال ، أنتم وقود الهلال ، محد راح يرجع روح الهلال إلا حنا جماهير الهلال ،


كل أللي أرجوه منكم أنكم توقفون مع النادي وتردون على كل من تطاول علينا بالملعب ، نبي نصحي لعيبة الهلال من الغيبوبه أللي هم فيها ،


الدوري السنه هذي راح ناخذه بإذن الله وحنا أللي راح نساعد الفريق أنه يحصل عليه ،


ما عندي شي ثاني أقوله أكثر من كذا ، إما نكون يد وحده ونقود فريقنا لصدارة الدوري والحصول بإذن الله على بطولة الدوري ونثبت للجميع أنهم أمام ( أمه هلاليه ) أو نسلمهم الدوري والفريق والكيان يلعبون فيه زي ما يبون في ظل مثالية كل من يمثل الصوت الهلالي .


تحياتي للجميع