**** الفزعه ياذوي العقول النيره ****

[همسه]

مراااااااحب للغرابيل



كيفكم وش اخباركم ان شاء الله طيبين حلوين ؟؟؟؟

اتمنى ان الجميع بصجه وعافيه



حترت وين احط مووضعي هذا رحت لقسم الشكاوي لقيت ان القسم يخص الكمبيوتر والنت


هالشغلات بعدها قلت يابنت مالك غير المنتدى العام وهم بعد يكون المووضع بالعام علشان الكل

يشارك ويعطينا رايه ومشورته ،




الصراحه انا ماعرف أكتب مقدمااات فعلشان كذا بدخل بالمووضوع دغري

في زميله لي بالنت كنت معها علماسنجر وطلبت مني خدمه مع اني ماعندي احتكاك فيها كثير

بس مادري والله وش اللي خلاها تحط ثقتها فيني وتعلمني علهالمووضع وتطلب اني اساعدها

المهم

مشكلتها

اخوها وهو بالصف الاول متوسط، لكن هالاخو هذا امها وابوها متبنينه وكاتبينه طبعا باسم

عيلتهم ، طبعا هالولد مايدري عن شي واللي يعرفه ان هالأم اللي يناديها يما امه والابو اللي

يناديه يبا أبوه وهالأخت هي اخته شرعا

المشكله تكمن وين ؟؟؟؟

إن الوالد والوالده ماهم عارفين كيف يعلمونه بالحقيقه ومحتارين متى يعلمونه وهل هالسن

مناسب علشان يعلمونه الحقيقه ووشهي الطريقه اللي يعلمونه فيها،


ماهم عارفين كيف يبتدون معه الموضوع ،

وزميلتي اللي هي اخته محتاره مره ونفسيتها تعبانه ماهي عارفه كيف تتصرف

طبعا ان ماعندي خبره بهالامور فقترحت عليها فكرة اني انزل مشكلتها بالمنتدى وطبعا ماشاء

الله الاراء فيه اكيد بتكون سديده لأنه مليان بأعضاء ذوي فكر وعقل نيرين وماراح تكون

إستشارتكم خساره واتوقع انكم راح تفيدونها ،

بمشكلتها وبتقدمون لها كل الاقتراحات الصحيحه ،

هي لما عرضت عليها الفكره فرحت وحست ان الفرج راح يكون على الله ثم على ايدي

وانا طبعا مراح اخيب ظنها فيني و معتمده على الله ثم عليكم بهالخدمه اللي راح نقدمها لها مع

بعض،

بالختام لكم مني اجمل وارق تحيه وجزيتكم بكل خير


همسه

[المملوووحة]

اهلين همووسه


وربي مدري احترررررررررررررت


بس اتوقع ان الغللللللط من الاساااااااس في تبينهم هالولد

لان التبني غير مباح شرعاااااا

والرسول اللهم صلي وسلم عليه كان متبني زيد وكانو يسمونه

زيد ابن محمد لين انزلت الايه(((ادعوهم لابائهم000))


بس الحين صار اللي صار

رايي انه المفرووووووض مايعلموونه

خاصه بالسن هذي

وماتوقع انه بأي سن راح يتقبل مثل هالصدمه


الله يصلح احوالنا ويفتح على قلوبنااا

ويرينا الحق حقا والباطل باطلا ويرزقنا اجتنابه



هذا اللي قدرت اقوله

تحياتي

,,المملوووووووووووووحه,,

[همسه]

هلا والله بهالطله مملوحه



انا معاك بكلامك وقلت بنفسي نفس الكلام لكل مرحله من العمر صعبه انهم يعلمونه الحقيقه


والتبني صاير صاير مافي فايده الحين نقول حرام

المصيبه الحين كيف يقولون له واتوقع كل مامر الوقت مو من صالحهم لان كل ماكبر الولد راح يكون تلقيه الخبر بيكون صعب


مشكوره عيوني على ردك وتفاعلك مع المشكله

همسه

[فالح الشلوي]

الله يكون بعونه وعونهم


أنا أشوف انهم مايفتحون له الموضوع في هذا السن خصوصا انه راح يكون له تأثير على دراسته وعلى نفسيته


ويسبب له صدمه لا تحمد عواقبها


اشوف انهم يتريثون في هذا الموضوع لانه موضوع كبير وماهو سهل


ولو كان بعد دراسته احسن


الله يكون بعونه ويصبره


تحياتي والله يجزاك خير همسه


عذب

[طـيـف نـجـد]

مراااااحب

غاليتي همسه

كان الله بعون الولد ...

موقف حساس ومؤثر ...

ارجو التريث وعدم الاستعجال .....حتى ينهي دراسته ....

شكرا لك

[يفوق الوصف]

همسه

اعرف احد الزملاء له نفس الطريقه

بمعنى له قصه مع التبني بحكم انه وزوجته لا يستطيعون الانجاب

ففكروا بطريقة التبني لكن بطريقة جدا جميلة وعقلانيه

وذلك بانه قامت اخت الاب بارضاعه

بمعنى صار الاب عمه

ونفس الوقت قامت اخت الام بارضاعه ايضا

فاصبحت الام خالته

وعندما اصبح الولد في الصف الثالث متوسط

اشرحوا له الموضوع بطريقه جيده

واشتروا له سياره

نعم كان هناك نوع من الصدمات النفسيه ولكنها كانت وقتيه

فأنا اتوقع

المشكله ليست في كيفية اختيار الاسلوب الامثل

في تعريف الطفل عن الحقيقة

لانها حلها سهل ولو كان تدريجيا

لان في نظري العامل القوي في الموضوع ( الورقه الرابحه )

هي اخته وخاصة انها تكبره سناا ( كما فهمت من سسياق القصه )

انما تكمن المشكله فيما بعد

عند وصول الولد لسن الرشد ( نظرة خاصة في مجتمع كــ مجتمعنا )

فما هو الحل ؟؟؟؟؟؟؟؟


الحل :

- يواجه الولد بكل عقلانيه وحسن اسلوب وتدبر ويوضح له الموضوع

بمساندة كبيرة وقويه من اخته ........

نعم المفروض سهل والواقع صعب

لكن لابد من مواجهته

سواءا الحين او بعد حين ......

فأنا اميل الى توضيح الموضوع له الان في هذا السن ولو كان تدريجيا لتدارك عواقبه بعد حين ....


ولك كل الشكر والتقدير على الروح التي تملكينها

[همسه]

مراااااااحب


الف شكر لكم على إبداء أرائكم



عذب الاوهام & طيف نجد


انتوا اقترحتوا ان الحقيقه ماتنقال له بهالعمر

هي فعلا صعبه عليه بهالسن لكن لو تلاحظ انه بالسنوات الجايه راح يكون أصعب


يعني بسن مراهقه بيكون وبهالسن يكون الولد حساس بزياده ويرفض يتلقى اي نصيحه وباله انه هو دايما صح مع انه عارف بنفسه

انه غلطان والباقين او اللي يقدمون النصيحه على خطا

فما بالك لو كان الموضوع مثل وضعه متبنى ولما يعرف ان الاهل اللي كان يتوقع انهم اهله ماهم اهله ؟؟

اعتقد راح تكون المصيبه اكبر بعدين ونقطه ثانيه ماذكرتها بالموضوع اللي هي ان أهل الأم المتبنيه يعرفون

يعني ممكن بطريقه او بثانيه يعرف هالولد عن طريق غير اهله وبكذا راح تكون المصيبه أمر وأدهى

فهم خايفين من هالشغله وودهم يعلمونه بالوقت الحالي ويتداركون قبل لايجي مايحمد عقباه من ناس غير اهله

فشرايكم مو الحين يقولون له افضل من بعدين ؟؟؟


يفوق الوصف


اللي عمله زميلك عين العقل بأن جعل هالولد يكون محرم عليهم بطريقه شرعيه وهذا اللي مفروض الواحد يعمله لما يفكر يجلب له طفل يعيله


لكن الحين المشكله واقعه ومادري وش ظروف الاهل اللي خلتهم يتبنون هالطفل بذاك الوقت دون مايفكرون طريقه يكون وقع الخبر عليه وانه مو ولدهم


والحلول اللي ذكرتها يفوق عن ان الاهل يحاولون يخبرونه بالتدريج

وبمسانده من اخته بالذات بالتدريح زي ماقلت فكره ممتازه بس كيف طيب؟؟؟



انا اقول وهالفكره جاتني من خلال كلامك لما ذكرت ان أهل الولد اللي تعرفهم شروله سياره

ان الولد يخبرونه بعد فتره من التقرب الزايد له

مثلا يعني يحاولون يجلبون له اي حاجه هو يحبها ويفرطون بتدليه علشان لما يخبرونه يكون


هو بذاك الوقت متشبع حب وحنان ودلال وراح يهون على نفسه شوي

وكذلك زي ماذكرو اخواني فوق انهم مايخبرونه الا بعد ماينهي دراسته

لكن طبعا بعد دراسته بنهاية هالترم


والا وش رايكم ؟؟؟؟؟؟؟


واللي عنده اي راي ثاني يذكره وبيكون مجزي بالخير


لاتبخلون علينا بارآئكم غرابيل



همسه

[الفراس]

السلام عليكم ورحمة الله


كلمة هذه مشكلة فهي حقا مشكلة >>>>>>> لكن ان شاء الله لها حل .

أولا / دعاء الله عزوجل بأن يحل هذه المسألة على خير

ثانيا / رأيي الشخصي :
انا اقول ان الولد في مثل هذا السن يحب كل الحب من يعامله وكأنه رجل في بمنتهى العقلانية

فالذي أراه أن يفهم قبل بلوغه سن المراهقة بأن أمره كذا وكذا وأن والديه الحقيقيين قد توفيا أو مثل ذلك
وأن والديه الحاليين قد تبناه >>>> أقصد يخبر ونه الحقيقة :frown: بس بالأسلوب الذي يناسبه .... لماذا أقول ذلك ؟!!

لأنه في يوم ما سيعرف الحقيقة ......... والتي ستكون مرييييييييييرة حينها بل ربما لا يتقبلها أصلا ويقول إنما صيغت هذه القصة
لمنعه من زواج أو ميراث معين أو أن والده - هذا الذي تبناه - لا يريد أن يصرف عليه أو حاجات من هذا القبيل (( الذي لا يلقي له بالا في مثل هذا السن)) .


لكن المهم هنا هو وقوف أخته معه وأمه وأبوه في ذلك وتفهيمه أن هذه القضية سهلة ،
ولا يحسسونه أبدا وكانه غريب مهما كانت الظروف ، بل يقولون له أنت مثل أخينا ولا فرق بينك وبينه أبدا

والأهم هو احتساب الأجر في هذا الولد اليتيم أصلا
فيعاملونه بعدها على أنه احد ابناءهم >>>>>> وهذا ما أظنهم فاعلوه معه .

والله إن قلبي وكأنه مع هذا الولد اللطيف .


أسأل الله أن يحل هذه المسألة على خير ياااااااااااااااااااااااا ااااارب العالمين .
وأرجو من الجميع الدعاء لهم . (^_^)

[همسه]

الفراس



افكارك نيره اخوي


وانا معاك باللي تقوله كلامك معقول جدا ومهم


وياليت تذكرون حتى الكلمات التعبيريه اللي ممكن يستعملونها بهالحاله

الله يجزاك بالخير الفارس

شاكره لك تفاعلك وتعاطفك الكبير

همسه

[م.عبدالله]

اهلا اختي همس...

من رأيي الشخصي... ومن واقع تجربتي الشخصيه في الحياه..

اقول ان المصارحه هي الاهم.. لان كل يوم يعدي.. بحياة هالولد راح يخليه يعاتبكم عليه لما يعرف الحقيقه.. وخصوصا اخته لو كان يحبها جدا.. لما يعرف ان هو متبني وان اخته عندها علم وخبت عليه بيتضايق جدا..

فالمفروض..

يجتمع الاب والام والولد والبنت ويخبرونه الخبر ويقولوه ابوك الحقيقي فلان الفلاني.. وانت الحين كبير وانت تظل ولدنا لو تبي تنسى الموضوع ننساه واي شي تبيه احنا معاك..

بحيث يحطونه بالصوره الولد طبعا بيتمسك بعيلته اللي ما يعرف احد غيرهم بالعكس بيحس انه مهم وانه احسن من غيره خصوصا لو كانو الاهل يحبونه فعلا..


المصارحه وفي اسرع وقت..


لانه لو كبر وعرف انكم مو اهله بيترك البيت وبينحرف .. :)

تقبلي تحياتي

اخوك النصاب

[همسه]

النصاب


الف شكر


أضفت نقطه مهمه واللي هي ان الاهل والاخت يجتمعون مع بعض أثناء اعلامه بالخبر

مما يعطي الولد انطباع ان الاهل كلهم غامرينه بحبهم وحنانهم وماتكزون وقع الصدمه عليه كبيره


يعطيك العافيه اخوي ماقصرت



الغرابيل الباقين وينكم :مدري: نورونا بأرائكم :شاطر:




همسه

[الفراس]

الأخت / همـووووووووووووووســة غرابيــل

بالله عليك عليك ايش صار للولد الحين ؟؟

ترى قلبي يتقطع عليه

بالله علمينا ايش صار له ؟
كيف علموه ؟؟

من هذا القبيل ................................

والله ترى ادعي له من قلبي



^^^^^^^^^^^^^^ دمتي ^^^^^^^^^^


أخوك / الفراس ............

[همسه]

أخي العزيز الفراس

سؤالك عن الولد وبماذا صار حاله ان دل على شي فهو يدل على شعورك النبيل

وعلى قلبك المفعم بكل معاني العطف والحنيه والأخوه الصادقه

فهذا هو المطلوب بين المسلمين ان يكونو كالجسد الواحد اذا اشتكى منه عضو تداعي له سائر الجسد بالسهر والحمى

أشكر فيك روحك الصافيه الصادقه واكثر من امثالك


والله يحفظك لعين ترجيك


وبالنسبه للبنت انا للحين ماشفتها ولاشفت منها رساله تدل على انها دخلت النت

مع اني أرسلت لها ردودكم الكريمه بإيميل الا اني لم اجد اي شي يدل على انها استلمت الرساله

اتمنى ان الامور صالحه بينهم وانهم تخلصو من هم إخباره بإختيار الاسلوب الانسب والافضل لهم وله

لكن بإذن الله اول مايوصلني خبر منها راح اطمنك عليه وان شاء الله الامور كلها سالكه


إحتراماااتي وتقديري


همسه

[ابوعزوز]

همسه أنا أوافق النصاب

وأضيف أنه يجب عليهم أضهار الحب له

قبله بفتره مثل مناداته من قبل الأب والأم ياحبيبي

والأخت ياأخوي العزيز

ومثل هذه الأشياء

وفي يوم المصارحه يجب أن يكون الولد قد أغمر بالحنان والحب

وأن لاتتغير هذه الأشياء بعد المصارحه

ولفترى طويله جدا جدا جدا

وأن يجدهم في أي شيء يريده

ولو أستشار الأب طبيب نفسي لكي يعرف كيف يقول له يكون أفضل

وأتمنى النتانج الطيبه

الودعاني

[غناتي]

مراحب أختي همسه


الصراااااااااحة قبل كل شي ويا ريت الصراحة تكون من الحين من شان ما تتعقد الأمور أكثر بعدين

وزي ما بيقول المثل الصراحة راحة حتى لو كانت مبدأياً قاسية شوي :)


يعني بنظري أنا إنه يعرف الحقيقة حالاً بالاً :) ويا ريت الأم والأب المتبنيين الولد يكونو أذكياء شوي بالموضوع من شان يعرفوا كيف يخففوا الصدمة عنه ويحيطوه بكل رعاية وحب وحنان أكثر من أول




يا ريت كون أفدت بالموضوع :)




برب هريبة :)

[همسه]

الودعاني



ياهلا والله فيك

والنقاط اللي تطرقت لها أجدها جدا مهمه

كذلك إستشارة طبيب نفسي راح يفيد ايضا

مشكووووور جدا على هالروح اللي تمتلكها

يسلمووووو عالرد والإفاده

تحيااااتي واحتراماتي


همسه

[همسه]

غناتي

يسلمووو كثير كثير عالنصيحه

إفاداتك بمحلها واشوف ان اللي قلته عين الصواب

من المهم جدا إبلاغه بالامر بهالوققت بالذات وكل تأخير ماراح يكون بصالحه


أشكرررررك من كل قبي

تحياااتي

همسه