ودي افضفض

[حواء غرابيل]

احس اني مختنقه اول مره احس اني خسرت كل شي بحياتي اختي وصديقتي وكل شي

اختي الي اعتبرتها اختي ورفيجتي وبنتي صارت ما تكلمني علشان واحد ليش علقت عليه وكلمتها بصراحه

اول ما كنا جذي اول لو نتهاوش انا وياها ونتزاعل كل وحده تراضي الثانيه بنفس الدقيقه الحين صدت عني لو

اكلمها ترد بنفسيه وتضحك مع الكل وتصد عني احس بقهر لمه تسوي لي هالحركات ما توقعتها في يوم راح

تصد عني علشان واحد بس كنت اقول عنه انا عمري 22 واهي 20 ولو برجع العلاقه الي بينا ما تبي تكلمني

من طرف خشمها وتروح انا ما غلطت انا يوم تكلمت معاها بصراحه زعلت بس يوم قالت لي انتي متغيره

علي قلت لها انا ما تغيرت انا هذي مثل ما انا يوم قالت لا انتي متغيره قلت لها خلينا نتكلم بصراحه ويوم قلت

من جم يوم خلينا نطلع تقول لا حبيبي يقول لا تطلعين لو اطلع يسوي لي سالفه اقولها هذا حبيبج مو زوجج

لي صار زوجج وطق الباب ذيك الساعه يتامر واهو طالع حضرته مع ربعه جان تقول ها لا انتو ما تبوني

اطلع معاكم قصدها عن خواتي قلت لها من متى احنا قلنا جذي انتي كل ما نقولج بنطلع تقولين لا بقعد

بالبيت ما يرضى اني اطلع جان تقول لا انا ما قلت جذي وقلت لها اوك سالفه ثانيه يوم بالعيد ما تبين

تطلعين معاناه الانه قايلج مابيج تعيدين صح ولا تقول لا قاعده اجذب وتحط اللوم علينا انه احنا ما نبيها

تطلع معانا واهو قاعد يتامر عباله زوجها قلت لها لو يبيج يطق الباب تقول لا بننطر 2013 علشان نتزوج

قلت اوله من الحين لي 2013 ما تدرين شنو يصير وتقول لا اهو يدرس بس كلم امي وحجزني جان اقولها

بس حجزح كلام مو شي رسمي جان تقولي سكتي ما تعرفين تسولفين جان تقول انا معاه سنتين مو

شهور والمشكله انه ماسح شخصيتها كلش ما تطلع معانا ولا مع رفيجاتها حتى رفيجاتها نستهم وما

تكلمهم يقول لها مابيج تكلمينهم جذي مزاج يوم ما تبي تكلمني وتصد عني قلت لها انا اختج اهو مهما

يكون غريب محد بيحبج ولا بيخاف عليج كثري ما يهما وتصد وتروح ما توقعتها جذي توقعت الكل الا اهي

ما توقعتها تسوي جذي وحتى رفيجتي قامت تجرح بالكلام مثلها تقول لي انتي الي يرفسج تبينه والي

يبيج تصدين عنه جان اضحك اقول لها اذا هذا رايج فيني طول هالسنين فحسافه عليج صداقتي

والمشكله انهم ينصحون ويبنون حق الناس انهم فاهمين واهم اكبر ناس ينقص عليهم