محمد السليس ....... مشرق ومشرف ...

[أمل عبدالعزيز]

0
0
0

بكل الحب وبكل الشوق نحتفي هنا بمقدم مشرفنا الغالي على قلوب الكل ......

شاعرنا الرقيق بكل نسمة هواء تهبُ من شاعريته الفذة

نعم إنه أخينا الراقي الوافي \ محمد السليس ........

وينتشى المنتدى طرباً بقدومه وبحروفه وبكل ابداعاته التى أغدق علينا بها في كلِ وقتٍ ......

محمد السليس

غني عن التعريف

فقط المس اسمه لتجد رسمه هنا حيث الشعر العذب والقلب الصادق .........

أحبتي لنرحب به ونحتفي بمقدمه .......

ويامية هلاااااااا وغلااااااااا بك يامحمد السليس مشرف يتشرف بك المكان هنا........

..............

[فهد بن عبدان]

يستاهل القرم



هلا ومسهلا

[خــــالـــــد]

الرهيبـــة

.
.

يعطيك العافية أختي

ويستاهل والله أخونا

عساك على القوة





أخوكـ / خالد

[محمد السليس]

اولا اشكر ادارة هذا الصرح الشامخ

على منحى هذه الثقه الغاليه

واشكر اختى رهيبه على هذه الكلمات الطيبه اللتى تنم عن معدنها الطيب والاصيل

ويشهد الله لو اتكلم فيها وفي سمو اخلاقها الى بكره ما وفيتها مشاعرها الطيبه وكلامها

الطيب

واهدى اليكم هذه البويتات المتواضعه بهذه المناسبه




لا والله الازاد حملى على الحيل = لاكن ما للحمل غير الجمالى
وانا من اللى تتعب الهجن والخيل = تشهد لهم بالطيب ماض الليالي
والله مجملنى بعلم الرياجيل = وانا على مبداى فأول وتالي
واضح ولاحب المجامل ولا الميل = حتى مع اللى لي قريبٍ موالى
ودخلت دنيا النت مع ثورة الجيل = بأشرع الهوجاس لامن طرالي
ماجيتله مثل الخبول المهابيل = اطرد ورى اللى يلبسن الدلالي
وارز بالصوره واسوى البهاذيل = واقول لدن ياابنات الحلالي
جيت ارتوى وآرد قراح المناهيل = وبالاحترام اكسب واطول المعالي
وكسبت ود معربين المداهيل = امن الرجال ومن بنات الرجالي
باسلوب لايحمل تصنع وتمثيل = وكسبت ود اهل الوفا والمقالي
واليا اعترض دربي وضيع المنازيل = اصد ماكنه عرض في خيالي
بالحقر تذبح من دجاجه الى فيل = دام الثقه فى عالمك راس مالى
وبعد الوسام اللى عطونى غرابيل = الله بعلم ٍ فوق روس الطوالى
بأبذلهم جهدى عساى اوفى الكيل = فى خدمة الشعر الجميل المثالى
ولاراح اجامل داخل القال والقيل = لاصاحب الموقع ولاعضو غالي
الصح صح وفالخطا الحذف والشيل = واكيد فيه اقصور ياهملاالى
تحملونى عاد كل المقاابيل = والا اتركونى ياجماعه بحالى
( يعنى عضو فعال وجنب الحيط)

[محمد السليس]

لاهنت يا ابو عبدان وتسلم يالقرم

ولاهنت يا خالد والله يقوينا على طاعته ان شاء الله

[فالح الشلوي]

يستاهل محمد السليس


والله يوفقه في مسيرته الأشرافية


الرجل المناسب في المكان المناسب


تحياتي أخوك

عذب

[زابن الدوسري]

تستاهل يالسليس

شاعر قدير وله مكانته

والقصيده راااااااااااائعه

الله يوفقك،،،،،

تحيااااااااااتي وتقديري،،،،

[مفرح بن مناحي]

مبرووووووك لنا يا محمد

وتستاهل كل خير


بأبذلهم جهدى عساى اوفى الكيل ......... فى خدمة الشعر الجميل المثالى
ولاراح اجامل داخل القال والقيل........... لاصاحب الموقع ولاعضو غالي
الصح صح وفالخطا الحذف والشيل........... واكيد فيه اقصور ياهملاالى
تحملونى عاد كل المقاابيل.......... والا اتركونى ياجماعه بحالى

هذا اللي نبيه ... النقد السليم .. للرقي بالشعر ..

أما نتركك مستحييييييييييييل دوّر غيرها يا محمد

مبرووووووك مرة ثانية والله يوفقك ..

لك ألف تحية

[محمد السبيعي]

محمد السليس
شاعر العذوبة والأسلوب الراقي
تستاهل ، وانت قدها



وش كنت تقول عن التوقيع ؟؟؟!!! :سعد:

[راكان بن بدن السبيعي]

بالتوفيق


لأخي الشاعر المبدع

محمد السليس



والله تستاهل


وكفو







والشكر موصول للمبدعه الرهيبه


وللإدراه بتقدير الجهود









تحياتي لكم

أخوكم / راكان محمد

[عبدالله بن راجس]

يستاهل محمد السليس


والله يوفقه في مسيرته الأشرافية


الرجل المناسب في المكان المناسب


تحياتي أخوك

عبدالله بن راجس

[شيخ اااالشباب]

محمد السليس


اسم لايحتاج الى تعريف

شاعر عذب ذو اخلاق اعذب

يستاهل كل خير والله

الف مبروك يامحمد

وعساك على القوه

لك تحياتي

[ناصر العبدالله]

أخي الغالي

محمد السليس

أسعد الله جميع أوقاتك بكل خير و مسرة

أبارك لك الإشراف ،، فهو تشريف للإشراف بك

قبل أن يكون لك به

بحق الرجل المناسب في المكان المناسب

و تستحق هذا و أكثر

أتمنى الرقي و التطور للقسم بوجودك

و الشكر لإدارة غرابيل الحريصة

على تطور المنتدى بقيادة رواده

في رعاية الله دمتم ،،،

[مُذهِلــــة]

مبروووك للأخ الشاعر محمد السليس

يستاهل أكثر

أتمنى من الله يوفقه

أطيب تحية لكِ غاليتي الرهيبة

[أبوعبدالرحمن]

مبرووك لمنتديات غرابيل

وجود شاعر كــ محمد السليس في طاقمه الاشرافي


بالتوفيق أخي

وعساااك على القووة

[محمد السليس]

عـذب الأوهـــام


لاهنت يالقرم

وماعليك زود يالنشمى


* الواثق

لاهنت يالقرم

وماعليك زود يالنشمي
وصح بدنك

سهم المنايا

لاهنت طال عمرك
وتسلم على هالشعور الطيب يالطيب

وانت وشرواك تاامر وتمون ياابعدى

وعسااك ذخر يالقرم

محمد السبيعي

لاهنت يالقرم ومااعليك زووووووووود يالسنافي

وتاامر لاهنت

والتوقيع تعرف مزوح وتجى وتروح

ولاهنت

راكان محمد
لاهنت يالقرم
والله يوفقنى ويااك ويبارك فيك
وماعليك زود

عبدالله بن راجس
اخى الكبير واستااذي

شهادتك ومباركتك نومااس
لاخلا ولاعدم

شيخ الشباب

الله لايهينك يالقرم على هالمشاعر الطيبه واللتى اثلجت صدري لانها من رجل مثلك وشرواك

وماعليك زود يالقرم
وعساك ذخر

ناصر العبدالله
الله يسلمك ويبارك فيك ويطول عمرك يالقرم

مباركتك وشهادتك نوماس وفخر يالقرم

لاهنت طال عمرك ومااعليك زود

مُذهِلــــة

الله يوفقنى ويوفقك ويوفق الجميع
ولاهنتى يالنشميه على هالمشاعر الطيبه

ومشكوره اختى

عشق ليل

ابو عبدالرحمن

ثقتك نوماس ومحل فخر واعتزاز

والتعامل مع مثلك وشرواك من الرجال نوماس

وماعليك زود يالقرم

@.الرهيبة.@

اختى العزيزه

ما اقول الا بيض الله وجهك يالسنافيه

وبارك الله فيك ياابنت الاجواد



وشاكرلكم جميعاً هذه المشاعر الطيبه

اخوكم

محمد السليس

[طيف الوله]

السليس مشرف يامرحبا يامرحبا والله هذه الساعه المباركه

تستاهل والله والف مبرووووك شاعرنا المحبوب

من الحين اي محاوره تراني بصفك ههههههههههههههههههههههه <<<تحيّزجهرا والعين ترا

[محمد السليس]

الاخت طيف الوله

لاهنتىىىىىىىىىىىىىىىىىىىى ىىىىىىىىى يالسناافيه

والله يبارك فيك ولايهينك

وتواجدك فى صفى دعم اعلامى وشعرى ونفسي نحتاج له خلال المعارك الشعريه في قسم المحاوره