المكان

[عبد الرحمن آل بهيش]

السلام عليكم ورحمة الله وبركاته
جديدي لكم يا غرابيل

وانا جالس مع نفسي طرالي في خيالي تو=طرى ذكراه في بالي وقلبي بان مكنونه
شغل فكري رعاه الله وفجري ما جلاه الضو=وقلت الله يالدنيا عساه بخير وشلونه
سهيت بهاجس الذكرى دخلت معاه احلا جو=ثلاث سنين عشناها قضينا ايام مجنونه
احس الوقت من دونه كأيب ومر ما يحلو=فديته كل ما سلهم بنظره وانخطف لونه
طرى بالي الحبيب اللي تركني بين ليت ولو=تذكرت المكان اللي جمعني فيه وشجونه
تذكرته وفي صدري حنينٍ مثل حدر النو=وجدد طيفه العابر جروح اعوام مدفونه
ومريت المكان اللي جمعنا ما تغير هو=لقيت الورد نفس الورد والريحان وغصونه
زمان اول سلب مني حبايب هاجروا ما جو=سرق مني الزمان اروع حكاية حب مرهونه
ألا ليت الزمن يرجع ونحلم مثل طير الجو=وامانينا نحققها نداري العهد ونصونه
يا ليته عاد يرجع لي واقله ما بدالك سو=تدلل خل عذالي يقولوا ما يقولونه