لمسسسني حاول يغتصبني

[حواء غرابيل]

السلام عليكم
والله اني ماسجلت الى وانا ابي افضفض واقول لاي حد
احس اللي ودي اقوله ماينقال للي اعرفهم
مكتئبه حيييل ولا عارفه شسوي
اولن بداية السالفه هي اني موظفه واشتغل بمكان مختلط
مسؤولي كان كله يطالعني وانا والله حاولت اتجاهل هالاشيا وصج ماقمت ارتاح لنظراته حسبالي بالبدايه انه بشكل عفوي بس بالاخير طلع يستقصد انه يتفحص جسمي وانا اكلمه,, مع اني البس عبايه ومب ضيقه عشان يطالع !
المهم مرت فتره واهو ترقى وراح فرع ثاني والحمدالله استانست ونسيت السالفه تماما
بعدها بفتره قامت تجيني مسجات على الوتس اب حسبالي وحده من رفيجاتي دازه برودكاست وانا الارقام ضايعه لاني كنت مغيره جوالي فاما هتميت
اخرتها اللي عرفته بعد كم من يوم انه مسؤولي لانه قعد يكلمني ويقولي انا فلان انصدمت انه مخزن رقمي وماخذه من الدوام ويكلمني ع الواتس اب
المهم في البدايه قالي انه وايد متحسف انه طلع من الدوام وماقام يشوفني ماعرفت شسوي والله ارتبكت ماعرفت شلون اتعامل بهالمواضيع ولا شنو المفروض اقوله سكت
وكل يوم قعد يكلمني ويكلمني ويسولف لي المهم مع الوقت قمت اخذ واعطي معاه كنت كل ماكلمه احس الوقت يمر ثواني والله اني مابالغ كله كان يسولف لي يتغشمر ماحسيت انه اللي اسويه غلط لانه ماكان يغلط بكلامه ولا يغازل
صج لاول مره ارتاح لحد هالكثر المهم بعدها بشهرين قالي انه وده يخطبني وويبي ياخذ رقم امي عشان يعطيه امه وتخطبلي له
صج تخررعت ماتخيلت اني بتزوج
لاني اشوف نفسي صغيره عمري 21
قلت لها ينطر شويه وافكر وبعدها تم يلح ويلح
وانا خايفه احس الموضوع كبير علي والله ماتخيلتني بتزوج بهالسرعه
كل ماقام يلح كنت اغير الموضوع
ماعتبرت اللي بيني وبينه حب ولا علاقة بس مجرد كلام كنت اعتبره ,,ماكنت اكلمه فون
المهم بعد هالفتره هلي كلهم سافرو وخلوني بروحي لانه ماكان عندي اجازه سنويه وخالي هو المفروض يكون معاي بس هو خلاني وراح البر
المهم كنت اكلم مسؤولي وصرت ماخش عنه شي كل شي اقوله صرت بالسساعات اكلمه
قالي يبي يشوفني سئلته ليش ! قالي انا بعد بسافر الدوام مطرشيني برا سئلته ليش ماقالي من قبل قالي الحين تذككر!!!
المهم تم يلح علي اني اشوفه وانا من النوع اللي اقتنع مع الحنه والله اني مو خفيفه بس فيني غباء مادري شسميه
قلتله ماقددر اشوفك لانه الدريول مسفرينه وانت تدري ماسوق
قالي انا بمرج البيت خفففت لما قالي هالشي حسيت اني برتكب اكبر غلط
بس هو مادري شلون اقنعني قالي اانا ماراح اضرج واانا ريال كبير وعندي سمعتي بين الناس واتعرفين عمري 33 مسسستحيل ااذيج ولا اسبب لج مضره
مادري كانه كلامه سحر والله مب عارفه شلون قلبي طاوعني ودليته البيت جاني البيت قالي ابي ادخل قلتله لا ماينفع ومافي حد في البيت
قالي شلون اتخافين مني ومن هالكلام وانا نفس الخبله دخلته البيت
المهم قعد معاي وقالي عطشان ابي ماي ريقي ناشف على طول قمت وجبت له واول مابغيت اعطيه مسك يدي وعلى طول هديت القلاس وطاح على عبايتي فزيت بسرعه ورحت ابي اغير قلت له ثواني وبرجع قالي ماراح اروح مكان والله ماحسيت انه كان وراي وانه داخل وراي الغرفه اول مافصخت العبايه الا اجوفه وراي رجعت على ورا
ودزني على السرير ويا فوقي وقعد يقطع ثيابي مادري شلوون راح عني
وقعدت اصرخ عليه وطلع من بيتنا ويومها اخر مرا اجوفه
هالشي صار له من فتره وانا مب قادره اطلع المشهد انه فوقي من بالي يومها اذكر اني تسبحت فوق الخمس مرات واحس ريحته علي والله من يومها مانام عدل كله كوابيس ماقدر افكر كله اصيح من غير سبب وكل ماتذكر بعد اصيح واهو من بعد هالموضوع مادري وين راح ولا يكلمني
ماودي يكلمني عالاقل يتاسف شي
شسوي ابي راحة بال كلش مو مرتاحه اددرررري اني مليون بالميه غلطانه وصج اعرف غلطي وندمااانه حييل بس ابي ارتاااح وحتى احلامي كله صارت كوابيس ومانام الا شوي وضغطي كله قايم وصحتي تدمرت عمري الحين 22 وفيني ضغط !
والله كله اتحسب فيه احس انه استغل فيني حسن ظني
بنات ابي ردود تبرد قلبي وولا دعوات بس من غير ماتلوموني والله اعرف لو ماعطيته ويه جان ماتمادى بس لو تفتح باب الشيطان ويكفيني حسره