محاورة الشاعرين ( محمد السليس و بعيد المراميس ) بدون مداخلات

[مُذهِلــــة]

http://members.lycos.co.uk/alwaeeely/13.gif

http://www.3eon.com/picvb/1.gif


أخواني و أخواتي أضع بين أيديكم المحاورة الخامسة بين شاعرين بارزين

من شعراء غرابيل وهما /

الشاعر بعيد المراميس و الشاعر محمد السليس

وكنت من الذين لم يحالفهم الحظ في حضورها ومتابعتها لكن العوض بغيرها


أترككم مع تلك المحاورة الساخنة و أتمنى لكم طيب القراءة والمتابعة


البداية كانت للشاعر // الواثق


ياسلامي سلامٍ مثل مبدا النور &&& ردةٍ وافية مليون بالميه

أسر ياليل واطرب حضرة الجمهور &&& بين بحر وبحر والنيه النيه

محمد السليس

مرحبا ياهلا بالشاعر المشهور
ردةٍ للحضور تـروح مثنيـه

قوم يابعيد والليله عليك الدور
جابك الله مابين الداب والحيه


بعيد المراميس

البقى من هجوسن ما تعرف الـزور
مار حسنتك قدمهـا علـى السيـه

طب وسط البحر واركب على البابور
وانـت مابيـن هاذيـه وهـاذيـه



محمد السليس

لو عطيتك هديه من بنات الحور
رحت ياصاحبي برا السعوديـه

بس خلك مواطن يضبط الدستور
واخذ فنجال كيفـه بـن بريـه



بعيد المراميس

منت مطلق ولا انته فالبلد مستور
عن هجير السموم ارتاح فالفيـه

شرتك بشور وانته ماقبلت الشور
مير ذلحين عنك الصحف مطويه

محمد السليس

ليتك ارتحت ماعديت فوق السور
غرتـك لعبتـى ياطـاق طاقيـه

انت شاعر ولكن لويلف ايـدور
راح يضرب من التعليق بوريـه

بعيد المراميس

انت لقمتك ماتمشي مع الحنجور
حت لو تلحـق اللقمـه ببسيـه

سرها وانت شاعر ماعلاك قصور
ماغدالك مع اهل المعرفه شيـه


محمد السليس

انت علة نحر لكن انـا الدكتـور
واخر الطب عندى واذهن الكيـه

واخذ عبره ترى عنتر قضب له ثور
قام ينفخ وعنتـر قاضـب لحيـه

بعيد المراميس

انتبه يامحمد واحفظ المقهور
لاتجيه الذيابـه والحراميـه

هب ليت الليالي غيبها مخبور
كان نلقى على جبهتك ماريه


محمد السليس

جيتنا مع( ذا وندو) مار رح (مع دور)
طق وافتـح عليـك قفـول عجميـه

انت طير ٍ نداوى واطرحه عصفـور
نابـتٍ مـع جنوبـه ريـش حنديـه



بعيد المراميس

لو تجمع علاك العمي هي والعـور
رح و قد الضرير اللي على الطيـه

واجبروا خاطر اللي فالهوى مكسور
راح عمـر الهـواوي يالهواويـه



للجميع مني أطيب و أعذب تحية

http://www.3roos.com/upload/3roos10.gif

http://www.3eon.com/picvb/27.gif

[أبوعبدالرحمن]

ما قصرتي يا مذهله


وصحت قلوب الشعار

[محمد السليس]

لاهنتى ياامذهله

واطلالتك تكفي وتشفع للغيااب

وداام عزك وبيض الله وجهك يالسناافيه

تحياااتى

[طيف الوله]

مشكوره يالغاليه على هالمجهود لاخلا ولاعدم منك عزيزتي

[زابن الدوسري]

مشكوره عزيزتي/مذهله

دائما مجهوداتك جباره لاهنتي

سهلتي المهمه على قراء ومتابعين هذا الصرح

كما لايفوتني ان اشكر كل من الشاعر/بعيد المراميس

والشاعر/محمد السليس

على تقديمهم محاوره من اروع المحاورات

ليله كانت راائعه نتمنى لهم التوفيق دائماً

وللجميع تحيااااتي وتقديري،،،،،

[محمد السبيعي]

يعطيك العافية مشرفتنا العزيزة مذهلة
ومجهود كبير منك لاختصار المحاورة على من فاتته

[فهد بن عبدان]

اي والله تخلّفنا عن الحضور


لكن السموحه




ومشكوره على الموضوع

[راكان بن بدن السبيعي]

مذهله





جهد تشكرين عليه