مشاكل الهلال خاصة واللاعب السعودي عامة

[االزعيم الهلالي]

السلام عليكم ورحمة الله وبركاته

موضوعي اليوم مو عشان هزيمة الهلال او اختلاق بعض الأعذار ومن هالكلام
كلامي اليوم عن حقيقة مرة وهي سبب انحدار اللاعب الهلالي السعودي لا اتحدث عن الأجانب
سؤال لكل مشجع هلالي وش رأيكم بمرونة وسرعة اللاعبين السعوديين بالهلال
واللاعب السعودي بشكل عام شفتوا اسامة هوساوي وماجد المرشدي بمباراة التعاون عند ( التحضين عالكرة )
تحس ان وزنه 100 ( ليس بالشكل بالمرونة ) مرونة الاعب السعودي سيئة جداا
لاعبين الهلال تحس انهم لابسين ثقالات 10 كيلو على الرجل اليمين ومثلها عاليسار
ركض وربي انه يمرض والسبب النظام الغذائي يعني لا عب محترف يضرب
فذاللحوم والرز اول مرة اشوف لا عب محترف له كريشة ( تصغير الكرش )
وين الأحتراف ادريانو ايام الدوري الأيطالي صادوه وصورة اكل 4 اربع اصابع
من البطاط المقلي وكأنه عامل جريمة وحنا هنا الله بالخير
الاعب الأجنبي محدد له سعرات حرارية معينة والاعب السعودية بوجبة وحده
فيها سعرات حرارية تعادل ما يأكله المحترف الحقيقي بيوم كامل
والمشكلة الثانية هي الأكتفاء المادي
تحس انه جاي للملعب بس يارب متى تخلص المباراة وارجع البيت
ما عنده اي نفس او روح للعب
يعني من جد ومن قهر الى متى وحنا نمشي كذا ؟؟؟؟؟؟؟؟
من يجاوبني على هالسؤال المعضلة ؟