دمعـ ـ ـ ــه
11-01-2003, 04:21 PM
هذي سالفه فيها شي من الضحك بس والله العظيم انها حاصله في الرياض
وسعوا صدوركم عليها...........
فيه حرمتين كبار في السن (عجايز) طالعين في هالعصريه يتمشون في احد الاسواق الشعبيه في الرياض يتقضون ومنها يطلقون رجيلاتهم.
الزبده مروا من عند محل واعجبهم شكل المزهريه اللي عنده وقعدوا يتشاورون ناخذها والا لا وسألو اليماني اللي في المحل عنها بكم سعرها وعطاهم السعر وجلسوا نص ساعه يكاسرون معه الين فككوا راسه وهبلو به ووافق لهم ووحده منهم تقول للثانيه والله ان ولدي عنده مثل هذي في المجلس يحب هالنوع من المزهريات وش رايك نشتريها له هديه ونفاجأه بها قالت الثانيه خلاص ناخذها له بس انتبهي للبزارين لايكسرونها له لانها قزاز قالت لا والله لاجلدهم ان جو للمزهريه وجلسوا ساعه يتناقشون عند المحل والرجال طفش قال بتاخذونها والا ارجعها للكرتون قالو لا خلاص عطناها جا الضعيف وعطاهم البضاعه وهم على نياتهم يحسبونها مزهريه خذوها ومشوا بعد ماحاسبوه قام الرجال يناديهم يقول تعالو باقي لها اغراض رجعوا له وعطاهم لي الشيشه العجايز كل وحده تناظر في الثانيه تقول ما كنها شيشه قالت الا بلى هي الشيشه منارة الشياطين ورجعوا لليماني وطقوه طق ولعنو فيه وكسروها عليه يقولون ماتستحي انا بنشتري مزهريه مو شيشه قال والله هذا محل شيشه وجراك مو محل مزهريات والعالم اللي يتفرجون عليهم يضحكون من اول يشوفون هالعجز عند محل الشيشه يتقضون.
وطول الطريق وهم راجعين يستغفرون الله على دخلتهم للمحل.
وهذي سالفه حاصله والله العظيم في الرياض.
تحذير:الرجاء عدم ذهاب العجايز لشراء التحف من الاسواق والاكتفاء بشراء الملابس...
وسعوا صدوركم عليها...........
فيه حرمتين كبار في السن (عجايز) طالعين في هالعصريه يتمشون في احد الاسواق الشعبيه في الرياض يتقضون ومنها يطلقون رجيلاتهم.
الزبده مروا من عند محل واعجبهم شكل المزهريه اللي عنده وقعدوا يتشاورون ناخذها والا لا وسألو اليماني اللي في المحل عنها بكم سعرها وعطاهم السعر وجلسوا نص ساعه يكاسرون معه الين فككوا راسه وهبلو به ووافق لهم ووحده منهم تقول للثانيه والله ان ولدي عنده مثل هذي في المجلس يحب هالنوع من المزهريات وش رايك نشتريها له هديه ونفاجأه بها قالت الثانيه خلاص ناخذها له بس انتبهي للبزارين لايكسرونها له لانها قزاز قالت لا والله لاجلدهم ان جو للمزهريه وجلسوا ساعه يتناقشون عند المحل والرجال طفش قال بتاخذونها والا ارجعها للكرتون قالو لا خلاص عطناها جا الضعيف وعطاهم البضاعه وهم على نياتهم يحسبونها مزهريه خذوها ومشوا بعد ماحاسبوه قام الرجال يناديهم يقول تعالو باقي لها اغراض رجعوا له وعطاهم لي الشيشه العجايز كل وحده تناظر في الثانيه تقول ما كنها شيشه قالت الا بلى هي الشيشه منارة الشياطين ورجعوا لليماني وطقوه طق ولعنو فيه وكسروها عليه يقولون ماتستحي انا بنشتري مزهريه مو شيشه قال والله هذا محل شيشه وجراك مو محل مزهريات والعالم اللي يتفرجون عليهم يضحكون من اول يشوفون هالعجز عند محل الشيشه يتقضون.
وطول الطريق وهم راجعين يستغفرون الله على دخلتهم للمحل.
وهذي سالفه حاصله والله العظيم في الرياض.
تحذير:الرجاء عدم ذهاب العجايز لشراء التحف من الاسواق والاكتفاء بشراء الملابس...