المساعد الشخصي الرقمي

مشاهدة النسخة كاملة : مشاركه ثانيه والمجال مفتوح ايضاً


برج المملكه
17-01-2005, 09:04 PM
يقولون الرجال الضيف له مدّة ثلاث اوجاب=وانا اقول الثلاث اوجاب زلّت يامعازيبي
الي شرهه عليكم يامعازيب الوفا وعتاب=وابا ابديها على اهل المعرفه واهل المواجيبي
طيف الوله
17-01-2005, 10:38 PM
يقولون الرجال الضيف له مدّة ثلاث اوجاب
وانا اقول الثلاث اوجاب زلّـت يامعازيبـي
الي شرهه عليكم يامعازيب الوفـا وعتـاب
وابا ابديها على اهل المعرفه واهل المواجيبي



الي شرهه عليكم يامعازيب الوفـا وعتـاب
وابا ابديها على اهل المعرفه واهل المواجيبي

:confused:

صح قلبك وبانتظار شعارنا
برج المملكه
17-01-2005, 11:11 PM
طيف الوله هلابك

صح كلك وبانتظار شعاركم
محمد السليس
18-01-2005, 11:23 AM
هلا ياضيف ياللى جيت ماحصلتلك ترحاب =ومن يلفي بلا داعى قعد من دون ترحيبي

ترى مامن جواب الا بعد ماينفتح له باب = انا اشك ان لك ماض ٍ قديمن يفري الجيبي
محمد السليس
18-01-2005, 11:26 AM
طيف الوله

جيت وجابنى الله مير الصف لاهنتى

والشاهى

<<<<<<<<<<< ترا كان فيه جنزبيل ومراميه مافيه مانع


وحيااك الله
طيف الوله
18-01-2005, 01:17 PM
هلا ياضيف ياللى جيت ماحصلتلك ترحاب
ومن يلفي بلا داعى قعد من دون ترحيبي

ترى مامن جواب الا بعد ماينفتح له بـاب
انا اشك ان لك ماض ٍ قديمن يفري الجيبي

هلا مليووون ياشاعرنا صح الله قلبك صح الله قلبك ملاااييين

وابشر بالشاهي والزنجبيل والعلوم الزينه


ترى مامن جواب الا بعد ماينفتح له بـاب
انا اشك ان لك ماض ٍ قديمن يفري الجيبي

ههههههههههههههههههههههههه هه منت هين ابدن
برج المملكه
18-01-2005, 01:45 PM
يابو (ركبه وضربة راس) .. رح مع لابسات الكاب=انا مالي ورى اللي مثلك عتاب ومطاليبي
تبا تفتل شناباتك على فتّالة الاشناب=حرام ان مامحسّفني عليك الا انّك عتيبي
زابن الدوسري
18-01-2005, 02:38 PM
صحة السنتكم ياشعار

مبدعين لاكن خففو الرمي شوي

وبدون التطرق لبعض الامور

تحياااتي،،،
طيف الوله
18-01-2005, 03:48 PM
يابو (ركبه وضربة راس) .. رح مع لابسات الكاب
انا مالـي ورى اللـي مثلـك عتـاب ومطاليبـي
تبـا تفتـل شناباتـك علـى فتّـالـة الاشـنـاب
حـرام ان مامحسّفنـي عليـك الا انّـك عتيبـي

صح قلبك ومتابعين

برج المملكه

وش فيهن اللي لابسات الكاب ؟؟؟
محمد السليس
18-01-2005, 06:18 PM
تراها عندى اطيب منك لوتزعل وفيه اسباب= لان البنت ماجتنى تخفا مثل ابو عيبي
انا شيخ ٍ ولد شيخٍ وللراعى محسب حساب = بعد ماجيت مثل البنت لابس وجه تركيبي
محمد السليس
18-01-2005, 06:23 PM
هلا وغلا يااطيف الوله


ولاهنتى يالسنافيه على الحضور والتواجد

وبيض الله وجهك على المشروبات (الشعبيه)

والصفووف لاهنتى

واللى يلبسن الكااب زى اللى يلبسن العباايه الفرنسيه كلهن حريم

ويجى منهن وحده مثلا ولكنها عن الفين شاارب

لايهمك

تحياتى
محمد السليس
18-01-2005, 06:24 PM
هلا وغلا يالوااثق

وبعض الامور يحدونا عليها النااس

مار الله يعين

هلا وغلا
طيف الوله
18-01-2005, 07:46 PM
تراها عندى اطيب منك لوتزعل وفيه اسباب
لان البنت ماجتنى تخفا مثـل ابـو عيبـي
انا شيخ ٍ ولد شيخٍ وللراعى محسب حساب
بعد ماجيت مثل البنت لابس وجه تركيبـي


كفوووووو كفوووووو كفوووووووو صح قلبك يالنشمي صح قلبك ملااااييييين
مفرح بن مناحي
18-01-2005, 08:52 PM
الله الله

برج المملكة ومحمد السليس محاورة حامية

واااااااااااصلوا


وأنا في صف السليس
برج المملكه
18-01-2005, 10:21 PM
الواثق / طيف الوله / سهم المنايا

حيّاكم الله ولاهنتوا على الحضور


محمد يامحمد وش يجيب الروس للاذناب=تراجع عن علومك قدم اضرّبك المهاذيبي
انا خابرك شيخ وشيختك مرخيّة الاطناب=عسا الله لايبارك فيك ياشيخ الرعابيبي
مفرح بن مناحي
18-01-2005, 11:09 PM
الله الله

يا برج المملكة

السليس وينك
طيف الوله
19-01-2005, 01:53 AM
متابعووووووووون صحت القلوب
بعيد المراميس
19-01-2005, 01:53 AM
يامالك يوم الدين !


ابك ياريجيل والله ياجانا برديتن تفضخ روس البل مار ربي فكنا منها

اللهم اجعلها حوالانا ولا علانا

متابع ومقدر اقول شي ممطورين ويالله لك الحمد

وبس خلاص
سعودعبدالله
19-01-2005, 02:01 AM
الحمد لله على السلامه يبو جسار.

وابشرك ان حلالنا سالم والسحابه طقها الهوى عنا واشوف برقها عنا شمال والحمد لله على السلامه مرره ثانيه

ومتابع

وبس خلاص
محمد السليس
19-01-2005, 03:04 AM
ترى الحر النداوى ينعرف والا الغراب غراب= وانا مدرى وش انت وظنتي بربوعك صليبي
تذم اهل النضا والخيل وانته هافي الانساب = ومامن زود يامجهول عن غيدٍ مخاضيبي
برج المملكه
19-01-2005, 08:00 PM
انا حالف ما اجنّب عنك لين تذوق سم الداب=واهيّب فيك في ساحة غرابيل اللّواعيبي
عسى ربي يعين اللقمه اللي بين ضرس وناب=تعشّتها الذياب الشهب في عال المراقيبي
برج المملكه
19-01-2005, 08:02 PM
سهم المنايا

مرحبا مره ثانيه اسعدتنا بمتابعتك
برج المملكه
19-01-2005, 08:05 PM
طيف الوله / هلابك ومانقول في لابسات الكاب الا كل خير / ام / اخت / بنت

هلابك مره ثانيه
برج المملكه
19-01-2005, 08:07 PM
بعيد المراميس / هلا و غلا ومهنيّين بالرحمه :)

هلابك وشرّفتنا واسعدتنا بحضورك الكريم
برج المملكه
19-01-2005, 08:12 PM
سعود عبدالله / هلا و غلا ومرحبا بحضورك الكريم والسحابه اللي تكلّم انت وبعيد عنها بروقها ماشفتها ورعودها ما اوحيتها :wink:

هلا و غلا مره ثانيه
سعودعبدالله
19-01-2005, 10:29 PM
الله الله الله

يابرج المملكه

صحححححححح لسانك

والسحابه الله سلم منها ولا هي تذبح من تحتها

واصلووووووووووو

متابع بقوه
برج المملكه
20-01-2005, 12:45 AM
سعود يامرحبا والله ومسهلا على مرورك الثاني

يعلم الله ان مرورك يشرّف واطراءك يسعد صح بدنك وترى اللي مر ماهيب سحابة ٍ وحده فيه سحابة ٍ ملبّده وجاين لها بروق ورعود عانها قبله واشوفها هالحين مشمله مير الله يعطينا من خيرها ويكفينا شرها :غمزه:

تحيّاتي
أبوعبدالرحمن
20-01-2005, 10:42 AM
صحت قلوبكم


ومتابعين لكم
طيف الوله
20-01-2005, 02:08 PM
انا حالف ما اجنّب عنك لين تذوق سم الداب
واهيّب فيك في ساحـة غرابيـل اللّواعيبـي
عسى ربي يعين اللقمه اللي بين ضرس وناب
تعشّتها الذياب الشهب في عـال المراقيبـي
:biggrin: صح قلبك يابرج المملكه والفيصليه

ابك انت وااان يا السليس ترى الرجال حالف :يمه:
محمد السليس
21-01-2005, 12:06 PM
انا اقوللك هات الوسم والا الرسم يالنصاب=علشان الركاس يشد وتزين المضاريبي
تبين لاتكذب بالسوالف مدرق بحجاب = اذا علمك صحيح اظهر بوجهك يابو ذنيبي
طيف الوله
21-01-2005, 04:50 PM
انا اقوللك هات الوسم والا الرسم يالنصاب
علشان الركاس يشد وتزين المضاريبـي
تبين لاتكذب بالسوالف مـدرق بحجـاب
اذا علمك صحيح اظهر بوجهك يابو ذنيبي

اذا علمك صحيح اظهر بوجهك يابو ذنيبي

اذا علمك صحيح اظهر بوجهك يابو ذنيبي

الله الله يالسليس :ياهو:

وينك يابرج ماعاد بدري قلت لي وش تحرى؟؟ اظهر وبان علاااك الامان :احم:
برج المملكه
21-01-2005, 08:21 PM
عشق ليل / طيف الوله

كل عام وانتم والجميع بخير


انا وسمي يشرّفني مع الاقراب و الاجناب=وسمت المطرقين اللي على حرش العراقيبي
ولو قلت ان وسمك مثل وسمي .. ويش جاب لجاب=اخذتك من معازيبك وضفّيتك فـ أشانيبي
طيف الوله
21-01-2005, 09:41 PM
انا وسمـي يشرّفنـي مـع الاقـراب و الاجنـاب
وسمت المطرقين اللـي علـى حـرش العراقيبـي
ولو قلت ان وسمك مثل وسمي .. ويش جاب لجاب
اخذتـك مـن معازيبـك وضفّيتـك فـأشانيـبـي

الله الله وحنا يشرفنا متابعتك بالمبدع صح قلبك والله
محمد السليس
23-01-2005, 11:36 AM
يامرحبا ياهلا

الى عودة للردود


اثرك من الدناويه وجابك ماقفٍ غصاب=وابسرحبك وابضويبك ليا شرهت تسريبي

اناراس السنام ودونه الكرعان والارقاب= وعد وفعل مانى شعرةٍ سوداعلىالشيبي
محمد السليس
23-01-2005, 12:35 PM
سيف الاسماء وجودك في صفي يشهد الله نومااس

وكل عام وانت بخير

والعذر على التأخر فالرد
محمد السليس
23-01-2005, 12:37 PM
هلا وغلا يااعشق ليل

وكل عام وانت بخير ومتاابعتك نومااس
محمد السليس
23-01-2005, 12:41 PM
وهلا وغلا ومسهلا يااطيف الوله

وماتلاحظين ان وجودك خير وبركه

وحنا يشرفنا

وجودك اوجد ضمير جمع غائب افادنى

ههههههه

لاخلااااااااااا يااطيف

ونبي مراميه (كاركديه ) ويانسون ونعناع و(طسل وادى فاطمه والا بونى)

تحياتى
طيف الوله
24-01-2005, 12:11 AM
هههههههههههههه يالسليس ابشر بال(مراميه (كاركديه ) ويانسون ونعناع و(طسل وادى فاطمه والا بونى)

ودي افهم وش معنى طسل؟؟ :خجل:
محمد السليس
24-01-2005, 02:05 AM
طسل = قوطي

تبشرين بالجنه
طيف الوله
26-01-2005, 04:39 PM
وينكم ؟؟؟عجلو علانا برد النعناع ومحد جا للحين :افكر:
أمير الأحساس
27-01-2005, 05:10 AM
هذي اول مشاركة لي في المحاورة

واتمني منكم اخباري في قدرتي علي الاستمرار او لا


الضيف الي واقف ورى هذي الابواب
يبي يشارككم علوم الكرم والطيبي
ينتظر اشارة مشرف عانقة نجومة السحاب
يبغي يعيش جوكم الجميل الرهيبي




مع اطيب تحية : أمير الأحساس
طيف الوله
27-01-2005, 05:14 PM
الله الله يا امير

اطلب من تبي من الشعار وخلنا نستمتع بمحاورة من الوزن الثقيل :ياهو: