خبيرا ت فيزا الخدم لتركيا تكفون أبيكم

[حواء غرابيل]

شلونكم بنات
عندي استفسار والوقت حده حده ضيق
آنا إن شاء الله بروح تركيا مع ولدي فديته عمره 8 شهور وخدامتي بتاريخ 21-1-2012
يعني مابقى شي
خلاص صدرنا التذاكر والفندق
الباقي فيزا الخدامة طبعا إهي على كفالة ريلي والحب ماراح يسافر معانا
عاد دقيت على مندوب لتخليص الفيز وقال لي يصير تسافر معاج بصفة عايلة الكفيل
السؤال : هل فعلا ضروري وجود البطاقة المدنية لاستخراج الفيزا ؟ هذي أول مرة أسمع فيها بصراحة
هذا كلام المندوب ويقول مو متأكد طبعا خدامتي يديدة ومن قبل أسبوع دقينا إقامتها يعني لو بنطلع بطاقتها المدنية مو أقل من أسبوع وبعدها السفارة تاخذ أسبوع لإصدار الفيزا ؟؟؟؟ يعني طارت عني الطيارة
آنا مابذني ماي رايحة رايحة سواء معاها ولا بدونها فعلا محتاجة تغيير جو خاصة إني من بعد ولادتي ما ترقعت من عملية لي عملية والحين حامل قلت بغير جو قبل الولادة
عاد اللي سبق لها واستخرجت لفلبينيتها فيزا لتركيا ياريت لو تنورني ببعض ما عندها من معلومات وأكون لكم شاكرة وممنونة