عيش وفقع..في موسم الفقع. لذيذ وناطع تفضلووا لا يطوفكم

[حواء غرابيل]

*السلام عليكم ورحمة الله وبركاته*


( الحمدلله الذي اطعمني هذا الطعام ورزقنيه من غير حول مني ولا قوة )
اشلونكم خوااتي وحبيبااتي..انشالله انكم بخير وراحة
الفقع اللذيذ اكيد له عشاقه..واكثرنا ينطر موسمه طول السنه
ومشالله تبارك الرحمن..السوق الحين مليان بالفقع..وطبعا هالفقع مو محلي
مستورد من مصر او الجزائر او المغرب
يارب تسقينا بالغيث..آمين .. الي ينبت الفقع فيه بالكويت وكل دول الخليج انشالله
وحسب علمي سعر الكيلوا للفقع النظيف بالسوق من 15 وانتي طالعه


المهم ما اطول عليكم حبيبااتي
ابونا ذاك اليوم جاب لي هالفقع وقال ابيه باجر غدا
..و فعلا طبخته على الغدا وماحبيت اسويه من غير لا اصوره وانزله لكم يا احلى كويتيااات.


تفضلوا طريقته لعيووونكم...



اول شي..واهم شي تنظيف الفقع..لانه يكون فيه تراب عالق وداخل باجزاءه


فتنقعينه بماي دافي اقرب للحاروتخلينه نص ساعه وعقب تردين تغيرين الماي
ونفس الشي ثاني مره تنقعينه وعقب ربع ساعه وتغيرين الماي..ليما تتاكدين من خلوه من التراب


http://im18.********************************************/2012-01-10/1326197194791.jpg (http://www.********************************************/show/X3yui66h0jl)



http://im18.********************************************/2012-01-10/1326197194572.jpg (http://www.********************************************/show/Xb0rqyzlzux7)






وعقب نجي للتنظيف..او التقشير..تقشرينه بالسكين مع ملاحظة ان الفقع حساس
فحاولي وانتي تقشرينه انه ما يروح مع السكين اجزاء من الفقع
ومرات انا انظفه بالاسفنجه الفاضيه امررها عليه واحرك واهي تشيل كل الي عالق فيه
واكمل عليه بالسكين على الخفيف...
نغسل فقعنا..وعقب ما نتاكد من خلوه من الرمل والتراب..ونقصصه للحجم المطلوب



http://im12.********************************************/2012-01-10/1326197417661.jpg (http://www.********************************************/show/X13odvyyya55)



ونغسله اخر مره بالمشخال عالخفيف


http://im12.********************************************/2012-01-10/1326197417482.jpg (http://www.********************************************/show/Xb0s4g71isuz)


نجي لطريقة طبخه..
أنا الفقع طبخته بروحه بلا لحم..ما ابي طعمه يضيع ويخف مع طعم اللحم..معروف ان الفقع طعمه مميز..ويطلع العيش رووعه معااه..وهاذي الطريقة من الوالده الله يطول بعمرها ..ربيت عليهاا ...


نحمس بصل مقصص صغار كميه زينه حوالي بصلتين كبار..ولا تشوقر ضفنا عليه الفقع وحركنا عالخفيف بخفه لا يتفتت معاج الفقع لانه ترف..ويفضل تزيدين كمية الزيت..لانه مافي لحم او دجاج راح ينزل دهنه..فهالزيت والدسومه تعطي العيش طعم لذيييذ
وطبعا الي تشكي من مراض عسالله يشافيها تقلل


http://im12.********************************************/2012-01-10/1326197417573.jpg (http://www.********************************************/show/Xb0sp71573aw)



http://im12.********************************************/2012-01-10/1326197417654.jpg (http://www.********************************************/show/Xb0svjq0660l)




وعقب نظيف حبتين طماط مقصصينهم ارباع..حيل يعطون العيش والفقع نكهه
ونضيف ملعقة اكل بهارات مشكله ونص ملعقة اكل فلفل اسود..وربع ملعقة كركم..وربع ملعقة هيل ناعم


ملاحظه: في طبخة الفقع يفضل عدم الاكثار من البهارات علشان مايضيع طعم الفقع المميز



http://im12.********************************************/2012-01-10/1326197417275.jpg (http://www.********************************************/show/Xb0sx54uq43u)



نحمس بخفه..ونضيف نص فلفل بارد اخضر..نقصه لربعين واذا حبيتي تزيدين حسب الرغبه.. نكهته عجيبه بالعيش ...وجم حبة لومي يابس..ونحرك


http://im12.********************************************/2012-01-10/1326197417906.jpg (http://www.********************************************/show/Xe9sy06axd)



نخلي الفقع يتشرب البهارات ويتجانس..وعقب نضيف عليه ماي حار نكون مجهزينه..ونخليه يطبخ على النار..


http://im12.********************************************/2012-01-10/1326197420287.jpg (http://www.********************************************/show/Xea5otqp7l)


وعقب حوالي ساعه تجيكين عليه..وتملحينه بالملح المضبوط..وتخلينه حوالي ربع ساعه وعقب تجيكين تطلعين لج فقعه وتذوقينها اذا ناظيه او توهاا



http://im12.********************************************/2012-01-10/1326197420158.jpg (http://www.********************************************/show/X3yqx20siak)



اذا استوا الفقع تكتين عليه عيشج الي تكونين غاسلته ومنقعته بماي دافي لمدة ساعه
واول عشر دقايق تخلينه على نار عاليه ..وعقب اذا شفتي وجه العيش تناشف من الماي تقصرين على الجدر حييل وتخلينه تقريبا نص ساعه.


http://im22.********************************************/2012-01-10/1326197911711.jpg (http://www.********************************************/show/X327thmq5fc2s)



http://im22.********************************************/2012-01-10/1326197911842.jpg (http://www.********************************************/show/Xb0s6evltn9w)


واحنا بالبيت عادة مانفضل نسوي معاه حشو للوجه..بس بعض الناس يحب معاه حشو
فقلت بحط لكم طريقة حشو الفقع



وهالحبات اخذتهم عقب ماطبخواواستووا علشان اسوي فيهم الحشوو


http://im22.********************************************/2012-01-10/1326197911473.jpg (http://www.********************************************/show/Xum6c3fcxgr0a)



نحمس بصل بالمقلاه على نار هاديه من غير زيت ..وعقب مايميل لونه للبني نبخه بشوية ماي مع التحريك واذا صار غامج نضيف له ملعقة اكل زيت ونحرك..ونضيف الفقع عقب ما قصصناه


وملعقة صغيره فلفل اسود..وملعقة صغيره هيل ناعم..وملعقة صغيره لومي اسود ناعم..وشوية كركم


http://im22.********************************************/2012-01-10/1326197911934.jpg (http://www.********************************************/show/X327u3bv8310i)



http://im22.********************************************/2012-01-10/1326197911715.jpg (http://www.********************************************/show/X13ofc3bo6la)



ونحرك ليما يتجانس الحشو ويتحمش البصل والفقع..نسكر عليه




وبعد سويت دقوس البر..
حييل يصلح مع عيش الفقع
وميزة هالدقوس ان مانستخدم فيه المعجون الا ملعقة اكل بس.


ناخذ من المروق الي طبخنا فيه الفقع
ونضيف له حوالي اربع حبات طماط احمر مقصصينهم ارباع..وملعقتين زيت نباتي
وكميه وفيره من الثوم المقصص..ربع ملعقة اكل لومي يابس..ربع ملعقة اكل فلفل اسود.. وملعقة اكل معجون طماط وملح


http://im22.********************************************/2012-01-10/1326197911856.jpg (http://www.********************************************/show/Xb0sauf0nap6)



نخليهم يطبخون على نار هاديه..ليما يقرض ويتركز الدقوس
ناخذ ايد الهاون الخشبي..او قفشه(ملعقه) كبيره..ونضربه ليما يتجانس الدقوس وحبات الطماط تذوب مع بعض


http://im22.********************************************/2012-01-10/1326197911637.jpg (http://www.********************************************/show/Xum6o9zqgpln2)


يمي يمي..عليكم بالف عافيه..خفيف وناطع..ومبين فيه طعم الثوم


http://im18.********************************************/2012-01-10/1326198171621.jpg (http://www.********************************************/show/Xea83st0g3)




وهالدقوس اذا حبيتي تسوينه مع مجبوس اللحم او الدجاج..تقدرين تاخذين من مروق الدجاج او اللحم الي طابخته وتطبقين نفس الخطوات السابقه.



جهز العيش..وحطيت الحشو على وجهه


http://im21.********************************************/2012-01-10/1326199465652.jpg (http://www.********************************************/show/X32b0rhy3m4m9)

وتفضلوا العيش والفقع..عليكم بالف عاافيه ان شاء الله..
صورته لكم وانا انجب عالسريع..

نشيل الحشو مع شوية عيش من وجه الجدر..وخليت صحن نجابي..صوبين..صوب بدون حشو للي ما يايبي..وصحن بحشووو


http://im16.********************************************/2012-01-10/1326198863869.jpg (http://www.********************************************/show/Xb0unnfdtu9d)







حبيببات قلبي..لحد يرد عالموضوع لو تكرمتوا..بكمل الصور