المساعد الشخصي الرقمي

مشاهدة النسخة كاملة : بدون ردود محاورة الواثق وسعودعبدالله



بعيد المراميس
14-01-2005, 09:36 PM
المبدأ من قبل الاداره ممثله في اخونا الشاعر

محمد السبيعي:

على حسب ميعادنا اللـي نوعـده

مايختلف ميعادنـا عـن موعـده

وراعي الوفاء دايم يا طيبه وِسْعده

أقولهـا والمقـبـلات بْفالـهـا

سلام لأهل المنتدى والشعر واللي حاضرين
,,,,,,,,,,تحيةٍ فيها وفـاء والخيـل مـن ركابهـا
ذا الليل نستمتع بفن الشعر يـا متحاوريـن
,,,,,,,,,,الطيب مخبورٍ بكم والنـار مـن شبابهـا



الواثق:

جيـنـا عـلـى حـسـب الطـلـب يـاهـل الـفـلـك

الله يـكـفـيـنـا مــــــن دروب الــهــلــك

احـــد بـهــا مـمـلـوك والـثـانـي مــلــك

اقـولـهــا والـخـيــل مـــــن خـيـالـهــا


ياربعنا ياموصلين العلـم ويـن العلـم ويـن
,,,,,,,,من قبـل لاتاقـع وحنـا ماحسبتـا حسابهـا

احضر وعطني واستمع ياسعود ياذرب اليمين
,,,,,,,,كلمه يموت ابهـا الولـد والثانيـه يحيابهـا



سعود عبدالله :
جينا وجيتوا والمعزه وافيه

وقلوبنا بالطيب دايم صافيه

والبينه تظهر حفيل الخافيه

اقولها والخيل من خيالها


نسمع كلامك يامنادي ياعسى ربـي يعيـن
,,,,,,,,,وام الكبايـر شرعـت للغافليـن ابوابهـا
احزم حزامك وادحم الضلعان بالجنب المتين
,,,,,,,,والحيه ام قرون شطرهـا ونكسـر نابهـا



الواثق:
ان قلت واما قلت ولا وش تقـول

ودي اعرف الناس صاحي ومهبول

الي ليا اذن دقت جنوب الطبـول

اقولهـا والخيـل مـن خيالـهـا

اليا عرفت اللي يحب من البشر منكب حسين
,,,,,,,,اسوقها بالمارقـي واقـص روس اشنابهـا

ياللي تيمم شـرق وتعيـد بوسـط القبلتيـن
,,,,,,,,,,,لاماتت الحيـه فـلا تامـن يجيلـك دابهـا



سعود:
الطيبه تبدي على روس الطوال

لاكن لاتامن من الجرف الهيال

ترى الحقيقه ماتجي مثل الخيال
ا
قولها والمقبلات بفالها


اليا عرفت اللي يحبه حلل الكبش السمين
,,,,,,,,,,,خوصتك في يمناك لاكن لايضيع جرابها
قد قالو اهل المعرفه من عود بخفي حنين
,,,,,,,,,,,يمسي ونفسه مايذوق النوم من هندابها




الواثق:
ياللي تدورها ولانتب يمها

اخذ الحقيقه بالكفوف وضمها

انشد وتعرف خالها من عمها

اقولها والخيل من خيالها

يالله عسانا من سبايبها وهلها سالمين
,,,,,,,,,,,,, مير البلاوي مالها الا واحدٍ يبلابها

ان كان ضيعتوا وراحت لربعه مثل الثنين
,,,,,,,,, امسيلمه عند العرب ياصاحبي غنابها





سعودعبدالله:
رسالتن وصلت ولافوقها بنود

وصلت وجا جزئن من النص مفقود

ترى الليال البيض ماهي كما السود

اقولها والمقبلات بفالها


قلنا مثل ماقلت جعل الله يعين الصابريـن
,,,,,جعل المطايا صوب دارك ماتعوج ارقابها
كانك دليلتهم مع الطرقه يبو قلبن فطيـن
,,,,,,الربعه اللي روحت ضاعوا وضاع غرابها






الواثق:
ان صبت وان اخطيت هذي مشكله

واليا كشفنا الوضع غيرك نزعلـه

يمكـن تجيلـك بالبهـار مفلفلـه

اقولهـا والخيـل مـن خيالـهـا


ان صابك الوسواس ولا غرك ابليس اللعين
,,,,,,,,,,لاتسمعه حتى يجيـك العلـم مـن غيابهـا

ماني وكيل اللي غدى له يوم شان الوقت دين
,,,,,,,,وان روحت روح مراح اللي غزى ماجابها





سعودعبدالله:
ياللي تجاوب راعي الصوت بالصوت

الذل مافك الحباري من الموت

وان كان صدرك داخله شي مكبوت

اقولها والمقبلات بفالها




ان كان في قلبك محبه غن بالطرق الحزين
,,,,,,,,قال المثل ترى اهل مكه خابرين اشعابهـا

انته شماغـك وارد البسـام والا لابليـن
,,,,,,,,,,ياشوق من غطت مفاتنها بزيـن ثيابهـا







الواثق:
ياسعود لايخفاك عامٍ بعد عام

اللي يكون يكون ياباب السلام

ياللي تميز يالحلال من الحرام

اقولعا والخيل مـن خيالهـا


وين الهلالي راح باقي في حزامه طلقتين
,,,,,,,,,,,ياللي تعرف الدار ميز حيدهـا وترابهـا

مابه شماغ ولا ثيابٍ في بلاد الرافديـن
,,,,,,,,,الموت ياراعا الهقاوي ويش هو خلابهـا

طيف الوله
14-01-2005, 09:44 PM
الله يعطيك العافيه على هالمجهود يابعيد المراميس ماقصرت والله

والف شكر يالغالي

أبوعبدالرحمن
14-01-2005, 10:56 PM
يعطيك العافية اخوي بعيد المراميس

ما قصرت ما قصرت وسهلت لمن فاته متابعة المحاورة ان يجد الابيات هنا بسهوله

مُذهِلــــة
14-01-2005, 11:51 PM
سلمت وما قصرت يعطيك العافية أخوي بعيد المراميس

جهد بصراحة تشكر عليه

لك مني أطيب و أرق تحية

محمد السليس
15-01-2005, 07:08 AM
لاهنت ياا ابوجساار

وصح السنت شعرائنا ولاهاانوو

زابن الدوسري
16-01-2005, 04:20 PM
شاعرنا القدير/بعيد المراميس

بيض الله وجهك على يالغالي

سهلت المهمه على قراء هذا الصرح الشامخ

تقبل مني ومن الجميع كل التقدير والاحتراااام

سعودعبدالله
17-01-2005, 01:45 AM
بعيد المراميس

بيض الله وجهك يا الحصان

اشكرك حتى يغمى علي

محمد السبيعي
21-01-2005, 09:44 AM
الشاعر العذب / بعيد المراميس

ما قصرت والله يعطيك العافية وسهلت بهذه الطريقة
المختصرة متابعة المحاورة لمن فاتته المحاورة
ان يجد الابيات هنا بسهوله

مشكور مرة أخرى