باندا ..الزعيم .. ستار أكاديمي ...الفارس .. الدمعة .. الكرسي .. اسماء من أين أتت ؟؟؟

[أبــــــ أحمد ــــو]

السلام عليكم ورحمة الله وبركاته

هذا السؤال من زمان نفسي أسأله .....
اسماء الجوالات .... من أين أتت ؟؟؟
هل يسمى الجوال على شكله .. (باندا)
أم على زمن خرج فيه ... (ستار أكاديمي)
أم على تصدره المركز الأول في وقته .. (الزعيم)
اسماء كثيرة متعددة من أين أتت ..
برج العرب ، عنيد ، فيصلية ، مملكة ، بيبي باندا ، بيبي زعيم والكثيييييييييييير ..

من أين أتت ؟؟؟







جاوب على حسب رأيك ....

[الرايقه]

لااعلم حقيقة ..

[مازن]

أتوقع اول شخص يشتري هالجهاز ويجيبة للسعودية يتامل بهالجهاز وينطل أي لقب والناس مع الخيل ياشقراء

والله اعلم

[أبــــــ أحمد ــــو]

أول واحد يشتري الجهاز ...
أباتشي !! وش ذا الاسم

[يفوق الوصف]

ابو احمد

هذه الالقاب لا تطلق الا في مجتمعنا ((((( السعودي طبعا )))))))

يعني لو تطلع في الخارج

وتساله عن هذه المسميات

اكيد ما راح يفهمك ..........

الا

اذا ذكرت رقمه

يعني خلونا على الارقام احسن ........

ولا يستخفون بعقولنا اصحاب العقول السليمه !!!!!!!!!!!!!

ولكن العذر المعلن

هو لسهولة معرفة نوع الجوال من مسماه ...........

( عذر اقبح من ذنب )

مشكور اخوي على طرحك للموضوع

[الامـــبراطــور]

يابو احمد تدري ان الشعب السعودي الوحيد اللي يعطي الجهاز حقه لانك اذا مادلعته شوي بحقه وانت فكر فيها شوف الفرق لما اقولك جوال 6630 ولا جوال الفارس ايه احسن انت بنظرك انا افضل الاسم وهذا رايي انا

[عزف المشاعر]

على فكره

الفارس


له اسمين غير هالاسم

المدمر

واهل الغربيه وتحديداً جدة يسمونه
بيتزا

هع

[مهاجرة بإحساس]

صراحه معك حق ياابو احمد..
انا اموت وادري من وين جايبييييييين هالاسماء..
انا الي قهرني الابااتشي..
وربي يوم كان معي ماكنت اقول اسمه ..
كنت اقول رقمه
ماادري على ايش سموه الاباتشي..
حتى الفاارس اللحين لما يسألوني مااقول كذا
لان بالدول الثانيه مايسمونهم بالاسماء هذي..
يسمونها بالارقام..
بس حنا الي فاضين نسمي :هاها:

ههههههههههههههههههههههههه هههههههههههههااااي
سموا بناتنا وعياليننا لاتسمون الجوالات :هاها:

:نأ:

تحيتي لك..
هجــــــــوره :خجل:

[فيصل المانع]

الاسماء يابواحمد ماجت من هنا والطريق

الاسماء جت على شكل الجهاز أو شبيه للجهاز
مثل الفيصليه والمملكة شبيه للبرجين الي موجودين في الرياض
وهكذا...

[خــــالـــــد]

أبو أحمـــد

.
.

الأسمــاء تطلقـهـــا , الشركـات المنتجــة , أو الوكالات المصدرة

ولكل جـــوّال زماانه , يعني يسمى الجواال على حسب الفترة اللي يطلع فيها


أشكرك أخي أبو أحمد ,, ولا تشي هم في المسميات ههههههههه







أخوكـ / خالد

[غير مسجل]

اللي اعرفه انه في احد الشركات تخصص واحد يسمي الاجهزة الجديدة باسماء يقبل بها الناس ليسهل تداولها
واغلب الظن الجوال الجديد نوكيا 6680 سيطلق عليه الكاسح لان فيه ميزات تفوق الفارس ... والله اعلم

[التميمي]

أنا أقول لكم من وين جت

الظاهر والله اعلم جت من عالية نجد وهضابها وواحاتها - وإلا فهي خارج المملكة لا تعرف بهذا الإسم فإحساسنا بنقص التصنيع الأصلي ولد عندنا التعويض في النقص بإطلاق المسميات على صورة المسمى عليه فمثلا هم أو نحن سمينا الدمعة بالدمعة لأنه يشبه او فيه شبه من الدمعة النازلة من العين -- كما يسمونه أيضا بالسعبولة لأنه فيه شبه من ذلك
وكذلك الفيصلية مثلا لأنه يشبه شكله الفيصلية , ووووووووو وهكذا

فلأسماء التي أطلقها بني نجد وما جاورها لم تطلق عبث ههههههههههههههههههههههههه ههههههه ولهم الأحقية في ذلك وكذلك الأسبقية وهي (( تلك الأسماء ))) أسهل طريقة للحفظ من رقم الخاص بالجهاز

ههههههههههههههههههههههههه هههههههههه
<<<===========وش رايكم بفيلسوف زمانه خخخخخخخخخخخخ

[مفرح بن مناحي]

أعتقد أنها جت من الفضاوة !!!


ومثل ما ذكر " التميمي " .. ما فيه إبداع في التصنيع .. علشان كذا صار عندنا إبداع في التسمية .. وهي أسهل بالتأكيد !!

أنا أشوف أن ذكر أرقامها أفضل .. من الناحية الحضارية .. لأن الرقم ثابت معروف على مستوى العالم ..

أما الاسم فهو قابل للتغيير ... ولا يتعدى حدود السعودية .. !!

مشكووور أبو أحمد على الموضوع