وصلت لمرحله اكتئاب متقدمه

[حواء غرابيل]

مرحبا خواتي
يشهد الَلِِّــہُِ *اني احب هالمنتدي واني اقضي اغلب اوقاتي فيه

قبل اي شي الحمدلله انا بنت مسميه و مصليه ومابي الغلط حاولت اغير بوضع اشغل وقتي بس من كثر الضغط النفسي خلاص استسلمت
*
يقولون الشكوه لغير الَلِِّــہُِ *مذله بس انا اقول الشكوه بعد الَلِِّــہُِ *فيها راحه
لان نسمع الكلام الطيب والدعاوي الحلوه

انا جد مليت من حياتي ومليت مشاكل امي وابوي اللي ماتخلص والَلِِّــہُِ *اذا مر اسبوع بدون مشكله اعتبرها معجزه وانا وحيده بالبيت واختي متزوجه وبمنطقه بعيده واخوي متزوج وطالع بشقه بروحه علاقتي فيهم زينه الحمدلله.
حتي اعز رفيجاتي اللي دايم اشكي لها وكنت انسي همي معاها فجاه تغيرت لاني نصحتها لاتغلط فحست اني ضدها يمكن
واحنا علاقتنا باهل امي وابوي ضعيفه بسببهم اهما طبعا ومشاكلهم نفروا الناس منهم فمانزور احد ولاحد يزورنا

وفوق هذا ربي ماكتب لي الزواج للحين واحس كرهت الزواج من كثر ما انا قاعده انطره يعني وصلت لي32بالَلِِّــہُِ *منو بياخذني !! اللي يحرني والَلِِّــہُِ *مو غرور بس صج كل من شافني قال هالكلمه(وين عيون الرياجيل عنج صابهم عمي)
قلت يمكن عين قريت وسبحت بماي مقري ورقيت نفسي وقريت البقره الحمدلله مافيني شي من اعراض العين.
*
بنات ادري في متزوجات ماكلين تبن بس مو الكل ليش مايصير حظي مثل المتهنيه
عالاقل رجال يغثني بروحه مو ام وابو علاقتي معاهم واقفه عالجنه والنار

افكر لو بيمر فيني العمر جذي عانس وضغط مشاكل البيت شنو بيصير فيني
الحين فيني حالة اكتئاب قويه وصارلها شهور
*


تعبت حيل وربي*
والَلِِّــہُِ *اني ما اترك الدعاء وربي يتقبل