@ (( نهاية حلم )) @ تقييمكم يهمني £

[تاجر مواشي]

اغنام - ابل - دواجن - طيور

ذوى ورد الفرح بيدي ويبس ريق الهوى المذعور
على صوت الرحيل المر وشوفة وجهه الأسود

أودعها وهي تبكي وأجفف دمعها المنثور
مثل لولو انتثر عقده وياخوفي يتدمى الخد

ترجاني تبي نلملم بقايا حلمنا المنحور
وأشوف عيونها لهفة وأحس الشوق ديمة وجد

منى نفسي : افهمني ولاتظنين بسماي بدور
خذت قلبي هواي أنتي ولكن وش بقى باليد

معك عمري يمر لحظة وإذا غبتي الثواني شهور
يعي الفجر لايمشي ويبطي الصبح مايولد

تعبت أمشي وأنا ضامي وأجرجر قيدي المكسور
ورى طيف يناديني وإذا قربت منه أبعد

أبي أدخل سنا حلمك ويصفق بابه المقدور
بوجهي والطريق اللي يوصلني لسماك انسد

حياتي موجة آمال رمتها الريح فوق صخور
أنا واياك مثل بسمة رجا ماتت وهي بالمهد

رجيتك تحريقين أسمي ينور ليلك المكدور
(وهلا بالوت إذا بموتي أحب الناس لي يسعد)



عبدالعزيز بن محمد العسكر
الرياض