االزعيم الهلالي
08-01-2012, 02:40 PM
الأمير عبدالرحمن بن مساعد أحدث فرق وتغيير في الرياضة السعودية وعزز الكثير من الثقافات اللتي كانت مغيبه وأقدر اقول انه شكل نقله مميزه في كرة القدم السعودية بشكل عام .. نعرف إيجابيات هذا الأمير جيداً لكن تبقى سلبيته أنه في عهده أصبح الهلال جدار قصير ومن الكثير !!
ياسر القحطاني وهتافات الجماهير ضده وأدري إدارة الهلال حاولت حمايته لكن ما قدرت أو اكتفت بأن الاتحاد السعودي لم يصدر عقاب !!! وطلعت والله حنا ارسلنا خطاب للاتحاد السعودي وقدمنا شكوى !! طيب وبعدين وش صار ؟؟ الهتافات مستمره لدرجة انها اصبحت عاديه تسمعها في كل ملعب وتستغرب ملا تحضر مباراه فيها جمهور منافس كثير ولا تردد هذه الهتافات !!
رادوي كلنا نعرف انه رفض يستمر بسبب المضايقات اللتي يتعرض لها !! وإدارة الهلال ما قدرت تحميه !!
قضية اصبع إيمانا وصحيفة هاتريك !! وش صار على الشكوى ضد الصحيفة ؟؟ آخر ما نعرفه ان المحامي بيرفع عليهم قضية أو شكوى في وزارة الاعلام !! طيب وش صار على الشكوى ؟؟ هل فعلا تقدم محامي الهلال بشكوى رسمية ضد الصحيفة ؟؟ حنا جمهور من حقنا نعرف ونتابع اخبار القضية !! ليش الشفافيه هنا معدومة !! وبسبب هالشيء طلعت الاتهامات ضد الهلال بأنه خلف هروب المصور وبأنه خلف اغلاق القضية من الاتحاد السعودي !! طيب ليش نحط أنفسنا في هالموقف ؟؟ ياخي سامحتهم عادي علمنا قدمت الشكوى رسميا في الوزارة علمنا بعد !!
الآن صحيفه سبق تتهم لاعبين الهلال بالسكر وانه هو سبب الحادث !! وكل ما أخشاهـ يطلع لنا ابوفيصل ويقول المحامي بيرفع عليهم شكوى ثم ينتهي كل شيء !!
ما يصلح الكلام فقط لازم يتبعه فعل وتطبيق لما قلته ، بتقدم شكوى يعني خلاص رح قدم شكوى ثم اعلن انه اليوم تم تقديم الشكوى وان الجلسة في موعد كذا وكذا .. الشفافيه هذه تعطيك اصلا قوة وتخلي الاعلام اللي يتطاول على الهلال يبلع لسانه ولا ينشر اي خبر ما يعرف صحته !!
لكن للاسف ما فيه أي حمايه وحتى الاعلام الهلالي نايم إلا من رحم ربي وحتى اغلب من رحم ربي تحصله زابن في زاويته الاسبوعيه ما يطلع منها !! يا ابن الحلال تراك في عام 2012 لازم تطلع في برامج فضائيه لازم تتعايش مع النقلة الاعلاميه !! طيب من بيدافع عن حقوق الهلال اعلاميا ؟؟
رجل واحد من الاعلاميين الهلاليين هو اللي ما يندرج اسمه فقط وتخيل شخص واحد فقط من الاعلام الهلالي كله وهو عادل التويجري وإن كان العتب عليه بأنه حصر نفسه في برنامج أكشن فقط !! كنت اتمنى اشوفه في كورة وفي الملعب وفي مساء الرياضية بدال خلف ملفي اللي ما تتناسب حياديته مع تعصب الضيوف الآخرين
ارجع لبداية كلامي يجب على الأمير عبدالرحمن بن مساعد أن يفكر في حماية حقوق الهلال بشكل فعلي ونشوفه على أرض الواقع !! ما نبي تطلع وتقول سوف نشتكي !! شكرا الله يجزاك خير نبي بعد ما يروح المحامي ويقدم شكوى رسمية في وزارة الاعلام تطلع بيان من المركز الاعلامي وتقول اليوم قدمنا شكوى ضد الصحيفه الفلانيه لانها قامت بـ كيت وكيت !! اما سوف نفعل ومجرد امتصاص غضب لا أكثر ولا اقل ثم يعود صحفي آخر يتطاول على الهلال ويخرج صحفي آخر بعده وانت في كل مره سوف وسوف !! نبي نشوف تحرك فعلي لحماية الهلال ونجومه من أي تطاول !!
ياسر القحطاني وهتافات الجماهير ضده وأدري إدارة الهلال حاولت حمايته لكن ما قدرت أو اكتفت بأن الاتحاد السعودي لم يصدر عقاب !!! وطلعت والله حنا ارسلنا خطاب للاتحاد السعودي وقدمنا شكوى !! طيب وبعدين وش صار ؟؟ الهتافات مستمره لدرجة انها اصبحت عاديه تسمعها في كل ملعب وتستغرب ملا تحضر مباراه فيها جمهور منافس كثير ولا تردد هذه الهتافات !!
رادوي كلنا نعرف انه رفض يستمر بسبب المضايقات اللتي يتعرض لها !! وإدارة الهلال ما قدرت تحميه !!
قضية اصبع إيمانا وصحيفة هاتريك !! وش صار على الشكوى ضد الصحيفة ؟؟ آخر ما نعرفه ان المحامي بيرفع عليهم قضية أو شكوى في وزارة الاعلام !! طيب وش صار على الشكوى ؟؟ هل فعلا تقدم محامي الهلال بشكوى رسمية ضد الصحيفة ؟؟ حنا جمهور من حقنا نعرف ونتابع اخبار القضية !! ليش الشفافيه هنا معدومة !! وبسبب هالشيء طلعت الاتهامات ضد الهلال بأنه خلف هروب المصور وبأنه خلف اغلاق القضية من الاتحاد السعودي !! طيب ليش نحط أنفسنا في هالموقف ؟؟ ياخي سامحتهم عادي علمنا قدمت الشكوى رسميا في الوزارة علمنا بعد !!
الآن صحيفه سبق تتهم لاعبين الهلال بالسكر وانه هو سبب الحادث !! وكل ما أخشاهـ يطلع لنا ابوفيصل ويقول المحامي بيرفع عليهم شكوى ثم ينتهي كل شيء !!
ما يصلح الكلام فقط لازم يتبعه فعل وتطبيق لما قلته ، بتقدم شكوى يعني خلاص رح قدم شكوى ثم اعلن انه اليوم تم تقديم الشكوى وان الجلسة في موعد كذا وكذا .. الشفافيه هذه تعطيك اصلا قوة وتخلي الاعلام اللي يتطاول على الهلال يبلع لسانه ولا ينشر اي خبر ما يعرف صحته !!
لكن للاسف ما فيه أي حمايه وحتى الاعلام الهلالي نايم إلا من رحم ربي وحتى اغلب من رحم ربي تحصله زابن في زاويته الاسبوعيه ما يطلع منها !! يا ابن الحلال تراك في عام 2012 لازم تطلع في برامج فضائيه لازم تتعايش مع النقلة الاعلاميه !! طيب من بيدافع عن حقوق الهلال اعلاميا ؟؟
رجل واحد من الاعلاميين الهلاليين هو اللي ما يندرج اسمه فقط وتخيل شخص واحد فقط من الاعلام الهلالي كله وهو عادل التويجري وإن كان العتب عليه بأنه حصر نفسه في برنامج أكشن فقط !! كنت اتمنى اشوفه في كورة وفي الملعب وفي مساء الرياضية بدال خلف ملفي اللي ما تتناسب حياديته مع تعصب الضيوف الآخرين
ارجع لبداية كلامي يجب على الأمير عبدالرحمن بن مساعد أن يفكر في حماية حقوق الهلال بشكل فعلي ونشوفه على أرض الواقع !! ما نبي تطلع وتقول سوف نشتكي !! شكرا الله يجزاك خير نبي بعد ما يروح المحامي ويقدم شكوى رسمية في وزارة الاعلام تطلع بيان من المركز الاعلامي وتقول اليوم قدمنا شكوى ضد الصحيفه الفلانيه لانها قامت بـ كيت وكيت !! اما سوف نفعل ومجرد امتصاص غضب لا أكثر ولا اقل ثم يعود صحفي آخر يتطاول على الهلال ويخرج صحفي آخر بعده وانت في كل مره سوف وسوف !! نبي نشوف تحرك فعلي لحماية الهلال ونجومه من أي تطاول !!