فالح الشلوي
03-01-2005, 06:48 PM
رد على قصيدة اخوي ماجد بن حباب
آسف لتأخري لظروف يعلمها هو
بسم الله
بسم الله الرحمن مبداي باذكار = اذكار من يرسل طيور الابابيل
اللي على كل المخاليق جبار = ذكراه مشفاً للصدور المعاليل
جتني رساله عاجله عبر الاقمار = منزالها قسم الشعر في غرابيل
مضمونها شعراً تمثل بإشعار = ماتنتظر مني تروي وتأجيل
من واحدٍ ربعه لهم بالوفا شار = وله وسط صدري حشمةٍ واله تبجيل
له منزله وسط الحشا واله مقدار = ومانيب اساير من وراه الأقاويل
يامرحبا ماتلحق اكسور وأجبار = أعداد ما ترد السحاب المحاميل
واعداد مايجلس على النار سمار = جلسه نشاما ماتلم المهابيل
للصاحب اللي كم قطعت له مشوار = واحط داره نصب عيني ولا اميل
ويسوق لي ترحيب ياحي من زار = في دار ملفا للرجال الحلاحيل
صوت النجر , صف المعامل واوجار= والدله اللي لمت البن بالكيل
في مجلس ٍ تلقابه اصغار وكبار = يضرب بها المعنى وبدع التماثيل
واليا طلبته مايجي دونه اعسار = طبعه يفز ولا يهمه تهاويل
لا ملة الدله أشقر البن وأبهار = اشرب من الفنجال وأمرك تساهيل
قم يانديبي واعتنز رانج روف آر = رنجٍ جديد وصبغته صبغة النيل
كنه على دروب المطانيج مغوار = ومن سرعته ماتلحقه عين دربيل
والى استوى مايطرحه رصد رادار = ملعون من سواه وطوره للجيل
اليا وقف عادته ملفت للأنظار = واليا مشى فالارض مايثني الحيل
بين المواتر مشيته بالتمخطار = مشيات واثق مايهاب المقابيل
في جمب طبلونه مرصع بالأزرار = شئٍ اساسي وشيٍ من التكاميل
للـ D حطه من ورى الـ N والـ R = وبعطيك علم ورد لي المراسيل
أخذ الكلام ووجه الرنج لا ثار = وانصى ديار العاصمه بأول الليل
اقطع طريقك بالعزيمة والاصرار = وعطني العلوم وهاتها بالتفاصيل
سلم على ماجد وحنا له انصار = معه على دروب الرخا والبهاذيل
قله ترى صاحبك بالطيب مابار = حلال ومعقد كبار المحابيل
طب وتخير بالاصايل والامهار= وحنا نجيب ام العيون المكاحيل
نرخي له الدولار وان قال دينار = ماهمنا لو وصلتها مواصيل
وان كان ثار نقول حنا اهل الثار = عاداتنا وسيوفنا له مساليل
هذي دروب العز يانسل الاحرار = لا ينثني عزمك ودونك مشاكيل
,,,
,,
,
فالح الشلوي
آسف لتأخري لظروف يعلمها هو
بسم الله
بسم الله الرحمن مبداي باذكار = اذكار من يرسل طيور الابابيل
اللي على كل المخاليق جبار = ذكراه مشفاً للصدور المعاليل
جتني رساله عاجله عبر الاقمار = منزالها قسم الشعر في غرابيل
مضمونها شعراً تمثل بإشعار = ماتنتظر مني تروي وتأجيل
من واحدٍ ربعه لهم بالوفا شار = وله وسط صدري حشمةٍ واله تبجيل
له منزله وسط الحشا واله مقدار = ومانيب اساير من وراه الأقاويل
يامرحبا ماتلحق اكسور وأجبار = أعداد ما ترد السحاب المحاميل
واعداد مايجلس على النار سمار = جلسه نشاما ماتلم المهابيل
للصاحب اللي كم قطعت له مشوار = واحط داره نصب عيني ولا اميل
ويسوق لي ترحيب ياحي من زار = في دار ملفا للرجال الحلاحيل
صوت النجر , صف المعامل واوجار= والدله اللي لمت البن بالكيل
في مجلس ٍ تلقابه اصغار وكبار = يضرب بها المعنى وبدع التماثيل
واليا طلبته مايجي دونه اعسار = طبعه يفز ولا يهمه تهاويل
لا ملة الدله أشقر البن وأبهار = اشرب من الفنجال وأمرك تساهيل
قم يانديبي واعتنز رانج روف آر = رنجٍ جديد وصبغته صبغة النيل
كنه على دروب المطانيج مغوار = ومن سرعته ماتلحقه عين دربيل
والى استوى مايطرحه رصد رادار = ملعون من سواه وطوره للجيل
اليا وقف عادته ملفت للأنظار = واليا مشى فالارض مايثني الحيل
بين المواتر مشيته بالتمخطار = مشيات واثق مايهاب المقابيل
في جمب طبلونه مرصع بالأزرار = شئٍ اساسي وشيٍ من التكاميل
للـ D حطه من ورى الـ N والـ R = وبعطيك علم ورد لي المراسيل
أخذ الكلام ووجه الرنج لا ثار = وانصى ديار العاصمه بأول الليل
اقطع طريقك بالعزيمة والاصرار = وعطني العلوم وهاتها بالتفاصيل
سلم على ماجد وحنا له انصار = معه على دروب الرخا والبهاذيل
قله ترى صاحبك بالطيب مابار = حلال ومعقد كبار المحابيل
طب وتخير بالاصايل والامهار= وحنا نجيب ام العيون المكاحيل
نرخي له الدولار وان قال دينار = ماهمنا لو وصلتها مواصيل
وان كان ثار نقول حنا اهل الثار = عاداتنا وسيوفنا له مساليل
هذي دروب العز يانسل الاحرار = لا ينثني عزمك ودونك مشاكيل
,,,
,,
,
فالح الشلوي