المساعد الشخصي الرقمي

مشاهدة النسخة كاملة : الواثق اقلط لاهنت؟؟؟؟؟؟؟


محمد السليس
01-01-2005, 05:38 AM
اخى واستاذى الواثق ودنا بها الطاروق طال عمرك



ياسلام الله على الواثق وكلن في محله = ردتن غرا تشادى البرق في غر السحابي

انت نجمن شاع صيته واعتلى مثل الاهله= بس في نص الشهر يانجم سجللك غيابي
بعيد المراميس
01-01-2005, 02:32 PM
سجل لك غيابي

الله الله يابو علي

طاروق كايف يالذيب وشهادتي فيك مجروحه

متابع وماسك الصف من شانك لو اني مزكوم لاكن تكرم عينك

وبأنتظار استاذنا الوثق

وكلي ثقه بأنها سوف تكون محاوره من الطراز الاول


دمتم بخير


بعيد المراميس
محمد السليس
01-01-2005, 07:10 PM
استاذي ابوجسار

هالشهادة من رجل وشااعر بحجمك وساام اعتز به

ووجودك فى صفي نومااس

(جعل المرض فينى ولا فيك)

لاخلاااااااااااا ولاعدم
زابن الدوسري
01-01-2005, 08:28 PM
اخي العزيز الشاعر

محمد السليس

مرحبا تراحيب المطر والمحاوره معك شرف

صح لساااانك على الطاروق والبيوت الجزله

اخي بعيد المراميس لاهنت يالغالي

مرورك له طابع خاص ،،،،




مرحباً ترحيبةٍ بيضا نظيفه مسفهله = بالرجال اللي مواقفهم كما بيض الثيابي

انت شاعر فيلسوف ولك مع اهل الطيب مله = تعرف الدنيا تمشينا على سود الركابي
الأميرة الناعمة
01-01-2005, 11:52 PM
الله الله

متابعين معاكم

:ندو:
أبوعبدالرحمن
02-01-2005, 12:00 AM
الله الله


قمتان من قمم غرابيل



صحت القلوب والالسن


وسنتابعكم بكل تاكيد
نايفة شمر
02-01-2005, 02:05 AM
ياسلا1111111م



يالله متابعين بس بدون تأخير علينا
محمد السليس
02-01-2005, 05:00 AM
اخى واستاذي الكريم صح بدنك ولاهنت طال عمرك

واستلم الله يحييك


البقابك عد ماخيل من المنشا وهله= وامتلت منه الفياض وخضرن منه الروابي

ويش حكم معزبٍ ماجاب للضيفان دلــه= افتنا ياشيخنا واذهن بفتوانا تحابي
محمد السليس
02-01-2005, 05:04 AM
حساسة

يااهلا ويااغلا

عشق ليل

ابودااحم

مرحبا تراحيب المطر وصح بدنك يالقرم

وعسانى ماخلا

نايفة شمر

ولايهمك بس لو يحدد اخوى الواثق شوى وقت تواجده

تواجدنا ان شاء الله معاً واستمتعنا واستفدنا وتميناها ان شاء الله
أبوعبدالرحمن
02-01-2005, 09:39 AM
ويش حكم معزبٍ ماجاب للضيفـان دلـه
افتنا ياشيخنـا واذهـن بفتوانـا تحابـي


الله الله


افتنا يابوسطام


صح قلبك يامحمد
طرقي هوى
02-01-2005, 12:05 PM
والله واجتمعتوا ياكبار وشوقتونا

لمتابعة اروع مايمكن متابعته من فنون المحاوره0

استمروا وكلنا صفوف 0


ملاحظه0 الحق والحق يقال0 ما ينقص محاورتكم شي

من جميع شروط المحاوره الرائعه0 لاكن لو يكون فيه

تقارب في الزمن بين البدع والرد والفتل والنقض0 ولا الحلو مايكمل على قولهم
طيف الوله
02-01-2005, 12:11 PM
صراحه ابداااااااااع وقمم شعريه تلاقت وسنستمتع بكل تاكيد

صحت القلوب
زابن الدوسري
02-01-2005, 06:35 PM
السلام عليكم ورحمة الله وبركاته

اولاً اشكر كل من مر هنا وهذا شرف لكل شاعر

ثانياً صحيح كلام اخوي طرقي الهوى لازم يكون هناك توافق

بين الشاعرين بالنسبه بالوقت ولهذا سوف احنفظ بالرد حتى وجود

اخي الشاعر محمد السليس اذا لم يكن لديه ظروف الموعد يكون

الساعه العاشره الليله..

لكم مني اطيب تحيااااااتي
محمد السليس
02-01-2005, 07:25 PM
عشق ليل

ياامرحباا تراحيب المطر

وصح بدنك ولاهنت

طرقي هوىىىىىىىىىىىىىى
يااهلا بك من الممشاا الى الملفااا ياستااذي الكريم

وتمون وتاامر طاال عمرك


طيف الوله ياااهلااااااااا وياامرحبااا يالسناافيه

وحضورك مكسب وتشريف


استااذي الكريم الوااثق

انت تفصل واناا البس طاال عمرك

ووالوعد بأذن الله الليله السااعه العااشره

ولاهنت ولاهاانو اللى شرفونااا

اخوكم

محمد السليس
محمد السليس
02-01-2005, 10:01 PM
الليل
زابن الدوسري
02-01-2005, 10:10 PM
هلا ياخوي محمد

صح لسانك يالجزل
مستعجل هههههههههههه

طحنا في صلاة الرجال

ابشر


لايقول الضيف ميت جوع زاده ماحصله = لين يعطونه قراه وفوقه السمن العرابي

المعزب قال ضيف البيت عود يستحله = والمثل قد قال اهل مكه يعرفون الشعابي
زابن الدوسري
02-01-2005, 10:22 PM
حساسه

عشق ليل

نايفة شمر

طرقي الهوى

طيف الوله

لاهنت على المتابعه الغاليه وهذا شرف لاعدمناكم

لكم تحياااااااتي،،،،،
محمد السليس
02-01-2005, 10:26 PM
صح بدنك يالذيب


والظاهر اللى ورط بصلاة ولدعمه اناا هههههههههههههههههه

واستلم لاهنت يالقرم


انت من شمر وشمر فيهم الراضه جبله = يومهم باسبوع والعالم تبي قبس وشهابي

كان تبغي الحكم سل السيف يابن ذياب سله = وان تثاقلت الخطا ياصاح قلنا للذهابي
أبوعبدالرحمن
02-01-2005, 10:28 PM
المعزب قال ضيف البيت عود يستحله = والمثل قد قال اهل مكه يعرفون الشعابي

الله

الله


صح قلبك يابوسطااام


وننتظر ولد العم
أبوعبدالرحمن
02-01-2005, 10:31 PM
انت من شمر وشمر فيهم الراضـه جبلـه
............... يومهم باسبوع والعالم تبي قبس وشهابـي


صح لسانك يالسليس


والواثق دوسري وانا ولد عمك
محمد السليس
02-01-2005, 10:33 PM
اليل محياا

عانى فتحت على نفسي مشروع تحلية ميااه جده
زابن الدوسري
02-01-2005, 10:42 PM
ولد عمه ماعرفه ههههههههههههه

صح لساااااانك يالذيب



ياوسيع العرف لاتسري بدربٍ ماتدله = ليه ضيعت الوسوم وخالط الظـلمى ضبابي

لو مشيت الدهر كله لو عديت العمر كله = خل سيفك في غماده لاتعزوى يالشبابي
أبوعبدالرحمن
02-01-2005, 10:46 PM
هههههههههههه

الله يعينك
طيف الوله
02-01-2005, 10:48 PM
هههههههههههههههههههه خلووووها والله وزانت المحاوره

صحت القلوب
أبوعبدالرحمن
02-01-2005, 10:50 PM
لو مشيت الدهر كله لو عديت العمر كله = خل سيفك في غماده لاتعزوى يالشبابي


صححح يابوسطام


ومازلنا متابعين
زابن الدوسري
02-01-2005, 10:54 PM
عشق صح بدنك يالغالي على مرورك وتشرفنا

ههههههههههههههههههه

بس ليه تعلم محمد كان خليتني شمري ولي الشرف

طيف الوله صح بدنك يالغاليه على حضورك الرائع

تحيااااااااتي،،،
محمد السليس
02-01-2005, 10:58 PM
اشوى اثرك من بيم صلاة الشيبانى هههههه اللى خلى المأمومين فالسجود وهو الامام

ومانى بمعلمك وش سوى هههههههههههههه

وصح لسانك يالقرم واستلم


من غدى بين النشاما يارجل ماجاب خله = والسيوف الحدب تذبح فالصدور وفالعلابــى

اخذ راى اللى يبا الدوله باهلها مستقله = مايبا نجمٍ يطيح من السما وسط الترابي
محمد السليس
02-01-2005, 11:03 PM
هلا وغلا يا ابو دااحم

ولاتخليني ثانى مره الى شاافتنى جبت العيد

تغانمنى

ههههههههههههه لاخلا ولاعدم

طيف الوله هلا وغلا

ومروورك تشريف وتكريم

والوااثق والله والف نعم بشمر وبألاد زايد

ولاهنت ياكحيلان
زابن الدوسري
02-01-2005, 11:15 PM
ههههههههههههههههههههههههه

هذي معلومات خاطئه

صح لسااااااانك يالقرم

واستلم الله لايهينك



الخطا بين النشاما مايعد حساب زله = لاتناطح للسيوف الحدب ياراعى الجنابي

انت وش علمك تجيب صرار مدفون وتفله = تبغي تحاسب على الدنيا قبل يوم الحسابي
زابن الدوسري
02-01-2005, 11:19 PM
اخوي محمد ماعليك زود ونعم والله بكل القبايل

صح بدنك وصح لسااااانك ياذيبان

تحيااااااااتي
أمل عبدالعزيز
02-01-2005, 11:35 PM
0
0
الله الله صح لسانكم وصحت قلوبكم ...........

متابعة لكم بكل سعادة ..............
محمد السليس
02-01-2005, 11:37 PM
صح بدنك ولاهنت هههههههههههه

وانا بديت اخور الظااهر

مير الله يعين هههههههه

واستلم لاهنت


اثر ابو سطام يلعب لو ولا حىٍ فطنله = مير جا والله جابه بين ضرس وبين نابي

ماعطيتك شي غير ابخصبه ادقاقه وجله = واتغداابك قبل ياصاح ما تنوى العشابي
محمد السليس
02-01-2005, 11:41 PM
اخوى الواثق يعلم الله مادريت انك انهيتها

انا من قريت ردك واناا مسون رد على الموضوع

ويعلم الله انى ابي الطلقه

ههههههههههههههههههههه

مير صح لساانك وجااد بناانك


والف نعم فيك وفي كل الرجال من الحماايل اللى مثلك وشروااك


@@@@@@@@@@@@@@@@@@@@@

وحياالله اختى الرهيبه


وصح عمرك ولاهنتى

ومشكوره على هالمرور العذب والعااطر
زابن الدوسري
03-01-2005, 12:01 AM
صح لسااااانك مهوب الظاهر تبي توهقني

هههههههههههههههههه

استلم الله لايهينك




كان طعت الشور غير يمتك والفرض صله = انت ذيب ماتعشي من ورى ذيك الهضابي

بالمحيط الاطلسي علم ولاتقدر تحله = لاتلفت في حلال الربع يامال الرّعابي
زابن الدوسري
03-01-2005, 12:07 AM
اخي الشاعر الجزل /محمد السليس

انا مانهيتها على شان هذا رديت ومادريت عن ردك الاخير

الله يبيض وجهك وانا استفيد مع اللي مثلك وشرواك

ماعليك زود يالقرم ..والنعم بالجميع كلهم

الرهيبه لاهنتي على مرورك الغالي يالغاليه

ولاعدمنا الجميع

تحيااااااااتي
أبوعبدالرحمن
03-01-2005, 12:42 AM
صحت قلووووووووووبكم

وصراحة يوم قلت عنكم قمتان من قمم غرابيل كنت متاكد انها محاورة بتكون راقية بكل المقاييس
نايفة شمر
03-01-2005, 01:04 AM
ياسلا11111111م


لاعدمناكم


محاوره في قمة الاحترام والذووق


تسلموووووووون
زابن الدوسري
03-01-2005, 05:48 PM
مشكور اخوي ..سعد

صح بدنك ولاهنت

القمه هو مرورك الغالي وتشجيعنا

عزيزتي ..نايفة شمر

الله يسلمك

الذوق كلماتك الراااااااااااائعه ياراااااااائعه

لاعدمناكم،،،،
محمد السليس
03-01-2005, 10:21 PM
الواثق لاهنت ياا استااذي وصح لساانك وصح بدنك طال عمرك

استمتعت واستفدت بمحااوره شااعر بحجمك

وداام خواك


ابو دااحم صح بدنك ولاهنت يالقرم

ناايفة شمر

يااهلا ويااغلا

وصح بدنك يالسناافيه

ولاهنتووووووو جميعااً