## نبي طرق تضبيط الفصل ##

[حواء غرابيل]

السلام عليكم :eh_s(7):

بما ان العضوة النشيطة بنات حواء ما قصرت وحطت لنا مواضيع عن طرق التدريس

هم نبي بعد طرق لتضبيط الصف

خل اشرح لكم عن صف من صفوفي

انا ادرس 3 صفوف صفين من اروع واحسن من يمكن فيه شطانه بس يكونون بنتين ثلاث بس

اما واحد فيهم فيه 6-7 بنات شطانه والحلو ان مو بس انا اللي اشتكي من الصف انما كل معلمات الفصل

خل اقول لكم اشلون

جربت الخز ورفع نبرة الصوت ماكو فايده

جربت نظام تنقيص الدرجات وهم ماكو فايده

جربت اوديهم للاداره والمدرسه الاولى يوم يومين وارجعو على نفس الحاله

جربت نظام المكافئات مافي فايده

جربت احطهم مع مجموعه البنات الشطار ولا في فايده صارو الشطار بعد نفسهم :eh_s(10):

وهم جربت اسلوب الشده والمسايس بس لا فائده:eh_s(14):

الصف فوضى مو طبيعيه كل ما اطلع منهم قلبي يعورني وكل ما ادش عليهم حصه الابله اللي قبلي تقول لي الله يعنيج عليهم فوضى فوضى بمعنى ما تحمله الكلمه من معنى

وأصواتهم مزعجه وعاليه ومحد قادر عليهم

أبي اعرف شنو الطرق اللي نقدر نضبط فيه الفصل غير اللي ذكرته

للعلم هم طالبات ثانويه