خواطيبي اكثروا وخايفه من الزواج

[حواء غرابيل]

السلام عليكم ورحمة الله وبركاته


بدش بسالفتي على طول ابي اللي مر باللي امره او عنده تفسير يساعدني

انا من اول ما طلعت من العده

جوني خواطيب

الاول كان من قبيلتي مطلق وعنده 3 اطفال وجارتهم موصيها تدورله وحنا نعرفها

ولما سالنا انا وامي عن سبب الطلاق قالت انه موصيها انها تقول لاي وحده تلقاها مناسبه انه زوجته ام عيال خانته وعنده برنتات والظاهر خيانة تلفون

كشينا انا وامي ورفضنا لان جذي يشهر بام عياله وباجر الناس تعاير عياله بامهم حرام اللي يسويه

عقبها جاني واحد من نفس قبيلتي بس من فخذ ما نعطيهم ومافيهم شي اوادم وبيتهم قريب مننا

الرجال مطلق وعنده ولد وعمره مناسب قلنا لابوي قال لا اصلهم مايصير نعطيهم

عقب جاني هم من نفس قبيلتي واحد امه واخته يدورون له متزوج وعنده 3 اطفال

وعذره انه يتزوج على مرته هو اصابتها بالصرع طبعا انا معارضه فكرة اخذ متزوج وهم صراحه حسيته نذل هو من اول ماخذاها وهي فيها صرع وجاب 3 اطفال توه يتضايق من هالشي ويقول بتزوج شكله يبي ينوع وبس

وبعدها جاني واحد من قبيله ثانيه مطلق وعنده 5 اطفال وعمره 40 تمام وعنده 5 اطفال وبيته الحكومه مقسوم بالنص بينه وبين طليقته ام عياله وطبعا المحكمه حاطه لها سايق وخدامه ونفقه وحضانه فاخته تقول 3 ارباع معاشه ماكله طليته وعيالها ويبيني اسكن مع اهله بشقه او كيفي اذا ابي اسكن ببيته لان نصه له

طبعا خفت ورفضت مع انه سمعته زينه واخلاق

خفت يكون ظالم زوجته الاولى يعني عقب عشره طويله و5 اطفال توه تطلع فيها عذاريب

المهم بعدها جاني واحد من قبيله هم ثانيه مطلق مرتين الاولى بنت عمه واخته اللي تخطب تقول انه بنت عمه ونبيها ومافيها شي بس هو مابغاها وطلقها

والثانيه جابت له ولد وبنت وامها ارمله وام بنات ومتعودات هالبنات يعتمدن على ارواحهن بسواقه وكل شي

وعذره انه طلق امه عياله انه كل يجيمايلقاها وتطلع ماتستاذن وكله تقعد ببيت اهلها

المهم

انا كنت بستخير وجذي وامي خذت الاسم وراحت تسال عنهم عند خوالي وقالولهم اصيلبين

بس شوفوا اسالوا عن الرجال وعقبها المراه اتصلت بعد 5 ايام وكنت بهالوقت افكر

الا امي رفضتهم

وقلت لها يمه ليش

قالت رجال مطلق حرمتين والاولى ظالمها وماسوت شي هم انتي يمكن تاخذين وماتسوين شي ويطلقج وانا اخاف عليج هذول اجناب وجنوبات مانعرف شنو طبعهم

وخلاص قلت يلا نصيب واهم شي رضا الوالدين وعادي مشيتها

المهم

بعدها جوني 2 عزابيه

واحد اصله ماعرفناه اصله مو واضح والثاني وحيد امه ودوامه بالحفر ويبيني اروح االحفر اسكن وانا اهني مرتبطه بجامعة الكويت ما اقدر اروح هناك

وبعدها انصدم بوحده من معارفي تخطبني لزوجها عشان هي ماتجيب عيال وعشان انا مو عوبه بنظرها

وانا ماحبيت سالفة ادش على مراه حتى لو هي راضيه وهي تخطب

ورفضت مع الحاحها وتحاول تقنع فيني بس انا مو حابه بالله ماجبت عيال شنو مصيري بيكون وما اعرف صراحه لمجاور الحريم



ما ادري انا لما كنت بنت ماكنت ادقق حيل وعادي الحين صايره خواااااااافه

هل ممكن يكون سحر او شي مخليني اكش واخاف

لان حمولتي اللي تركتها اسمع عنهم انهم دجالين خاف مسوين لي شي يخليني اكش من الخطاب

لان ان جاني خطيب اخاااااااااف حيل

مدري هالشي طبيعي او انه محطوط لي بلا

وشكرا