ابطلبه الرضاء

[شاهر الشرهان]

الاْخوه الاْعزاء

جميع رواد هذا المنتدى الراقي بمسئوليه وزواره

السلام عليكم ورحمة الله وبركاته.

بعد غياب خارج عن ارادتي ولاْبتعادي عن النت عامه.

حبيت اصافحكم بهذه الاْبتهاليه عساء ان تغفرلي غيابي عندكم وتحوز على رضاكم واْستحسانكم
...............









اببداء باسم من باسمه تضّرع طالـب الغفـران
عضيم الشان بالاكـوان محصـي دقّـه وجلّـه

ابطلبه الرضاء في عضمة الاءخلاص والاْحسان
يظلن في ظلاله يـوم لا ظـل(ن) سـوى ظلـه

الا سبحان من بامره وحكمه كل صعب(ن) هان
كريم الوجه ملجـاء خاشـع(ن) سبّـح وهلّلـه

الا يالله مـن غيـرك كفيـل بغلطـة الانسـان
واذا عبـدك تمـادى ياكريـم الوجـه تمهـلّـه

انا كلي خطايـا وانـت تدمـح زلـة الغلطـان
دخيلك عن ملـذّ النفـس كـان ابليـس سوّلـه

وعضمة وجهك الطاهر وما نزلـت بالقـرءان
انا المتمسـك العاصـي اذا طيـب نيتـي زلّـه

الا يالله تجعلّـي بواسـع رحمتـك مسـكـان
ولابـي لـذّة الدنيـا اذا كـثـره مـثـل قـلّـه

اذا الدنيا محابيل الزمـان وغطرسـة شيطـان
وحنـا يالبشـر مـا بيـن منحـلـه وحتـلّـه

نسينا وعدك القاطع بساعـة روغـة الاْذهـان
بيوم(ن) عضم هوله مـا شفـع للـي توسلّـه

تلاشا لـذة الدنيـا بعمـر(ن) كنـه الطوفـان
مثل لمح البصـر بابـن البشـر والـي يسجلّـه

الا يالله عساني مـن ثقـال الـروز بالميـزان
بيوم(ن) كل شخص(ن) يستجيـر بمـا توصلّـه

انا عبدك دعيتك وانت عفوك ياعضيـم الشـان
غفر لاْم الكبايـر يـوم باسمـه كبـد(ن) ابتلّـه

[طيف الوله]

الا يالله تجعلّـي بواسـع رحمـتـك مسـكـان
ولابـي لـذّة الدنيـا اذا كثـره مـثـل قـلّـه

اذا الدنيا محابيل الزمـان وغطرسـة شيطـان
وحنـا يالبشـر مـا بيـن منحـلـه وحتـلّـه

نسينا وعدك القاطـع بساعـة روغـة الاْذهـان
بيوم(ن) عضم هولـه مـا شفـع للـي توسلّـه


شاهر الشرهان وابداع يغفر لك الغياب

وروعة تجعلنا نبحث عنك دائما

وقصيده عانقت مشاعرنا بصدق حروفها وروعة ظروفها..اثارت فينا الرغبه بالبقاء هنا لعلنا نحظى بهذه اللحظات الروحانيه التي

توشحت بها حروفك

ما أجمل هذا البوح الراقي ...وهذه المعاني العظيمه

وهذا الحضور المتألق ابداعا

صح قلبك شاعرنا المبدع

[حنين نجد]

2


لي عووووووده

[عبدالرحمن الدوسري]

أخوي شاهرالشاعر
صح لسانك على هذه القصيدة الرائعة
الله يغفر لك ولنا ولجميع المسلمين
لا عاد تقاطعنا طال عمرك وتحرمنا من جديدك

[أبوعبدالرحمن]

شاهر الشرهااان

قلم نشتاق له اذا غاب عنا

وننطرب اذا نثر فيض احاسيسه وعذب قوافيه على صفحات غرابيل


صح قلبك وفكرك اخي

واهلا بك مجددا

تحيتي لك

[عبدالله العلي]

ابطلبه الرضاء في عضمة الاءخلاص والاْحسان
يظلن في ظلاله يـوم لا ظـل(ن) سـوى ظلـه

الا سبحان من بامره وحكمه كل صعب(ن) هان
كريم الوجـه ملجـاء خاشـع(ن) سبّـح وهلّلـه



صح لسانك يابو سلطان وقصيده مناجاة رائعه نسال الله ان يتقبلها منكم ....





ابداع وربي ابداع ....

[فهد بن عبدان]

الشرهان



الله يرفع مقامك


جزله جزله

[شيخ اااالشباب]

صح لسانك شاهر

بيض الله وجهك

والله يعفوا عن الجميع

جزله من راس مايجيب الا الجزل

اخوك

[تركي السبيعي]

صح لسانك شاهر

بيض الله وجهك

والله يعفوا عن الجميع

جزله من راس جزل

اخوك

[خــــالـــــد]

شــــــــــاهر الشرهــان

.
.

بيض الله وجهك ,, وصح لســانك

جميـل جـــــداً ما كتبت لنـــــا

شاعر مميـــز ,, أشكرك





أخوكـ / خالد

[عمر البايح]

شاهر الشرهان


صح لسانك اخوي شاهر

والحمد لله على السلامه

تحياتي وتقديري

القلب العديم

[ديمة الشوق]

السلام عليكم


اخى العزيز شاهر الشرهان


صح لساانك ولا هنت


اختك ديمة الشوق

[مُذهِلــــة]

شرهان الشرهان هلا فيك وحياك الله معنا مجدداً

وعوداً حميداً بإذن الله

جميلٌ أن يكون صوت الشعر هو مناجاة الخالق جل شأنه

ورائع الإبداع حينما تكون عباراته توسلاً إلى الله تعالى

بليغة هي الكلمات التي تكون موجهة للمدبر و المتصرف في هذا الكون الفسيح

قصيدة أبدعت فيها فقد لامست القلب ، خطاب ومناجاة الرحمن أثمن ما في الوجود

التقرب إلى الله تعالى غاية كل عبدٍ منا

كلمات صادقة صغتها لنا بحروفٍ عذبة وبوحٍ شجي

أبيات نطقت بالنصح والإرشاد والحكمة

صح لسانك ودمت لنا لك مني ومن الجميع أطيب و أرق تحية

[شاهر الشرهان]

طيف الوله

مرورك واشادتك وسام على صدري

تسلمين اختي ولكي مني جزيل الشكر

تحياتي طيف
..........

[شاهر الشرهان]

حنين نجد

تسلمين اختي على اشادتك بمتصفحي

صح بدنك الله لا يهينك

تحياتي اختي
......

[شاهر الشرهان]

حزين الحرف

تسلم على مرورك يالشهم

وصح بدنك الله لا يهينك

تحياتي اخوي
......

[شاهر الشرهان]

عشق ليل

اشادتك فخر لي ولمتصفحي

تسلم الله يطول بعمرك

صح بدنك اخوي
........

[شاهر الشرهان]

سيف الاسماء

الف شكر على مرورك وتعقيبك

تسلم يالغالي

تحياتي وودي
..........

[زابن الدوسري]

الله عليك يابو سلطان

هطول كالعاده وابدااااااااع لايستغرب

من شاعر بحجم شاهر الشرهان المبدع

قصيده مليئه بالحكمه والخشوع لوجه الرب عز وجل

صح لساااااانك اااالف مليااااااار ولاتكفي

وتقبل مني كل التقديري والاحترااااام،،،،،

[عبدالرحمن الجبابرة]

القصيدة ذات قيم نبيلة وأهداف جميلة

تميّزت بالغرض منها وهو مناجاة الخالق سبحانه

صح لسانك أخوي شاهر

[العقيدي]

شاهر الشرهان
يحقد لك تختطف الأضواء
قولك رائع وراقي وواقعي
صح الله لسانك
تسلم على ما فاضة به قريحتك
في شعرك نجد الحكمة والواقعية التي
لا نجدها عند غيرك من الشعراء

اذا الدنيا محابيل الزمـان وغطرسـة شيطـان
وحنـا يالبشـر مـا بيـن منحـلـه وحتـلّـه

نسينا وعدك القاطع بساعـة روغـة الاْذهـان
بيوم(ن) عضم هولـه مـا شفـع للـي توسلّـه

تلاشا لـذة الدنيـا بعمـر(ن) كنـه الطوفـان
مثل لمح البصر بابـن البشـر والـي يسجلّـه

..........
تقبل مني جل التحايا والتقدير
أخيك