إلى عبدالرحمن بن مساعد مع التحية || أرخ جيبك للاعبين المحلّيّين ، دفاع ملطشة = نتايج زفت .. دفاع شنبات = نتايج تطيب الخاطر

[االزعيم الهلالي]

http://farm2.static.flickr.com/1247/894895613_4ab976ae7a.jpg





للي راح يرد بدون لا يقرأ الموضوع أختصر لكم إياه .
دفاع الهلال زفت .. أشتروا مدافعين زي الناس .. أرخ الجيب يابو مساعد ..
إذا تبغى آسيا !



رسالة عتب من محب لعبدالرحمن بن مساعد والهلال .



http://4.bp.blogspot.com/__dRVZ3R1lss/TMAj-vybefI/AAAAAAAACZ8/zj96q4YQmW8/s1600/458692_129826_246500553.jpg


الفريق اللي يبغى ينافس على جميع البطولات .. لا لا خلونا نقول اممم الدوري وآسيا .
اللي يبغى ينافس على هالبطولتين لازم يرخي الجيب يابو فيصل :yes:

اللي يبغى ينافس فرق شرق آسيا وحتى غربها لازم تكون دكة البدلاء مثل الأساسيين .!
إذا كان الأساسي ماجد المرشدي وعبدالله الزوري .. كيف بتكون دكّة البدلاء ؟

كيف تبغى ننافس على البطولات وعندنا دفااااع شوارع زي الززفت يابوفيصل !
لا الأساسيّين ولا الإحتياط .. البيشي ونامي والزوري والفرج تتوقع راح يلحقون
الفرق اللي مستعدّه صح وعندها هجوم قوي ؟

الفرج والبيشي اللي ملطشوهم ياتارا ومدري منهو الثاني تبغاهم ينافسون ع بطولة
آسيا مع فرق مجهزة حالها ؟

الوضع أزمة يابن مسااااعد .. الدفاع عندنا والله وبالله أنه ماينافس على ولي العهد بهالسنة !

العام وقبله كان موجود لي يونج مع هوساوي وكنّا نهضمها ونبلع الأخطاء .
لكن السنة هذي كانت قاصمة ظهر البعير وظهورنا بعد :yes:

الدفاع يابو مساعد والله أهم من الهجوم أهم من أنك تدفع ملاين على مهاجم !
ليش الإتحاد أخذ دوري أبطال آسيا بكل سهولة ؟ لأن دفاعه كان جااااامد :yes:
ليه إيطاليا أخذت كأس العالم 2006 ؟ لأن دفاعهم كانوا شنب !
بعد ماراحوا وعجّزوا الشنبات طلعوا من الدور الأول بـ 2010 :s5s:


http://im4./2011-06-20/130855732791.jpg http://img.kooora.com/i.aspx?i=alaseed/koo_hma3az.jpg http://im4./2011-06-20/130855732791.jpg http://www.slaati.com/inf/contents/newsm/21273.jpg

وش يضر ياسمو الأمير لو تعاقدت مع عقيل بلغيث ولو كان بسعر مرتفع ؟
وش يضر لو أخذت حسن معاذ وياسر الشهراني بسعر مرتفع
مادام نتيجة الشغل حصد البطولات ؟

من بغى الدّح ماقال أح ياسمو الأمير .!

المحلّيّين أهم من الأجانب والله أهم من هرماش ومن وليهامسون ومن رادوي والعربي .!

المثالية الزايدة عن حدها ياعبدالرحمن بن مساعد والله ماراح تنفع الهلال .
بانادول ليه يقعد وهو من أضاع هيبة الهلال ؟!!!

والله شيء يقهر يقهر يقهر والله منقهر لأبعد درجة .!
الفريق يفوز بمجهوووووود اللاعبين وتقول حنّآ حاطين الثقة بالمدرب !

أي ثقة وأي خرابيط يا ريّسنا ؟


فوزنا على النصر وعلى نجران وعلى الأنصار وعلى هجر ماهو مطلبنا !
مطلبنا نفوز على ذوب آهان وعلى الفرق الكورية بآسيا ياطويل العمر.!

تقول الفريق بالصّدارة ليه الجماهير زعلانه من الفريق ؟
أرد عليك وأقول الدوري السعودي "ماعندك أحد" .!
أجل الشباب اللي يقاله مكسّر الدنيا بهالموسم نطلعه مع متعادلين ؟!!

والله راح ناكلها بآسيا وبنطلع من الدور الأول وأذكرك .

http://img.kooora.com/i.aspx?i=4_safi_only%2Falhilal%2Fplayerphoto-251.jpg http://www.almadaa.net/contents/newsm/2615.jpg http://img.kooora.com/i.aspx?i=4_safi_only%2Falhilal%2Fplayerphoto-115.jpg


ليه ما نخلّي ماجد الرشدي إحتياط أو نبيعه ونستفيد من مبلغه بجلب مدافع زي العالم ؟
محمد نامي وعبدالله الزوري وطقّتهم والله ماراح نآكل عيش بآسيا معهم !




ياجماهير الهلال .. أتركوووكم من العاطفة الزااائدة ! محمد نامي ممتاز
وأكثر من ممتاز على هجر وعلى القادسية وعلى النصر .!

الزوري والمرشدي والله لو تحطهم مع سدوس مانفعوا !

خلوا نسبة الأمل في أنهم يبدّعون قليلة .. لأنه السيء راح يبقى سيء مهما حصل
ومهما لقي من دعم من الإدارة ومن الجماهير ووو إلخ





مادري وش أقول يابن مساعد .. غير الله يعيننا ع هالموسم . :yes:








Yousef