~في غيبتك ماعاد صدري شمالي ~ ماجد بشيت

[حواء غرابيل]

مدخل :

تقول مشتاق ٍ وانا اقول مشتاق
انا بعد مثلك من الشوق طاير
ماشفت حالي يوم تطريلي فراق
ماغير افكر فيك ، واكحف زقاير

ماجد بشيت العازمي



السلام عليكم ورحمة الله وبركاته




يازين من بعدك ترا خاطري ضاق*
حتى قصيدي فيك ، ما سر حالي*
،،*
صارت حياتي بين حبري و الاوراق*
ياليت تدري ، بعدها وش جرالي*
،،
صاحبك غارق في همومه ولا فاق*
شوي ، لو قد قلت يا عزتالي *
،،*
متبدل ٍ شكلي وجسمي والاخلاق
مافيه شخص ٍ ف البشر ماحكالي*
،، **
الضيق والغربال ، ماهوب ينطاق
من غيبتك ،، ماعاد صدري شمالي*
،،
*وسؤالي اللي يبست فيه الارياق*
متى على الله ، نجتمع يا حلالي ؟ *
،،*
مشتاق ، ادري طول الايام مشتاق*
حالي ومتغير ولا هو ب حالي*
،،*
عشاق نبقى لو قضى الوقت عشاق*
غالي وتبقى عند غاليك غالي**
،،
تبي تعرف شلون حالي ب الاشواق*
اسهر مع طيفك طوال الليالي*
،،
ياحلو ليل ٍ نسهره قبل الافراق*
واليوم كل ماسهره طيفك قبالي
،،*
شاعرك ما ينلام لو خاطره ضاق*
في غيبتك ،، ماعاد صدري شماالي *
،، *


ماجد بشيت العازمي



مخرج :
ياغايبه ، لا تسأليني عن الحال
اضيق لامن صرت ماني ب حولك
واليا نشدتي عن سبب ضيقة البال
شاعرك له سنتين ،، ماشاف زولك

ماجد بشيت العازمي