الحلـــــــــــــــــــــ ــــــــم !!

[فهد بن عبدان]

أعضاء منتديات الغرابيل الكرام


اقدم لكم هذه القصيده عسى ان تنال اعجابكم


(( الحلـــــــــــــــــــــ ـــــم ))



الخبر سيطر على بث الدشوش = والوكالات أرسلت تبغى ضمان
انقهرت وبرفع الشكوى لبوش = وان تراخى بوصل الشكوى عنان
الحبيب أرسل على قلبي جيوش = استحلّتني ولا خلت مكان
اهجدتني وأظهرت كل امخشوش = وأحيت احساس اندثر قدله زمان
يوم شفت اللي ملامحها بشوش = مثل حور العين ترفات الجنان
في البدايه يسحرك طول الرموش = والعيون اشعاعها كله حنان
والعمر مهره ولابارت طروش = مابعد ركّب لها سرج وعنان
في شعرها ليل ونجومه نقوش = ينتثر من راسها حد الطمان
وخدها مرشوش بالجوري ارشوش = والشفايف ضمّت الدر الثمان
العذارى من نعومتها وحوش = لاتثنت مثل عود الخيزران
الوكاد أومت تبي ننصى الحوش = جلسة العذّال مافيها أمان
اتجهت وخافقي منها امخروش = والفضول يقول عجّل ياجبان
التقينا واللقا كلّه فشوش = ماوعيت الاّ على صوت الأذان
أثرني في واقع الأمر امغشوش = كل هذا حلم عشته في ثوان




أخوكم

فهد بن عبدان

[أبوعبدالرحمن]

العذارى مـن نعومتهـا وحـوش
............... لاتثنـت مثـل عـود الخيـزران

ياسلاااااااااام عليك يافهد


صح قلبك وفكرك


وسلمت اناملك على ماخطت لنا هنا



في البدايه يسحرك طول الرمـوش
................ والعيون اشعاعهـا كلـه حنـان

مبدع مبدع يافهد


لله درك

[حنين نجد]

2




حجزززززززززززززز


لي عوده

[مُذهِلــــة]

هلا فيك أخ فهد وحياك الله

حلم أكيد إن ما ودك إنك صحيت منه !!!!!!!!

تصوير في غاية الجمال والإبداع

أجدت في رسم عباراتك وتفننت في نظم حروفك

تلك الحروف التي جعلت من وصوف محبوبتك جيوش قوية ليس لك طائلة عليها

ولا تستطيع مقاومتها ولا الوقوف أمامها مهما بلغتَ من قوة

قصيدة جزلة جاءت إلينا بثوبٍ جديد

لك مني ومن الجميع أطيب و أصدق تحية

[تركي السبيعي]

العذارى مـن نعومتهـا وحـوش
............... لاتثنـت مثـل عـود الخيـزران

ياسلاااااااااام عليك يافهد


قصيده جزله من جزل


صح قلبك وفكرك





اتوقع هذا البيت فيه خطاء مطبعي طال عمرك

الوكاد أومت تبي ننصى الحـوش ,,,,,,,, جلسـة العـذّال مافيهـا أمــان


قصيده رائعه من شاعر لايختلف عليه اثنان

سلمت والله لايهينك

تقبل تحياتي وتقديري

اخوك

تركي

[عثمان العبدالله]

هلا وغلا بأخي الغالي والشاعر الكبير / فهد العبدان
الروعة والجمال والإبداع والتميز بغيرها لاترضى
أثرني في واقع الأمـر امغشـوش
كل هذا حلم عشتـه فـي ثـوان
واسمح لي بهذه المداعبه:
احتلامك يافهد من دون هوش
يفرض انك تغتسل قبل الآذان
ظني إنك كنت ساهر بالدشوش
ترقب الخفرات من شقر وحسان

صح لسانك وقلبك
تحياتي الطيبة

[مازن]

فهد بن عبدان

وعناق من نوع مختلف وبوح اكثر من رائع

ما اعذب تلك المشاعر التي نثرتها هنا

صح قلبك

تحياتي الخالصة لك

[طيف الوله]

الحبيب أرسل على قلبي جيـوش
استحلّتنـي ولا خـلـت مـكـان
اهجدتني وأظهرت كل امخشـوش
وأحيت احساس اندثر قدله زمـان

يا وقود الشعر تمنينا ان يطول هذا الحلم لنستمتع اكثر

فعلا رائع مبدع متألق

وقصيده( خوش خوش) فيها من المعاني الرائعه الشي الكثير سافرت بنا الى تلك اللحظات الجميله

صح قلبك شاعرنا صح قلبك

[عبدالرحمن الجبابرة]

صح لسانك أخوي فهد ابن عبدان

قصيدة غير


لك مني خالص الود والتقدير

[فهد بن عبدان]

الاخ العزيز



عشق ليل




هلابك ومسهلا




مرورك تشريف طال عمرك






اخوك

فهد بن عبدان

[محمد الدغيري]

العذارى مـن نعومتهـا وحـوش
لاتثنـت مثـل عـود الخيـزران
الوكاد أومت تبي ننصى الحـوش
جلسـة العـذّال مافيهـا أمــان


الله عليكـ رائع رائع

صح لـ سانكـ مليون


اسجل اعجابي

تحيه عطره
محمد الدغيري

[فيصل بن راجس]

اتجهت وخافقي منهـا امخـروش
والفضول يقـول عجّـل ياجبـان
التقينـا واللقـا كلّـه فـشـوش
ماوعيت الاّ علـى صـوت الأذان
أثرني في واقع الأمـر امغشـوش
كل هذا حلم عشتـه فـي ثـوان



الله الله الله



عليك يازين حلمك ليت كل شاعر يسوي سواتك




عشان يضهر البداع اخوي فهد صحححححح لساااااااااااانك



قصيده في منتهى الروعه و الجمال




تقبل تحياتي 00 فيصل بن راجس


00000000

[فالح الشلوي]

ابن عبدان




بيض الله وجهك


انا اشهد بالله انها قصيده


ومن شاعر متمكن



رسم لنا الأبداع في أحلى صوره



وخرجت لنا حروف كالجواهر



قصيده قرأتها اكثر من مره وكأنني أقرأها لأول مره



صح الله قلبك وفكرك يافهد



جزله من راس جزل



تقبل تحيات اخوك


فالح الشلوي

[نايفة شمر]

قصيدة متميزة بقافيتها ومعانيها صح لسانك يافهد


اختك نايفة شمر

[فهد بن عبدان]

حنين نجد



هلا بك ومسهلا




حجزك اوكي :)

[طلال الحافي]

فهد ابن عبدان



رأيي مسبق




ألف صح لساااانك يالذيب



ولا هنت

[فهد بن عبدان]

هلا وغلا يامذهله



مرورك اسعدني



عطّر المشاركه

[فهد بن عبدان]

هلا ياتركي



مرورك اسعدني




لاهنت

[فهد بن عبدان]

الطائر المهاجر



بيتينك ملغومه :)


لاهنت على المرور

[فرج حمد الشمري]

فهد

الله .. رائع في هطولك ورائع في حضورك ..صح الله لسااااااانك ....... تقبل صادق التحايا ..

[فهد بن عبدان]

وليف الهم





هلابك





مرورك اسعدني

[عبدالله السقيان]

فهد بن عبدان

معين من الشعر لاينضب

أبحث دوماً عنك لأنني اعشق الجمال

صح لساانك ملايييين . .

[زابن الدوسري]

الشاعر/فهد بن عبدان

قصيده جزله من راس جزل

كفيت ووفيت يالقرم

صح لسااااانك مليااااااار ولاهنت

تقبل تحياااااتي وتقديري،،،،

[عبدالله بن راجس]

الله عليك يافهد



دائم ماتجيب الا الجزل ياجزل




التقينـا واللقـا كلّـه فـشـوش
ماوعيت الاّ علـى صـوت الأذان
أثرني في واقع الأمـر امغشـوش
كل هذا حلم عشتـه فـي ثـوان



هذي المصيبه يافهد ذبحتنا الحلوم



تقبل تحيات اخوك



بن راجس

[المساعد]

صح لسانك والله


احلى حلم بصراحه

اخوي الغالي لا تحرمنا من جديدك

[فهد بن عبدان]

طيف الوله




هلا وغلا




مرورك هنا تشريف للمتصفح !

[فهد بن عبدان]

مخاوي الامل






هلا وغلا





مرورك عطر المتصفح