مشكلة عائلية

[حواء غرابيل]

السلام عليكم
أنا عندي أختين وحدة عمرها 17 والثانية 7 وأنا عمري 16
عايشين في شقة بروحنا مع أمي المطلقة

أمي ما عندها أهل في الكويت وعمرها فوق 40
أمي دايما تطلع مع رفيجاتها أو السوق أو الجاخور
وتخلينا بروحنا مع الخدامة في شقة صغيرة

أمي ما تقعد في الشقة ألا إذا بتنام أو وقت الغدا

أبوي مو مقصر معاي دايما يشتري لي ومرات ياخذني السوق أو السينما أو المخيم (:
أمي ما تدري عني ولا تسأل عني حتى أني أنسى الصلاة أمي مو مهتمه
أنا ما عندي غير رفيجتي أدق عليها , وأنا أبي أعيش عند ابوي مع مرته بس ما أقدر أخلي أختي الصغيرة بروحها
أختي الصغيرة دايما تبجي طول اليوم إذا أمي راحت , أختي تكسر خاطري تحب أمي وأبوي
أختي الكبيرة تكره أبوي كره مو طبيعي
أختي الكبيرة مستانسة عالوضع ,, عادي عندها , كل حياتها نت وما تصلي
ما أدري ليش مستانسة هي ما تاكل ألا جبن !
وأنا ما عندي أحد
لا أخوان لا أهل
ما عندي غير أختي الصغيرة ورفيجتي وهاللابتوب اللي أبوي شاريه لي
وأنا اذا قلت حق أمي أبي أروح السوق وياج أو ابي مطعم أو أي شيء
قالت ما عندي فلوس!!
عندها راتبها وعندها نفقات وعندها فوق الألف دينار في الشهر
وفي الأخير ما عندي فلوس!!

يعني أنا ما أكل ألا من أكل الخدامة اللي هو بيض!!
وفوق هذا أمي دايما تشتكي من أبوي في المخافر والمحاكم وتبي فلوس من أبوي
حتى أنا ما سلمت منها دخلتني المخفر ودخلتني المحكمة عشان أبوي

أمي تحب أختي الكبيرة لأنها تكره أبوي وشارية لأختي راوتر أنترنت عشانها مو عشاني وشارية لابتوب لها وتشتري لأختي ملابس وكل شيء
بس أنا ما تشتري لي

أنا الحمد لله قدرت أعيش حياتي وتعودت على هالشيء
لكن المشكلة أختي الصغيرة مسكينة ما عندها شيء ما تلعب ما تطلع من الشقة ما عندها شيء
دايما تبجي ما تهدا ألا عند الخدامة
تصدقون قامت تغني أغاني هندية!!
شالحل؟؟