عبدالله السقيان
09-12-2004, 12:26 AM
الأخوه هنا في غرابيل
بكل الحب أًصافحكم
غبت كثيراً
علها تمحي الغياب !!
الوجيه اتغيرت ووعودهم باتت خيال=وانقتل حلمً بنيته بالجفا في مطلعه
والمسافه يأس والرحله يطول بها الجدال =بين تزييف الحقايق وانكشاف الاقنعه
والزمن خان الاماني وقت حلمي بالوصال =والرحابه ضاعت فضيق الليال الموجعه
وآه من حمل على كتفي يهد له جبال = المواضيع الهموم والجروح الأمتعه
يشتعل في داخلي همً يبعثر كم سؤال =مالقت حل حقيقي أو أجابه مقنعه!!
ليه يادنيا معانا قسوتك تمشي عدال؟ = عكس حظً مايقوم الا يطيح بموقعه
وليه ياقلبي عشقت اللي غرامه مايطال؟ = ويوم طلته ماحصدت الا مرارً تجرعه
كان حلمي شوفه وقربه ولحظه من وصال = أعشقه وآعيش جنبه أزعله وآدلعَه
وآتغزل في خصاله من جمال ومن دلال =اكتب احلى بيت فعيونه لجل هو يسمعه
ماعرفت الشعر قبل أهواه واسرح بالخيال =وكل بيتٍ قيل فوصوفه (وصوفه) ترفعه
صار حلمي واقع وعشته وهو صعب المنال=يوم حظي كان يرسم له نهايه مفجعه
خانني وانكر حنيني وابتعد عني وحال = بيني وبينه غرورً وانكسارٍ يجمعه
والله اني كنت احبه حبً اصفى من الزلال = حب ماخالط مصالح ماتشوبه منفعه
كان لو يطلب يأشر كل مايبغى ينال = كل غالي يرخص لعينه ولجله ادفعه
كنت انا من كثر ماحبه معرف الاعتدال=لو يروح النار رحت امشي معاه واتبعه
كان لي برد ودفا كان ليه راس مال =ولو يقول الشمس زرقا قلت ياعقلي طعه
لكن انه باعني واختار درب الانفصال = ومبدأي منهو يبيعك لو تموت أبَه بعه
لاتفكر ترجع وتندم على ذيك الفعال = لانك بتسمع كلامن منتب بمتوقعه
ارحل وفارق جهاتي مالي فحبك مجال=حبك اللي مات موت كل احاسيسي معه
اغترق مركب غرامك واتجه نحو الزوال = يوم تيار الاماني خان حلم الاشرعه
دام طبعك خاين فلا مابها شك وجدال =لادمي طبعه يغلبه ليس مايتطبعه
اما انا برحل وببعد واتجه للانعزال= ولاتحسب انها حياتي قبل اشوفك ممتعه
قبلك الهم ابتلاني صال فيني ثم جال = وخانني ناسً معي وقت الرخا مستمتعه
كنت أحسبنهم ذرى لاكشرت سود الليال=يوم عيبي كان كذبً يلفظونه واسمعه
من متى والصدق عيب ومن متى والعز ذال = ومن متى صار الردي راسه علينا يرفعه
والله اني ماعرفت الذل وابقى ما ازال= رافع ً راسي ولاهي بتحنيني زوبعه
كل مايزداد همي يزيد صبري بانفعال =كل ماضاقت عليه اطلب المولى سعه
هيــه انا من لابةً تقهر صناديد الرجال =كم لهم صوله وجوله كم لها من موقعه
لابغيت افعل فعلت اللي يسمونه محال =ولابغيت آقول قولي كل قاصي يسمعه
عشت انا رحلة حياتي في متاهات الوصال = رحلتن تشبه متاهات .. الفصول الاربعه
والله انه لايواخذني على ذنبً عضال =اقترفته والعذر عبده يخونه مطمعه
عبدالله التوم
بكل الحب أًصافحكم
غبت كثيراً
علها تمحي الغياب !!
الوجيه اتغيرت ووعودهم باتت خيال=وانقتل حلمً بنيته بالجفا في مطلعه
والمسافه يأس والرحله يطول بها الجدال =بين تزييف الحقايق وانكشاف الاقنعه
والزمن خان الاماني وقت حلمي بالوصال =والرحابه ضاعت فضيق الليال الموجعه
وآه من حمل على كتفي يهد له جبال = المواضيع الهموم والجروح الأمتعه
يشتعل في داخلي همً يبعثر كم سؤال =مالقت حل حقيقي أو أجابه مقنعه!!
ليه يادنيا معانا قسوتك تمشي عدال؟ = عكس حظً مايقوم الا يطيح بموقعه
وليه ياقلبي عشقت اللي غرامه مايطال؟ = ويوم طلته ماحصدت الا مرارً تجرعه
كان حلمي شوفه وقربه ولحظه من وصال = أعشقه وآعيش جنبه أزعله وآدلعَه
وآتغزل في خصاله من جمال ومن دلال =اكتب احلى بيت فعيونه لجل هو يسمعه
ماعرفت الشعر قبل أهواه واسرح بالخيال =وكل بيتٍ قيل فوصوفه (وصوفه) ترفعه
صار حلمي واقع وعشته وهو صعب المنال=يوم حظي كان يرسم له نهايه مفجعه
خانني وانكر حنيني وابتعد عني وحال = بيني وبينه غرورً وانكسارٍ يجمعه
والله اني كنت احبه حبً اصفى من الزلال = حب ماخالط مصالح ماتشوبه منفعه
كان لو يطلب يأشر كل مايبغى ينال = كل غالي يرخص لعينه ولجله ادفعه
كنت انا من كثر ماحبه معرف الاعتدال=لو يروح النار رحت امشي معاه واتبعه
كان لي برد ودفا كان ليه راس مال =ولو يقول الشمس زرقا قلت ياعقلي طعه
لكن انه باعني واختار درب الانفصال = ومبدأي منهو يبيعك لو تموت أبَه بعه
لاتفكر ترجع وتندم على ذيك الفعال = لانك بتسمع كلامن منتب بمتوقعه
ارحل وفارق جهاتي مالي فحبك مجال=حبك اللي مات موت كل احاسيسي معه
اغترق مركب غرامك واتجه نحو الزوال = يوم تيار الاماني خان حلم الاشرعه
دام طبعك خاين فلا مابها شك وجدال =لادمي طبعه يغلبه ليس مايتطبعه
اما انا برحل وببعد واتجه للانعزال= ولاتحسب انها حياتي قبل اشوفك ممتعه
قبلك الهم ابتلاني صال فيني ثم جال = وخانني ناسً معي وقت الرخا مستمتعه
كنت أحسبنهم ذرى لاكشرت سود الليال=يوم عيبي كان كذبً يلفظونه واسمعه
من متى والصدق عيب ومن متى والعز ذال = ومن متى صار الردي راسه علينا يرفعه
والله اني ماعرفت الذل وابقى ما ازال= رافع ً راسي ولاهي بتحنيني زوبعه
كل مايزداد همي يزيد صبري بانفعال =كل ماضاقت عليه اطلب المولى سعه
هيــه انا من لابةً تقهر صناديد الرجال =كم لهم صوله وجوله كم لها من موقعه
لابغيت افعل فعلت اللي يسمونه محال =ولابغيت آقول قولي كل قاصي يسمعه
عشت انا رحلة حياتي في متاهات الوصال = رحلتن تشبه متاهات .. الفصول الاربعه
والله انه لايواخذني على ذنبً عضال =اقترفته والعذر عبده يخونه مطمعه
عبدالله التوم