الغالي اللي صار ماهوب غالي .

[حواء غرابيل]

مدخل :

آي والله أعاتب . ومليت الاعذار
فكر على مهلك . وحاسب ضميرك
آما تجيني صافي ٍ منت غدار
ولا بشوف احد ٍ من الناس غيرك

لشاعر : ماجد بشيت العازمي






السلام عليكم ورحمه الله


شفني . اعاني منك لي اربع سنين
هالحين ابفارق . واشد الرحالي
..
تدرين .ياليتك ف هالحال تدرين
الصدر من سبتك ماهوب شمالي
..
الزين . بدلته بأياديك لـ شين
قدرك نزل ماعاد هو ب العوالي
..
كافحت . لكن ف الخيانه تخذلين
مقدر اجامل . صحتي رأس مالي
..
هالحين صرتي جملة ٍ بين قوسين :
( الغالي اللي صار ماهوب غالي )
..
ماهي غريبه لو نزلتي من العين
ياكثرهم . الفين واحد طرالي
..
واللي بقى بيت ٍ بقوله لك الحين
حطيه في بالك .ترا هو ف بالي
..
(مابيك لحظه في حياتي تمرين )
( يازينها لاصرت عايش لحالي )


لشاعر :ماجد بشيت العازمي


مخرج :
مدري . احس بداخلي شي مسلوب
حنا سرقنا الوقت . ولا آسرقنا
منتي بـ مغصوبه . ولاني بـ مغصوب
آستوعبي يا بنت .. حنا ( افترقنا )

للشاعر :

ماجد بشيت العازمي