يايمه

[ليال]

يايمة اه لو تدرين اداري الدمعة واخفيها
يايمة من القهر ودي اصيح وداخلي مغبون
هموم اثقلت حملي ودموع ودي ابكيها
ولا أقدر من كذا اكثر ابين خافي المكنون
اخاف من نظرتك يمه تغير وضع غاليها
تحكي خدك بكفك وقلبك داخله وطعون
يايمه لو مسحتى لى جروحي وش يداويها
وحظي عاثر وطايح وقلبي دايم محزون
صحيح القول يايمه للبنت ام تخاويها
ولاكني بكتاباتي اطلع واقعي المدفون
مآكل الي كتبته به احلامي وارجيها
ومآكل الي كتب الشعر هو العاشق المجنون
يايمه لو منعتيني حرام انك تسويها
اعيش بوسط هاالعالم واحس بداخلي مسجون
تبيني اوعدك بدروب المحبة اني ما امشيها
ولا اكتب شوقي بكلمة ولو كلي شقى وشجون
انتي بعالمي شمعة ودروبى تضويها
وعساني عند حسن الظن ما خيب لك أي ظنون
بس ياميمتي تكفين هاذي بس عديها
ابكتب بالشعر همي وهم الناس لا يدرون

[طيف الوله]

مرحبا بحضورك العذب غاليتي وكم اتمنى ان اعرف هل هذه الكلمات لك ام منقوله ؟؟؟

[عمر البايح]

احجز مقعدي هنا كي اكون الاول

على هذه الرائعه والعذبه

فكم اسعدني واشجاني قرائة هذه القصيده

تحياتي لك ولشخصك العذب

القلب العديم

[البحااار]

صح لسانك

[ليال]

اشكر الجميع عل مروركم على الموضوع
واحب اوضح لكم ان اي موضوع انزلة في المنتدى كلها من عندي وليس منقولا كيف الواحد يطلع مواهبه اذا كان ينقل ولا ينسخ من اي منتدى ثاني فأحب ان اطمنكم ان جميع المواضيع من ابتكاراتي
والف الف شكر لكم جميعا

[عبدالرحمن الدوسري]

أختي ليال
صح لسانك على هذه القصيدة الرائعة
والمناجاة للوالدة
لا تحرمينا من ابداعك وقصائدك
لك ودي

[بدر المعصيري]

أختي ليال


صح لسانك على هذه القصيدة الرائعة



والأم شي كبير الف الف شكر على هذل النص الراقي


لا تحرمينا من ابداعك وقصائدك




تحياتي لك.

بدر المعصيري