المساعد الشخصي الرقمي

مشاهدة النسخة كاملة : القويماني وبن دحيلان



محمد القويماني
05-12-2004, 08:31 PM
السلام عليكم
مشرفي اعضاء زوار المنتدى

بعد غيبة نعود لكم للتواصل .




رجعنا بعد مدة وبعد اغياب شهرين = دفعنا الشوق لصحابنا في منتدانا
وابو مطلق محمد عزيز ومن عزيزين = سأل عنا يامال السلامة مانسانا

محمد بن دحيلان
05-12-2004, 08:57 PM
الله الله الله



ارحب يابو سعد



نورت الشبكة العنكبوتيه مهوب غرابيل بس .



يالله حيه


ياسلام


استلم ياكحيلان


رجعتوا وانتشى الموقع الليله رياحين = وانفرح بالوفي العريب اليا لفانا
ابو مطلق محمد يبي يسمعك ذلحين = ترانا مارضينا من غيابك ترانا




،،

محمد القويماني
05-12-2004, 09:14 PM
المرحب باقي


ياسلام عليكم يابو مطلق


رجال الطيب للعلم الابيض مستعدين = زعلهم من زعلنا رضاهم من رضانا
سوالفنا كثيرة واخل البحث بعدين = اخاف اعلمك ثم يضيقون اخويانا

محمد بن دحيلان
05-12-2004, 09:31 PM
ياسلام يابو سعد


استلم



خذاك البر والصيد وفروخ الشياهين = وحنا فالمدينه هينا في غثانا
نبي خوتك وانتا تلف يسار ويمين = من المقناص يا جعل ما يخسر حدانا




،،

محمد القويماني
05-12-2004, 09:51 PM
الله عليك يابو مطلق


وش دعوى

استلم



تعبنا للحباري وهي مغير ثنتين = ووحدة في غدانا ووحدة في عشانا
اخاف اروح ابك ثم تقول ادروبنا وين = تشوف القوم قدامنا والما ورانا

محمد بن دحيلان
05-12-2004, 10:14 PM
طيب طيب


استلم يابو سعد




انا مانيب حاسدك لو تصيد جولين = تراك ان كانك اعطيتنا تقبل عطانا
ادل الدرب ياللي تحسب الناس غادين = وانا في ساعة الضيق حاضر ماتوانا





،،

محمد القويماني
05-12-2004, 10:32 PM
نعم نعم


استلم



ترى المقناص برا يقولن العرب زين = اعرفك في رجاء الله ولانتب في رجانا
صحييح الصيد ولعه بوقت العسر والين = وبة صيدٍ هنانا وصيدٍ ماهنانا

راكان بن بدن السبيعي
05-12-2004, 10:43 PM
أرحبوا أرحبوا



محاورة كباااااار


القويماني وابن دحيلان



ما في الحكي فايده




واصلوا لاهنتوا


وحنا معكم صفووووف




وشرهتنا عليك يابو سعد كبيره



لكن دام الدعوى مقناص معذور يا بو سعد






أخوكم / راكان محمد



"

محمد بن دحيلان
05-12-2004, 10:59 PM
ياسلام

طيب طيب


استلم






ليامن صرت تقنص لشعب الهند والصين = ترا مقناصنا في ديرنا وبهوانا
خوي المرجله مايهاب الهم والدين = ولمنا ومرناه بامرٍ ما عصانا


,,

محمد بن دحيلان
05-12-2004, 11:00 PM
ارحب ياراكان



تو ما زان جو المحاوره بحضورك يالقرم


تقبل تحياتي اخووك

محمد القويماني
05-12-2004, 11:19 PM
هلا وغلا ياركان

حضورك فخري واعتزازي

شرهتك على العين والراس

والطيب يعذر



واستلم يابو مطلق




وراك تقول عطنا دليلك والبراهين = ماكنك يابيض الوجه تعرف مستوانا
ترانا بعد بكرة طلوع الشمس ماشين = وخلك في مكانك ولا تبحث خفانا

محمد القويماني
05-12-2004, 11:24 PM
استاذنك يابو مطلق عندي مشوار وراجع بعد ساعة او اكثر

محسن الغيثاني
06-12-2004, 01:16 AM
واصلـــــــــوا


ترانا متابعين



يالقويماني بشر عن الصيد



عسى لقيتوا

ترى ( الصقاقير كثر والحباري قليلة )

الله يوفقكــــم

أمل عبدالعزيز
06-12-2004, 03:05 AM
0
0
0
صح ألسنتكم يالقرمين

وين يامحمد؟

المهم محاورة راقية للغاية

والله يعين الشياهين على شياطين القوافي.......

خــــالـــــد
06-12-2004, 03:37 AM
يعطيكم العااااااااااافية


من زمااااااان عنكم


عساكم على القوووة


أمتعونا





أحوكم / خالد

طيف الوله
06-12-2004, 01:25 PM
الله الله الله هنا الشعر هنا العمالقه هنا الروعه

صحت القلوب

ناصــ(NASSER)ـر
09-12-2004, 02:05 AM
الشاعرين محمد القويماني ومحمد بن دحيلان

يسلاااااااااااااااااااااا اااام يسلاااااااااااااااااااااا ااااااااااااام



هذا الابداااااااااااااااااع وهذا شعرالمحاورة واما غيره فلا


شعراء متمكنين يستفاد منكم


وصحت السنتكم