مشاهدة النسخة كاملة : أقرب أقرب يالأسمري
راكان بن بدن السبيعي
29-11-2004, 10:23 PM
سلام للجميع
ومساء الخير يامحمد
الليله برد ونبي نسخّن الجـــو
استلم /
أقرب أقرب يا محمد عسى عمرك طويل=جابك الله في ديارٍ عوى سرحانها
المعاني كنها ضربة السيف الصقيل=والجبال السمر ما ضرّني بركانها
محمد الاسمري
29-11-2004, 11:02 PM
هلاو الله
مرحباً مليون وانا اخوك
الشرف لي يومني العب معك
أستلم لا هنت
أبشر أبشر جاك يا صاحبي خير العميل=والذياب اليا تعاوت قطعت السانها
المعاني يا رفيقي على الجاهل تخيل=والجبال السمر ما يعرفوا شيهانها
خــــالـــــد
29-11-2004, 11:15 PM
الله الله
راكان والأسمري
عز الله بننبسط فيها
يالله توكلوا
تحياتي
راكان بن بدن السبيعي
29-11-2004, 11:27 PM
أرحب ياخالد وحياك الله
يا سلااااااام
كفو كفو
واستلم
الجبال السمر مالت عساها ما تميل=وأنتبه لا حدّرت يمكم شعبانها
القوافي وقّفت عند بابك يالجزيل=والقبايل مثلكم تفرح بضيفانها
طيف الوله
29-11-2004, 11:27 PM
الليله برد ونبي نسخّن الجـــو
ههههههههههه يا راكان اجل نبي الدفا معكم
صحت القلوب انت والاسمري استمرو
أمل عبدالعزيز
29-11-2004, 11:37 PM
الله الله
صح لسانك ياراكان والاسمري...
طبعاً أنا بأمسك الخيزارنة وأضبط الصفوف .....
شد حيلك ياراكان تراني بصفك ( ولايهون الاسمري ) :احم:
محمد بن دحيلان
29-11-2004, 11:38 PM
ياسلام ياسلام ياسلام
متابعين
الليل الليل
تراني في صف الاسمري ،،،،،،
الليل الليل
,,,
راكان بن بدن السبيعي
29-11-2004, 11:42 PM
هلا يا طيف
وأبشرووووا بالخير
محمد الاسمري
29-11-2004, 11:55 PM
الله الله
أستلم لاهنت
ماعلينا نرتكي والأصاله للأصيل=بندقي دوم(ن) تصيب ما خطى نيشانها
القوافي يا عميلي على راس البخيل=والنشاما مثلكم راجح(ن) ميزانها
راكان بن بدن السبيعي
29-11-2004, 11:56 PM
الرهيبه يا هلابك
وأبشري بالسعد
دامك بصفي
محمد الاسمري
30-11-2004, 12:03 AM
طيف الوله
صح بدنك ولاهنتي
سلمتي علىالمرور الغالي
محمد الاسمري
30-11-2004, 12:06 AM
هلا بلأخت الرهيبه
صح بدنك ولاهنتي
لك كل التقدير
خــــالـــــد
30-11-2004, 12:06 AM
راكان بن محمد
محمد الأسمــري
واصلوا
متابعين لكم
تحياتي
راكان بن بدن السبيعي
30-11-2004, 12:07 AM
الله الله
استلم
بأحتزم للملعبه ما علي من القبيل=بس دوّر من يعدّل عليك أوزانها
القصايد عندنا كان ما عندك دليل=يوم ربعك فالجبل ركّزوا ريحانها
محمد الاسمري
30-11-2004, 12:07 AM
أرررررحب يا أبو مطلق
صح بدنك مليووون
ولاهنت يالقرم
وكونك في صفي هذا شرف كبير يالقرم
أبشر أبشر
لك كل التقدير
راكان بن بدن السبيعي
30-11-2004, 12:11 AM
ابن دحيلان أرحب
تو ما زانت الملعبه
محمد الاسمري
30-11-2004, 12:35 AM
حلوو
أستلم لاهنت
لو تحزم ما يفكك حزامك يا شعيل=القريحة حية(ن) تلغفك نيبانها
الله انه يلعن الهزل والشعر الهزيل=والجزاله عندنا عاليه مع شانها
محمد بن دحيلان
30-11-2004, 12:36 AM
الله الله
صح اللله السنتكم
معكم
مسرى والليل دغوش
وامنعونى من الحوااادث
هههههههه
تحياتي
أمل عبدالعزيز
30-11-2004, 12:42 AM
:eek:
الله انه يلعن الهزل والشعر الهزيل
:واو:
شدو حيلكم بس بهدوء....:rolleyes:
راكان بن بدن السبيعي
30-11-2004, 12:56 AM
الله الله
استلم
كان تقوى للثقيله تعال ابرك وشيل=ما يورّط بعض الأجواد غير لسانها
حيّتك لا تلتوي حول راسك يالهبيل=ما سمعت بشجْرةٍ يدّرج ثعبانها
محمد الاسمري
30-11-2004, 01:34 AM
الله الله
أستلم أستلم
كلها ساعة وترغي من الحمل الثقيل = ومن رغى نقول له يستريح وزانها
الشجاعة كنز والذل عاده لذليل = والامانه ماضفر ياولد من خانها
راكان بن بدن السبيعي
30-11-2004, 01:35 AM
وين رحت يالأسمري
الصفوف رقدوا
خلوووووووها
يالجنوبي وزرتك محتزمها بالشليل=يوم سنّدت الجبل صلّعت كرعانها
كان فيك الخير عوّد علينا لاتحيل=كل قومٍ تآخذ طبوع من جيرانها
محمد الاسمري
30-11-2004, 01:49 AM
طييييييييب
أستلم
واصلك عمك محمد ولا يهدا بليل=لين ينكس رايتك من ورى جدرانها
عادتك يالأجودي ما تحب الا الطويل=عان روحك في يدي يالصغير عانها
راكان بن بدن السبيعي
30-11-2004, 02:08 AM
حسبي الله عليك
أستلم
يا صبيي فآخر الوقت مابه مستحيل=الخدم قامت تجرّا على عمانها
من يشط الدرب مثلك نعرّضه الجليل=ما سلم من وقعنا فالسما غربانها
محمد الاسمري
30-11-2004, 02:20 AM
لا تحسب علي أذكر الله يا مسلم
أستلم أستلم
من يدور للشكاله ترى جاه القليل=ومن مشى درب الردى نلّبسه بأحزانها
والله أنك لو تقوم قلت لك ياماش حيل=لجل ما ترجع على بيتكم بطرانها
راكان بن بدن السبيعي
30-11-2004, 02:33 AM
هههههه
أستلم
أنت مثلك لو تريّح وشرْب امن الصميل=كان ماظفـّته بقعا تحت جنحانها
يوم حدرك يا محمد بدت نار الفتيل=خزنتك من بعدنا شرّعت بيبانها
راكان بن بدن السبيعي
30-11-2004, 02:40 AM
عز الله راح ليلي معك مادريت عنه
من زود الوناسه
لكن
ممسا وهدااااااا
الوعد بكره
محمد الاسمري
30-11-2004, 02:47 AM
لا والله الا حسبي الله عليك انا
أستلم ...
وانت لو جاها يفور ضج صوتك والعويل=والله أنك ترخي وترجع تعض أسنانها
وش سواتك تحتنا وش سواتك يالكحيل=يسري الساري بليل(ن) إلين أذانها
محمد الاسمري
30-11-2004, 02:49 AM
ههههههههههههههههه
طيب طيب
ألوعد باكر ..
تصبح على خير
غرابيل 2004
22-12-2004, 01:28 PM
الله الله :برافو:
وينكم
من يوم 30-11-2004, 02:49 Am
الين اليوم ونحن ننتظر :واء:
بتكملون والا نشوف غيركم :بفكر:
طيف الوله
22-12-2004, 05:13 PM
هههههههههههههههه ياغرابيل شوف غيرهم
غرابيل 2004
23-12-2004, 07:22 PM
خخخخخخخخخخخخخ
الظاهر ان فيه ان :)
خلاص الله يعين بركب النظارة واشوف هههههههههه
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir