كابوس والعياذ بالله

[النـ الحزيـن ـاي]

في ليلة سوداء مليئه بالظلام(لااحدد يدقق على التعبير) :اوبس: واذا بي انوي الخلود الى النوم فقررت ان اذهب الى فراشي فنهضت نهضه شايب يبي يفطس وذهبت سيرا على الاقدام لفراشي<<<ليه ناوي تروح بسيكل
وانا في الطريق الى غرفتي الحبيبه واذا بي ومن دون تنبيه ومن دون أي لافته تنبه لهذا الشئ واذا بي اصفط على ظهري صفطتا لم يذكر لها مثيل قط :اخ:
فانهز كياني وانجرحت مشاعري فاذا بي التفت لارى ماحل بي لارى زبيريه اخوي حاطها عند الباب من دون سابق انذار من حبه لي طبعا<<<فيه شوي تفحيط بالكلمات لااحد يضحك
فنهضت وذهبت الى فراشي وانسدحت انسداحه اليمه تدل على اني ودي انام فاغمضت عيناي وذهبت في سبات عميق وانا نائم حلمت حلم بشع ياله من حلم يهز الكيان :ياهو: <<<غصب تصير سواليفه مؤثره
واذا بي احلم بمرآه تلحقني(حتى الحلم مايعرف يحلم)تلحقني وانا اركض لاهرب منها وانا في نص ركضتي التفت لارى المرآه واذا بي ارى وجهي فيها يبتسم ويقول لي بصمت ووقار ساريك ايها الملعون :سعد:
لكن الشئ الوحيد الذي تعجبت منه اني رأيت آدمي في الحلم ماادري وش جابه معي واحد اسمه جحا
من كثر مااحبه لاحقني حتى بالحلم كان بيجيب عبسي بس كان عبسي نايم واللي خلاني استغرب اكثر انه كان يلمع (جزمتي)وانتم بكرامه قبل ان اهرب من المرآه وكانت لديه نصيحه غريبه لم اسمع مثلها قط كان يقولي كل مالمعت جزمتك اكثر كل مااسرعت اكثر وانا طبعا وبلافخر كنت بالحلم مخفه :واو:
وخليته يلملعلي انا ماقهرني الا شي واحد الخمسه اللي عطيتها اياه وبعد المكاسر طبعا<<<يحب يكاسر اذا راح هو وامه للسوق
المهم فكانت تلحقني المرآه وانا اركض وهي تلحقني وانا اركض بغيت اسوي تمويه اوقف ثم انسدح بس خفت اندعس
قلت اقول كمل ركضك بكرامتك<<<<ماادري وش دخلها بالموضوع بس بالحلم صار عندي كبرياء :كلوش:
فكملت ركضي فاذا بالهندي حق بقالتنا يعترض طريقي ليقول لي كلمه هزت مشاعري كان يقول(فين فلوس صديق انا في يطلب انت عشره ريال)لحظتها احسست بالذنب لاني لم ادفع<<<<قعد يترجى الهندي لين ماطلع من الحلم علشان ماينكبنا
فاكملت سيري فاذا بي اسمع صوت من بعيد ينادي النـــــــاي فاذا بي انتبه ففتحت عيناني فاذا بوالدي يقول لي مابك يابني<<<<يلعب عليكم ابوه يقومه بخيزرانه بس لااحد يدري :اوبس:
فعلمت انه كان حلم فاستغفرت ربي وتعوذت من الشيطان ونهضت من السرير




محبكم المخلص: النـ الحزيــــن ــاي <<<<<<<<قاعد تكتب خطاب انت ووجهك

ماادري بس اذكر بحصص التعبير كانو يقولون ان اخر شي لازم تكتب كذا عاد جاي اطبق عليكم اليوم

وشكــــرا لحسن المتابعه<<<<منتب عاقل يالقناه الاخباريه انت :ياهو:

[سيف العز]

ياروووووووووووووووووووووج ي يانت

ياخي انت منسم

انا بعرف كيف وقعت على ظهرك ياعزيزي ؟!

اما كله كوم ودخلت هندي البقاله كوم ثاني

صصصصصصصصصصصصصصصصصصصصصصصصص صصصصصصااااي

كثر من هالسوالف تكفى

طحياطي

سيف

[النـ الحزيـن ـاي]

اللللللله يسلمك يارب سيف ألبي<<توه شايف فلم مصري :خخ:

بس ياخي طحايطي ذي كل ماشفته ضاق صدري وش معناه يعني مهايطي ولا وشو دئلت ولا احتياطي ولا وشي ياخي قصممم بالله قاهرتن ودي اعرف وشي

واذا على التنسيم اخي لاتقعد تتفرج علي وانا انسم اذا معك استبنه احلته علي لاهنت<<<<احلته صعيدي ماعليك بيتقطفه(بيخمه بالقصمنجي) :سعد:

تقبل تحياتي سيفوه عزيزي<<<صار مؤدب يوم خلص :اوبس:

النـ الحزيـن ـاي

[أمل عبدالعزيز]

لك يخرب موخك شوهاض؟

حشي شله يهبل , بقا بدنا تكتوب عنا شثير شثير من شان لو صرت شاتب شبير يمشن نرشح وتصير تختور في المنتده شو جلت؟

بتصدج عاد بس جريت هالجصة وانا يالى بغيت موووت ضحش , وفي عز الضحش صار اثمي فاق فحاولت أنى جفلوه؟ بس ماجدرت؟

جلت يابنت يارهيبي بدش توخضي حالش وتروحي للشتاب وتذاكري دروسش أصرف لالش ولالوووه

^
^
^
أردني يالأخوو علشان ماتخربط

بس من جد أنت رهيب

وقصتك ارهب

وتحياتي أنا يالى اسمي ( أم رهب)

صي يوووو وننتظرك في حلجة جادمة

وخوض هالهديي مني ( وردة فسفوري) :سعد:

[النـ الحزيـن ـاي]

ههههههههههههههههه اقسم بالله غصيت من حتسيتس توي متعشي حمقت والله ياللهجه تجيب الماغص بس على طاري رهيب بجنبي جوال رهيب تبين افلقتس بوه <<قليل خاتمه ماينعطى وجه :خجل:

امزح ياحبيلك بعد وانتي ارهب بس رهيب ابن اللذين لاحطيته بمخباتي تقول حاطن بلكه احس انوه يختل توازني بسرعه<<<تقول قايلينلوه قص قصه حياتك وراه واتسكت وتروج تمسكلك ربعه تقشر بصل مير :ياهو: <<استانس

تسلميلي يارب على مرورك ياارهب من رهيب 2000<<ايقالوه يمدح الحين

تسلميلي من جد والله انتي الرهيبه ولو انك اول ردك حسيت اني قاعد بمحل اجار<<<تعقد من الاردنيين قبل شهرين لعب عليهم اردني بدبي مستاجرين منوه سياره دئلت

تقبلي تحياتي يااللي مخليه المنتدى ارهب شي واذا على الورده ماابي ورده فسفوريه ابي برحي ولبن<<مزاج شياب يازينهن بعد وانا مدد عصاقيلي بالحوش والهوا يهفه من كل جهه ياسلااااااااام ياهي وناسه بعد اذا ماحصل برحي سكري يمدحونوه ولبن نادك<<<طرار ويتشرط :شاطر:


النـ الحزيـن ـاي :تصفير:

[المملوووحة]

هاي انا

خخخخخخخخخخخخخخخخخخخخخ


والله جد من التنسيم والصرقعه ولاتهون المهايطه

هذا وانت اسمك الناي الحزين اجل لو انك الناي المسفهل وش تسولف بوه

يعطيك العافيه وحياااااك

وياكثر همقك بعد حتى الرد كنوه موضوع من طوله<<طيب وش دخلتس انت

<<لقافه بس خخخخخخخخخخخخ

يسلمووووووو الناي

والله لايهينك رح شف ترحيبي فيك خخخخخخخخ

تحياتي

,,المملوحه,,

[النـ الحزيـن ـاي]

هههههههههه تسلملي هاي انتي والله من زين الاسلوب دايم تسذا القصمان بناتهم جلوف وراااااااه نبي حنااااااااااان دئلت

الله يسلمك يارب ويخليك شفت الترحيب بغيت اروح اصفق الهندي حق البقاله من الوناسه بس اللي قاهرن منن وين جبتي هايدي والله يابغيت اشوته بس رحمته جايه ترحبي :قوي: <<<مسوي قوي على هالعالم وآخرته بيتشوت بس ماادري متى

المهم ماابي اطول وبعدين اذكري ربك دئلت لايجيني شي

تقبلي تحياتي مملوحه

النـ الحزيـن ـاي :ياهو: <<انتي تسذا

[المملوووحة]

اووووف قوصمان وش ترجي

لا اله الا الله توف تووووووف الف من ذتسروه<<عشان ماتقول نظلتيني

من زين عاد هالحتسي اللي ترطن بوه كلوه همقن ثلاث اربعه ماينفهم

عللى وشو انضلك ياحسرره

يلا بس توكل وتدف وتلبس زين والبس شراب العايله تراهن يدفن

وخلك بدراستك وانا اختك

<<وش تبين انت>> خخخخخخ مدري بس فاضيه

تحياتي

,,المملوحه,,

[الولهان]

خخخخخخخخخخخخخخخخخخخخخخخخ

العن ام الاحلام ياشيخ

يارب انك ماتورينياهن

[غــزلان]

اللــــــــــــــــــــــ ـــــــه يرجك على ذا الاحلاام اهمم شي ذا المقــــطع تسدحت عليه من الضحك

بوالدي يقول لي مابك يابني<<<<يلعب عليكم ابوه يقومه بخيزرانه بس لااحد يدري
فعلمت انه كان حلم فاستغفرت ربي وتعوذت من الشيطان ونهضت من السرير

خخخخخخخخخخخخخخخخخخخخخخخخخ خ

طحياااااااااااتي
غزلان
http://www.sfsaleh.com/vb/attachment.php?attachmentid=2346&stc=1

[بنت الجـيران]

وانا في الطريق الى غرفتي الحبيبه واذا بي ومن دون تنبيه ومن دون أي لافته تنبه لهذا الشئ واذا بي اصفط على ظهري صفطتا لم يذكر لها مثيل قط


:هاها: هذا اللي يروح لفراشه سيرا على الأقدام .. كان رحت بدباب


فانهز كياني وانجرحت مشاعري

ياويليييييييه بسسسسسس .. أدوووووووووخ أنا .. أتعذذذذذب


ارى وجهي فيها يبتسم ويقول لي بصمت ووقار ساريك ايها الملعون

سؤال يجدع نفســـــة بقوووووة

.. وشلون تقولك بصمت ؟؟

ممكن أفهم ؟؟


محبكم المخلص: النـ الحزيــــن ــاي <<<<<<<<قاعد تكتب خطاب انت ووجهك

ماادري بس اذكر بحصص التعبير كانو يقولون ان اخر شي لازم تكتب كذا عاد جاي اطبق عليكم اليوم
وشكــــرا لحسن المتابعه<<<<منتب عاقل يالقناه الاخباريه انت

خخخخخخخخخخخخخخخخخخخخخخخخ :هاها: :هاها:

الله يحوس غرفتك

وتقعد سنة ترتبها .. :خخ:

قل آمـــــــين

أما شكرا لحسن المتابعة <<< صدق ذكرتني بالأخبار

قسسسسسم بالله ودي ألفع المذيع إذا قالها

ماخذ بروحه مقلب يحسبنا نتابعه

تلقاني أنا متحمسسسسسة أبي الأخبار تخلص ..

وهو يتمطط

أووووووووووووووووووف

<<< أقول ورا ماتلفين ؟؟

النــــــااااااي ..

:هاها:

عذبتني وأنا أضحك دئلت

<<< مصالة في ذا البنت ماكد شفتها :مدري:

مووورصيااااااااااات يالنـــــــاي

وربي موزوع كذا >>>>>> :ياهو:

[مخاوف قلب]

والله قهر عاد


ماتحس انه قهر يوم انك ماتعرف وش قصه هاللي تلاحقك؟؟



صراحه قهر انصحك تحاول تكمل حلمك يمكن تذبحك او شي


او يمكن تبي تعطيك فلوس لاتهرب وقف لها


<<<< نذله خخخخخخخخخخخخخخخخخ


صي يووو

[النـ الحزيـن ـاي]

هههههههههههه ايه العائله السعيده شكلتس للحين تدرسين بالحضانه

وبعدين ادري انتس ماتفهمين شكلتس اول يوم كنتي بزر كنتي تماشين زوله واللغه عندتس انحاست انصحتس بكورس بعنيزه بوه معهد يقالوه معهد ابو حصيصه يمدحونوه يدرستس اللغه القصمنجيه البحته ياما للمغص اللي يمغص بطن العدو :قوي: <<<<لابس خوذه خوفا من تجي زنوبه من ارض الاعداء


وتقبلي تحياتي مملوحه لابغيتي تجين النوبه الثانيه جيبي مترجم بلا اندونسيات تكفي شغالتنا كل ماقلتله جيبي بردقان قالت ايس فيه كلام ودي اشيله واسطحه بس دايم انا وامي نتماعط واقوله فكي وافك ماتخلين المخه لما تذن :سعد:


امزح لاتزعلين من مملوحه ترى امزح بس انا على طول امون انا وفيسي :خجل:

تقبلي تحياتي واحترامي :احم:

[النـ الحزيـن ـاي]

هههههههههههههههههههههههه

ياحبيلك ياعنوني ولهان قلبي تسلم يارجال ماشفت شي بعض الاحيان اقوم اتباقس انا وابوي ابوي يحسبن صادززززززز همن نقعد نتصارع مايدري اني احلم مادريت عنوه واان بالصدزيه يعني بالحلم كنت ماسكن واحد من اصدقاي ودابجوه لما داخ بس لاتقولوه :خجل: ودايم تعدي على خير بدون اصابات

تقبلي تحياتي ياحوووووووووبي :اموه: <<مايستحي على فيسوه :تصفير: <<يصرف

[النـ الحزيـن ـاي]

ههههههههههههههههههههه

تسلميلي غزلان اسم على مسمى وش اسوي كل يوم جايبلي خيزرانه لون وشكل مره يجبلي حمرا يقولي بطعم الفراوله دئلت ولا بردقانيه بطعم الوز يلعب علي بس يبي يلزخن به دئلت وانا اقول ارحموني بأه اكمنني طرطور دايم تلزخونن<<<<<<توه مدردش مع مصري للحين مافكت اللغه ماسكه على مصاريا :شاطر:

تسلميلي يارب دووووم هالضحكه يارب ولكل من مر هنا

والله لايحرمني من طلتكم يارب :احم:

تقبلي تحياتي واحترامي

[النـ الحزيـن ـاي]

ههههههههههههههههههه ددووووووووم هالضحكه يارب

وش عرفتس بلغه العيون انتي :خجل: <<<اشوا انك ماتفهم الا بلغه السيقان اها بس اها

بعدين وش دخل غرفتي احد قالتس انه يوم صارت مرتبه تقول غرفه يماني مافيه ربعه الا وبه ياثوب يابدله انواع الزحمه بالغرفه مسوي زحمه والشارع فاضي<<<حاط خط بغرفته من الوسوسه ايقالوه شارع كل مافضى قعد يفحط من الفضاوه :ياهو: واقول دربتتيييييييتربت ايقالي اضرب بواري اللهم لك الحمد

انشالله لاكبرت اعقل الحين توي مراهق ادعولي :قوي:
وعلى طاري الاخبار انا عنديلتس حل اذا بغيتي ماتملين من الاخبار تصارعي انتي وحدا اخوانتس<<<يحسب كل الناس مثلوه ماادري وش يبي هو وحركاته ايقالوه عضلات وهو ماعندوه ماعند جدتي ولا كولي فستق بالبصطيرما<<<توي سامع مصري يقوله بس مادري وشي احس انه خشبه هذا اقرب الاحتمالات :قوي: <<<الهم يشفيك يارب

تسلميلي يارب على مرورك

تقبلي تحياتي واحترامي :احم:

[النـ الحزيـن ـاي]

هههههههههههههه تسلمين يارب مخاوف
انا فكرت اني انام بس خيزرانه ابوي اللي بطعم الفراوله ماش تحمر الجلد قويه دئلت عجزت اغمض بعده

بس المره الثانيه بناديه تجي معي للحلم وبخليه تلحقن مره ثانيه وبشوف وش بتسويلي بالاخير وبعلمكم وش صار انشالله النوبه الثانيه :اوبس:


وبعديييييييين من قال انك نذله بالعكس تمونوووووووووووووووووووون :ياهو:

ماعليك قريب انشالله بحاول احلم حلم زي الاوادم ودي مره احس اني بي شوي رومنسيه بالاحلام <<<<يحسب الحلم على كيفوه :احم:

وفي الختام ابعث تحياتي لماما ولباب واهديلهم اغنيه ام حديجان (ابوي وراك علي المرثيه) اللي كل ماسمعته قعدت ابتسي عليه من كثر ماهي محزنه

وماابي اطول بس حبيت اقول تسلمين لي يارب الله لايحرمني من طلتكم

تقبلي تحياتي واحترامي :smile:

[ياناس ياهووووه]

وش السالفه ياربع

راسي يفتر فر

[النـ الحزيـن ـاي]

البطحاء طوووووول مع هذا الشارع وآخر الحاره لف يمين تلقى هندي منسدح على الرضيف قله وين البطحا يدللك :احم:

:خجل: تحياتي لك خيو